Browsing daily archive
ଜୁଲାଇ ମାସ ୨୧ ତାରିଖ ୨୦୨୨ ମସିହା(ଗୁରୁବାର)ଶ୍ରାବଣ-କୃଷ୍ଣପକ୍ଷ ,ତିଥି- ଅଷ୍ଟମୀ ଦିବା ଘ୦୮/୦୬ ପର୍ୟ୍ୟନ୍ତ ତଦନ୍ତେ ନବମୀ ,ସୁର୍ୟୋଦୟ-ପ୍ରାତଃ ଘ୦୫/୨୨/୫୮ ,ସୂର୍ୟ୍ୟାସ୍ତ -ସନ୍ଧ୍ୟା ଘ୦୬/୨୪/୩୧ ,ମେଷ ରାଶିର ଘାତଚନ୍ଦ୍ର ,ତୁଳା ଓ କୁମ୍ଭ ରାଶିର ଘାତବାର ,ନବମୀ ର ଏକୋଦିଷ୍ଟ ଓ ପାର୍ବଣ ଶ୍ରାଦ୍ଧ ,ନଡିଆ ଦିବା ଘ ୦୮/୦୬ ଗତେ ଲାଉ ଭକ୍ଷଣ ନିଷେଧ ମେଷ-ଆଜି ଯାହା ହେଉନା କାହିଁକି ଆପଣ ନିଜ ଆତ୍ମୀୟମାନଙ୍କ ସହ କଳି କରିବେ ନାହିଁ । ପରିସ୍ଥିତି ଯେମିତି ହେଉ […]
ଗଞ୍ଜାମ,୨୦/୭(ଏସ ଏସ ନିଉଜ) ଗଞ୍ଜାମଜିଲ୍ଲାର ସମସ୍ତ ସରକାରୀ କର୍ମଚାରୀଙ୍କ ଛୁଟି ବାତିଲ ହୋଇଛି ।ଜୁଲାଇ ୧୭ ରୁ ୩୦ ପର୍ଯ୍ୟନ୍ତ ଛୁଟି ବାତିଲ୍ କରିଛନ୍ତି ଗଂଜାମ ଜିଲ୍ଲାପାଳ ।ଗଂଜାମରେ ପ୍ରବଳ ବର୍ଷା ସମ୍ଭାବନା ଯୋଗୁଁ ବନ୍ୟା ପରିସ୍ଥିତି ଆଶଙ୍କା ଦେଖାଦେଇଛି ।ବନ୍ୟା ପରିସ୍ଥିତିକୁ ଦୃଷ୍ଟିରେ ରଖି ଛୁଟି ବାତିଲ ନିର୍ଦ୍ଦେଶ ଦେଇଛନ୍ତି ଜିଲ୍ଲାପାଳ ।
ଭୁବନେଶ୍ୱର,୨୦/୭(ଏସଏସନିଉଜ)କାଶୀପୁର ପରେ ଏବେ କୋରାପୁଟ ଜିଲ୍ଲାରେ ଝାଡ଼ାବାନ୍ତି ବ୍ୟାପିବା ଆରମ୍ଭ କରିଛି ।ଦଶମନ୍ତପୁର ବ୍ଲକର ଛତାଆମ୍ବ ଗାଁରେ ଦ୍ରୁତଗତିରେ ବ୍ୟାପୁଛି ଝାଡ଼ାବାନ୍ତି ।ଛତାଆମ୍ବ ଗାଁର ୨ ଗୁରୁତର ଆକ୍ରାନ୍ତ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି ହୋଇଥିବାର ଜଣାପଡିଛି ।ଅନ୍ୟପଟେ କାଶୀପୁରର ହଇଜା ପ୍ରବଣ ଅଂଚଳ ଗସ୍ତ କରି ସେଠାକାର ସ୍ଥିତି ଅନୁଧ୍ୟାନ କରିବା ସହ ଜନସ୍ବାସ୍ଥ୍ୟ ବିଭାଗର ବିଭିନ୍ନ କାର୍ୟ୍ୟର ସମୀକ୍ଷା କରିବାକୁ ଯାଉଛନ୍ତି ଜନସ୍ବାସ୍ଥ୍ୟ ବିଭାଗ ନିର୍ଦ୍ଦେଶକ ନିରଞ୍ଜନ ମିଶ୍ର ।
ରାଉରକେଲା, ୨୦/୭(ଏସଏସନିଉଜ) ରାଉରକେଲା ଏନଆଇଟି ସାଇନ୍ସ ବିଲ୍ଡିଂର ଦ୍ୱିତୀୟ ମହଲାରେ ଅଗ୍ନିକାଣ୍ଡ ଘଟିଛି । ଅଗ୍ନିକାଣ୍ଡରେ କମ୍ପ୍ୟୁଟର ସମେତ ଏକାଧିକ ସାମଗ୍ରୀ ପୋଡି ନଷ୍ଟ ହୋଇଥିବା ସୂଚନା ମିଳିଛି । ସର୍ଟ ସର୍କିଟ ଯୋଗୁଁ ଏହି ଅଗ୍ନିକାଣ୍ଡ ଘଟିଥିବା ସନ୍ଦେହ କରାଯାଉଥିବାବେଳେ କାହାର କୈାଣସି କ୍ଷତି ହୋଇନାହିଁ । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଂଚି ନିଆଁକୁ ଆୟତ୍ତ କରିଛି ।
ରାଉରକେଲା, ୨୦/୭(ଏସଏସନିଉଜ) ରାଉରକେଲାରେ ମାସ୍କ ବାଧ୍ୟତାମୂଳକ ନେଇ କମିଶନର ଶୁଭଙ୍କର ମହାପାତ୍ରଙ୍କ ସୂଚନା ଦେଇଛନ୍ତି ।ସର୍ବସାଧାରଣ ସ୍ଥାନ ଓ ଦୋକାନ ବଜାର ଯିବା ବେଳେ ମାସ୍କ ପିନ୍ଧିବା ପରାମର୍ଶ ଦିଆଯାଇଥିବାବେଳେ ପ୍ରଥମେ ଲୋକମାନଙ୍କୁ ସଚେତନ କରାଯିବ କହିଲେ କମିଶନର ।
କୋଣାର୍କ,୨୦/୭(ଏସଏସନିଉଜ) ସ୍ତ୍ରୀ ମାନ୍ୟତା ଦାବି କରି ଥାନା ଆଗରେ ଯୁବତୀ ଧାରଣା ଦେଇଛନ୍ତି ।ନୂଆଗଡ଼ ସାମୁଦ୍ରିକ ଥାନା ଆଗରେ ଜନୈକା ଯୁବତୀଙ୍କ ଧାରଣା ।କିଛିଦିନ ତଳେ ଉକ୍ତ ଗାଁର ଜଣେ ଯୁବକ ଯୁବତୀଙ୍କୁ ନେଇ ଚମ୍ପଟ ମାରିଥିଲା ।ସମ୍ପୃକ୍ତ ଯୁବକ ରାଜ୍ୟ ବାହାରେ ୧୧ ଦିନ ରଖିବା ପରେ ପୁଣି ଗାଁରେ ଛାଡ଼ିଦେଇଥିବାର ଧାରଣାରେ ବସିଥିବା ଯୁବତୀ ଅଭିଯୋଗ କରିଛନ୍ତି ।
ବାରଙ୍ଗ,୧୯/୭(ଏସ ଏସ ନିଉଜ) ନାଚ ଦେଖି ଗାଡି ଚାଳକ ପୁରୀ ମେନ କେନାଲ ଦେଇ ଫେରୁଥିବାବେଳେ ଏକ ଫର୍ଡ ଫିଗୋ କାର୍ ଭାରସାମ୍ୟ ହରାଇ ପୁରୀ ମେନକେନାଲକୁ ଓଲଟି ପଡିଥିଲା।ଫଳରେ ଏଥିରେ ଚାଳକ ସାମାନ୍ୟ ଆହତ ହୋଇଥିବା ଜଣାପଡିଛି।ଆହତ ଗାଡି ଚାଳକ ଜଣେ ପ୍ରତିଷ୍ଟିତ ଯାତ୍ରା ପାର୍ଟିର ଗୀତିକାରଙ୍କ ଗାଡି ଚାଳକ ବୋଲି ଜଣାପଡିଛି। ସୂଚନା ଅନୁଯାୟୀ ଗତ ସୋମବାର ରାତି ସାଢେ ୩ଟାବେଳେ ନନ୍ଦନକାନନ ଥାନା ଅନ୍ତର୍ଗତ କେନ୍ଦୁପାଟଣା ଗ୍ରାମ ଯାତ୍ରା ପଡିଆରେ ଚାଲିଥିବା ଯାତ୍ରା […]
ଯାଜପୁର,୨୦/୭(ଏସଏସ ନିଉଜ) ଛାତ୍ରଛାତ୍ରୀଙ୍କ ପାଇଁ ଆସୁଥିବା ମଧ୍ୟାହ୍ନ ଭୋଜନ ଚାଉଳ ଓ ସହାୟତା ଅର୍ଥ ରାଶିକୁ ବି ହଡ଼ପ କରିବା ମଧ୍ୟ ଅଭିଯୋଗ ଆସିଥିଲା ଯାଜପୁର ଜିଲ୍ଲା ଦଶରଥପୁର ବ୍ଲକ କୁଆଁରପୁର ନୋଡାଲ ଉଚ ମାଧ୍ୟମିକ ବିଦ୍ୟାଳୟରେ ଏପରି ହୋଇଥିବାର ଅଭିଯୋଗ ପରେ ତଦନ୍ତ ପରେ ଭାରପ୍ରାପ୍ତ ପ୍ରଧାନ ଶିକ୍ଷକ ସଞ୍ଜୟ ନାୟକନିଲମ୍ବିତ ହୋଇଥିବାର ଜଣାପଡିଛି ।
ସୁନ୍ଦରଗଡ଼,୨୦/୭(ଏସ ଏସ ନିଉଜ) ସୁନ୍ଦରଗଡ଼ ଗ୍ରାମ୍ୟ ଉନ୍ନୟନ ବିଭାଗର ଡ୍ରାଇଭର ମୁନା ମାଝୀଙ୍କ ମୃତଦେହ ଉଦ୍ଧାର ହୋଇଛି ।ଟାଉନ ଥାନା ଅଧିନସ୍ତ କେଡ଼ିଆ ପେଟ୍ରୋଲ ପମ୍ପ ନିକଟରେ ଥିବା ଏକ ନାଳରୁ ମୃତଦେହ ଉଦ୍ଧାର କରିଛି ପୋଲିସ। ଗତ ୧୪ ତାରିଖରୁ ଡ୍ରାଇଭର ନିଖୋଜ ଥିବା ନେଇ ପରିବାର ଲୋକେ ଭସ୍ମା ଥାନାରେ ଅଭିଯୋଗ କରିଥିଲେ।ଏବେ ପୋଲିସ ତଦନ୍ତ ଆରମ୍ଭ କରିଛି ।
କେନ୍ଦୁଝର,୨୦/୭(ଏସଏସ ନିଉଜ) ଅଫିମ ଚୋରା ଚାଲାଣ ବେଳେ ଧରାପଡ଼ିଲେ ଅଭିଯୁକ୍ତ।ହରିଚନ୍ଦନପୁର ଥାନା ଠାକୁର ପଡ଼ା ଗାଁ ନିକଟରୁ ୧୦ କିଲୋ ଓଜନର ଅଫିମ ଜବତ ହୋଇଛି ।ଏକ କାର୍ ସହ ୫ ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ ।