January 19, 2023

କେନ୍ଦୁଝର,୧୯।୧(ଏସଏସ ନିଉଜ)ସରପଞ୍ଚଙ୍କୁ ପଞ୍ଚାୟତ ଅଫିସରେ ତାଲା ପକେଇଦେଲେ ହିତାଧିକାରୀ।କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକ ତେନ୍ତଳାପଶି ପଞ୍ଚାୟତରେ ଏପରି ହୋଇଛି। ପୁରୁଣା ତାଲିକାରେ ୯୧ଟିଘର ମଞ୍ଜୁର ହେଇଥିବାବେଳେ ନୂତନ ତାଲିକାରେ ୫୮ଟିଘର କଟିଯାଇଛି।ଏହି ପ୍ରତିବାଦରେ ଆଜି ସରପଞ୍ଚ ସାବିତ୍ରୀ ମୁଣ୍ଡାଙ୍କୁ ତାଲା ପକେଇଥିଲେ ଅସନ୍ତୁଷ୍ଟ ହିତାଧିକାରୀ।

ଜୟପୁର,୧୯।୧(ଏସଏସ ନିଉଜ) ସ୍କୁଲର ଛାତ୍ରାବାସ ଛାଡ଼ି ପଳାଇଲେ ୧୫ ଅନ୍ତେବାସୀ।ବୈପାରୀଗୁଡ଼ା ନୋଡ଼ାଲ ଉଚ୍ଚ ପ୍ରାଥମିକ ସ୍କୁଲର ଅନ୍ତେବାସୀ ପଳାଇଛନ୍ତି।ଛାତ୍ରାବାସରେ ଅବ୍ୟବସ୍ଥା ଅଭିଯୋଗ କରି ପଳାଇଥିବା ସୂଚନା ମିଳିଛି।

ରାୟଗଡ଼ା,୧୯।୧(ଏସଏସ ନିଉଜ)ରାୟଗଡ଼ାରେ ବଡ଼ ଧରଣ ଡକାୟତି ହୋଇଛି। କେନ୍ତାଲି ସାଇ ଶ୍ରୀନିବାସଙ୍କ ଘରେ ଡକାୟତି ହୋଇଛି।ନଗଦ ୯ଲକ୍ଷ ଟଙ୍କା ସହ ୭ଶହ ୮୦ଗ୍ରାମ ସୁନା ଲୁଟ୍ ହୋଇଛି।ଗତ ତିନିଦିନ ହେବ ଘରେ କେହି ନଥିଲେ।ଘର କବାଟ ଭାଙ୍ଗି ୬ଟି ଆଲମିରା ତାଡି ଲୁଟ୍ ହୋଇଛି।

ଭଦ୍ରକ,୧୯।୧(ଏସଏସନିଉଜ) ଭଣ୍ଡାରିପୋଖରୀ ଥାନା ଡାହାଲ ଛକ ନିକଟରେ ବେଆଇନ କ୍ରୋମାଇଟ ବେପାର ବେଳେ STF ଚଢାଉ କରିଛି।୩ଟି ଟ୍ରକ୍ , ଗୋଟିଏ ଜେସିବି ଜବତ କରିବା ସହ ୫ଜଣଙ୍କୁ ଅଟକ ରଖିଲା STF।

ଭଞ୍ଜନଗର,୧୯।୧(ଏସଏସ ନିଉଜ) ଜଙ୍ଗଲରୁ ପୁଣି ଏକ ଦନ୍ତାହାତୀର ମୃତଦେହ ଠାବ ହୋଇଛି।ଜଗନ୍ନାଥପ୍ରସାଦ ବନାଞ୍ଚଳ ଅଧୀନ ମାଣପୁର ଗାଁ ଜଙ୍ଗଲରେ ଠାବ ହୋଇଛି। ହାତୀ ମୃତ୍ୟୁର କାରଣ ଅସ୍ପଷ୍ଟ ରହିଥିବାବେଳେ ଘଟଣାସ୍ଥଳରେ ପହଞ୍ଚିଛି ବନବିଭାଗ।

ମାଲକାନଗିରି,୧୯।୧(ଏସଏସ ନିଉଜ) ମୋଟୁଥାନା ପୋଟେରୁ କେନାଲ ନିକଟରେ ବାଘଛାଲ ବିକ୍ରି ଡିଲ୍ ବେଳେ ୩ ଜଣଙ୍କୁ ଗିରଫ କରିଛି ବନବିଭାଗ।ଗିରଫ ୩ ଅଭିଯୁକ୍ତ ମାଙ୍ଗିପାଲି ଗାଁର ହୋଇଥିବା ସୂଚନ ମିଳିଛି।

ବଲାଙ୍ଗିର,୧୯।୧(ଏସଏସ ନିଉଜ) ଟ୍ରକ୍‌କୁ ପଛରୁ ପିଟିଛି ୱିଙ୍ଗର ଭ୍ୟାନ୍।ଫଳରେ ୧୦ଜଣ ଆହତ ହୋଇଛନ୍ତି।ଆହତଙ୍କ ମଧ୍ୟରୁ ୫ ଜଣଙ୍କ ଅବସ୍ଥା ଗୁରୁତର ଥିବାର ସୂଚନା ମିଳିଛି। ଗୁରୁତରଙ୍କ ମଧ୍ୟରୁ ୩ଜଣ ବଲାଙ୍ଗିର ମେଡିକାଲ, ୨ଜଣ ବୁର୍ଲା କୁସ୍ଥାନାନ୍ତର କରାଯାଇଛି।ପାଟଣାଗଡ- ବେଲପଡା ରାସ୍ତାର ପୋଡଛାପର ନିକଟରେଏହି ଦୁର୍ଘଟଣା ଘଟିଛି।