SATYA SANDHANA DESK

ଭୁବନେଶ୍ୱର,୧।୧୦(ଏସଏସନିଉଜ)ନିଜ ଅପହରଣ ନିଜେ କରି ସମସ୍ତଙ୍କୁ ଭୁଆଁ ବୁଲାଇଥିବାର ନାଟକକୁ ଶେଷରେ ପୁଲିସ୍‌ ଜାଣିବାକୁ ପାଇଛି। ଏଥିପାଇଁ ସଂପୃକ୍ତ ଫାଇନାନ୍ସ କର୍ମଚାରୀଙ୍କୁ ପୁଲିସ୍‌ ଗିରଫ କରିଛି। କେନ୍ଦ୍ରାପଡ଼ା ତନ୍ତିଆପାଳ ସାମୁଦ୍ରିକଥାନା ପୁଲିସ ମିଛ ଅପହରଣର ପର୍ଦ୍ଦାଫାସ କରିବା ସହ ଫାଇନାନ୍ସ ସଂସ୍ଥାର କର୍ମଚାରୀ ସ୍ୱାଗତ ସାମଲଙ୍କୁ ଗିରଫ କରିଛି।

ଜଗତସିଂହପୁର,୧।୧୦(ଏସଏସନିଉଜ)ଉଦଘାଟନ ପୂର୍ବରୁ ଭାଙ୍ଗିଯାଇଛି ଫଳକ।ଫଳକକୁ ଭାଙ୍ଗିଛନ୍ତି ସ୍ଥାନୀୟ ସରପଞ୍ଚଙ୍କ ସମର୍ଥକ।ଜଗତସିଂହପୁର ମଣ୍ଡାସାହି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଏପରି ଘଟଣା ଘଟିଛି।ସ୍ଥାନୀୟ କଂଗ୍ରେସ ସରପଞ୍ଚଙ୍କ ନାଁ ନଥିବାରୁ ତାଙ୍କର ସମର୍ଥକ ଫଳକ ଭାଙ୍ଗିଥିବାର ଅଭିଯୋଗ ହୋଇଛି।ଅପରାହ୍ନରେ ସ୍ବାସ୍ଥ୍ୟମନ୍ତ୍ରୀ ଏହାକୁ ଉଦଘାଟନ କରିବାର କାର୍ଯ୍ୟକ୍ରମ ରହିଥିଲା।

ଧର୍ମଗଡ଼,୧।୧୦(ଏସଏସନିଉଜ)ରାସ୍ତାକଡ଼ରୁ ଏକାସାଙ୍ଗ ରେ ୩ ମୃତଦେହ ଉଦ୍ଧାର ହୋଇଛି।ଜୁନାଗଡ଼ଥାନା ଶଙ୍କରପଲାଗାଁ ରାସ୍ତାରୁ ମୃତଦେହ ଉଦ୍ଧାର ହୋଇଛି।ମାଆ,୨ବର୍ଷର ପୁଅ ଓ ଜଣେ ପଡ଼ୋଶୀଙ୍କ ମୃତଦେହ ଉଦ୍ଧାର ହୋଇଛି।ମୃତଦେହରେ କଟାଚିହ୍ନ ସାଙ୍ଗକୁ ଧାରୁଆ ଅସ୍ତ୍ର ପଡ଼ିଥିବାରୁ ଏହା ହତ୍ୟାକାଣ୍ଡ ବୋଲି ସନ୍ଦେହ କରାଯାଉଛି।ମୃତମହିଳାଙ୍କ ସ୍ବାମୀ ଗତ ୯ ବର୍ଷ ହେଲା ଜେଲରେ ଅଛନ୍ତି।ମୃତଦେହ ଜବତ ସହ ଘଟଣାସ୍ଥଳ ରେ ଜୁନାଗଡ଼ ପୁଲିସର ଛାନଭିନ୍ ଆରମ୍ଭ କରିଛି।

ଚୌଦ୍ୱାର,୧।୧୦(ଏସଏସ ନିଉଜ)ଗାଧୋଇବା ବେଳେ ଡ୍ୟାମରେ ବୁଡ଼ି ଜଣେ ନିଖୋଜ ହୋଇଛନ୍ତି।ଡମଡମଣୀ ପୀଠ ନିକଟ ଡ୍ୟାମରେ ଗାଧୋଇବା ବେଳେ ନିଖୋଜ ହୋଇଛନ୍ତି।୪ସାଙ୍ଗ ଗାଧୋଇବା ବେଳେ ବୁଡ଼ି ଯାଇ ଜଣେ ନିଖୋଜ ହୋଇଛନ୍ତି।୪ଜଣଙ୍କ ଘର କଟକ ସିଡିଏ ଅଞ୍ଚଳରେ ହୋଇଥିବା ଉଦ୍ଧାର କାର୍ଯ୍ୟ ଜାରି ରହିଛି।

ଯାଜପୁର,୧ା୧୦(ଏସଏସନିଉଜ)ବିଂଝାରପୁରଥାନା ଅନ୍ତର୍ଗତ ସିଂହପୁରର ଖରସ୍ରୋତା ମହାବିଦ୍ୟାଳୟର ପଛପଟ କେନାଲରେ ଭାସମାନ ଅବସ୍ଥାରେ ଥିବା ରଶିଲଗା ଯୁବକଙ୍କ ମୃତଦେହ ଉଦ୍ଧାର ହୋଇଛି। ମୃତ ଯୁବକ ହେଉଛନ୍ତି ଓଳେଇ ଗ୍ରାମର ପ୍ରିୟ ରଞନ ଧଳ।ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛିା ଏହାହତ୍ୟା ନା ଆତ୍ମହତ୍ୟା ତାହା ତଦନ୍ତ ପରେ ଜଣାପଡିବ ବୋଲି ପୋଲିସ କହିଛି ।