ଅପରାଧ

ଭୁବନେଶ୍ୱର,୧୩/୧୨(ଏସଏସନିଉଜ) ସମ୍ବଲପୁର କଚେରୀ ଛକରେ ୧୪୪ ଧରା ଜାରି କରାଯିବାସହ ସ୍ଥିତି ନିୟନ୍ତ୍ରଣ ପାଇଁସହରରେ ୨୧ ପ୍ଲାଟୁନ ଫୋର୍ସ ମୁତୟନ ହୋଇଛନ୍ତି । ସହର ସାରା ପୋଲିସ ଛାଉଣୀ ହୋଇଛି । ସମ୍ବଲପୁର ଓକିଲ ଆନ୍ଦୋଳନ ପ୍ରସଙ୍ଗରେ ୧୨ ଜଣଙ୍କୁ ଗିରଫ କରିଥିଲା ପୋଲିସ । ଆନ୍ଦୋଳନ ସ୍ଥଳରେ ୧୪୪ ଧାରା ଜାରି କରାଯାଇଛି। ଆଇନଜୀବୀଙ୍କୁ ମହଙ୍ଗା ପଡ଼ିଛି ଆନ୍ଦୋଳନ।  

ବାରିପଦା,୧୩/୧୨(ଏସଏସନିଉଜ) ବାରିପଦାର ପିଆରଏମ୍ ମେଡିକାଲରେ କାର‌୍ୟ୍ୟରତ ଜଣେ ଡାକ୍ତରଙ୍କ ନାଆଁରେ ଅସଦାଚରଣ ଅଭିଯୋଗ ଆସିଛି। ଚିକିତ୍ସା ବାହାନାରେ ନାବାଳିକାଙ୍କୁ ଅସଦାଚରଣ ଅଭିଯୋଗ ହୋଇଛିା ଏହାପରେ ଉକ୍ତ ଡାକ୍ତରକୁ ପୁଲିସର ପଚରାଉଚରା ଆରମ୍ଭ ହୋଇଛି ।

ବଲାଙ୍ଗିର,୧୨/୧୨(ଏସଏସ ନିଉଜ) ଧାନ ମଣ୍ଡିରେ କଟନିଛଟନି ପ୍ରତିବାଦରେ ତାତିଲେ ଚାଷୀ। ପ୍ରତିବାଦରେ ବଲାଙ୍ଗିର-ସୋନପୁର ରାସ୍ତା ଅବରୋଧ କଲେ ଚାଷୀ। ମଳମୁଣ୍ଡା ଠାରେ ଶତାଧିକ ଚାଷୀଙ୍କ ରାସ୍ତାରୋକ ହୋଇଛି।ଯାହାଫଳରେ ଯାତାୟାତ ପ୍ରଭାବିତ ହୋଇଛି। ଆନ୍ଦୋଳନକାରୀଙ୍କ ସହ ଆଲୋଚନା କରିବାକୁ ଆସିଥିବା ଅଧିକାରୀଙ୍କୁ ଅଟକ ରଖିଛନ୍ତି ଚାଷୀ।

ରାୟଗଡ଼ା,୧୨/୧୨(ଏସଏସ ନିଉଜ) ପିଲା ଖେଳରୁ ୨ ଗାଁ ମଧ୍ୟରେ ସଂଘର୍ଷ ଘଟି ୧୦ ଜଣ ଆହତ ହୋଇଛନ୍ତି। ଚାନ୍ଦିଲି ଥାନା ନୂଆପଡ଼ା-ଦେବଦଳା ଗାଁ ମଧ୍ୟରେ ସଂଘର୍ଷ ଘଟିଛି। ଦୁଇ ଗାଁର ୧୦ ଜଣ ଆହତ ହୋଇଛନ୍ତି।ଆହତମାନେ ରାୟଗଡ଼ା ମେଡିକାଲରେ ଭର୍ତ୍ତି ହୋଇଛନ୍ତି। ସ୍ଥିତି ନିୟନ୍ତ୍ରଣ ପାଇଁ ଗୋଟିଏ ପ୍ଲାଟୁନ ଫୋର୍ସ ମୁତୟନ ରହିଛି।

ଉମରକୋଟ,୧୨/୧୨(ଏସଏସ ନିଉଜ)୪ଜଣଙ୍କୁ ଅପହରଣ ଘଟଣାରେ ନୂଆମୋଡ଼ ହୋଇଛି। ଅପହରଣ ନୁହେଁ, ସମସ୍ତ ୪ ଜଣ ଦୁର୍ଘଟଣାର ଶିକାର ହୋଇଥିବାର ସୂଚନା ମିଳିଛି। ଛତିଶଗଡ଼ କାଙ୍କେରରୁ କୋଣ୍ଡାଗାଁ ଫେରିବା ବେଳେ ନିଖୋଜ ଥିଲେ ।କାର୍ ଭିତରୁ ମିଳିଛି ୪ ମୃତଦେହ। କୂଅ ଭିତରୁ କାର୍ ଉଦ୍ଧାର ପରେ ଖୋଲିଲା ରହସ୍ୟ। ଅପହରଣ ନେଇ ଥାନାରେ ଅଭିଯୋଗ ହୋଇଥିଲା।