ଜିଲ୍ଲା

ବ୍ରହ୍ମପୁର,୬/୧୧(ଏସଏସନିଉଜ)ଗତକାଲି ରାତିରେ ତାରାତାରିଣୀ ମନ୍ଦିର ତାଲାଭାଙ୍ଗି ବହୁ ମୁଲ୍ୟର ଅଳଙ୍କାର ଚୋରୀ ହୋଇଛି। ରାତ୍ରୀପହଡ଼ ପରେ ପୂଜକ ତାଲା ବନ୍ଦକରି ଘରକୁ ଚାଲିଯାଇଥିଲେ। ଆଜି ବଢ଼ିଭୋର ସମୟରେ ମନ୍ଦିର ତାଲା ଖୋଲି ଦେଖିଲା ବେଳକୁ ମନ୍ଦିର ଦାନବାକ୍ସ ତାଲା ଭାଙ୍ଗିଛି ଓ ମାଁଙ୍କ ମୁକୁଟ, ମୁଖା ଓ ଛତା ଚୋରି ହୋଇଥିବାର ଜଣାପଡିଥିଲା।ଏହାପରେ ମନ୍ଦିର କମିଟି କର୍ମକର୍ତ୍ତାମାନେ ପହଞ୍ଚି ପରିସ୍ଥିତି ଅନୁଧ୍ୟାନ କରିଥିଲେ।ଏହାପରେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତନାଘନା ଆରମ୍ଭ କରିଛନ୍ତି।

ଭୁବନେଶ୍ୱର,୬/୧୧(ଏସଏସନିଉଜ )ଭିଜିଲାନ୍ସ ଜାଲରେ ପଡ଼ିଲେ ଇଡକୋ ଜୁନିୟର ମ୍ୟାନେଜର। ଜୁନିୟରମ୍ୟାନେଜର ବିଜୟ କୁମାର ଉଦୟସିଂହଙ୍କ ଘରେ ରେଡ୍ ହୋଇଛି।ଆୟବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ୬ଟିସ୍ଥାନରେ ଚଢ଼ାଉ ଚାଲିଛି ।ଭୁବନେଶ୍ୱର, ଖୋର୍ଦ୍ଧା ଓ ପୁରୀର ୬ଟି ସ୍ଥାନରେ ଏକକାଳୀନ ରେଡେ ଚାଲିଥିବାର ଜଣାପଡିଛି ।

ଖୋର୍ଦ୍ଧା,୬/୧୧(ଏସଏସନିଉଜ)ଏକ ଘରୋଇ ଚ୍ୟାନେଲର ଷ୍ଟୁଡିଓରେ ଅଗ୍ନିକାଣ୍ଡ ଘଟିଛି। ସାରୁଅସ୍ଥିତ ଶିଳ୍ପାଞ୍ଚଳ ଷ୍ଟୁଡିଓରେ ଭୟଙ୍କର ନିଆଁ ଲାଗିଛି।ସର୍ଟସର୍କିଟ ଯୋଗୁଁ ଅଗ୍ନିକାଣ୍ଡ ଘଟିଥିବା ସନ୍ଦେହ କରାଯାଉଛି।ଅଗ୍ନିକାଣ୍ଡ ଯୋଗୁ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ ହୋଇଛି।

ପାରାଦୀପ,୬/୧୧(ଏସଏସନିଉଜ) ଘରକୁ ଡାକି ଦିବ୍ୟାଙ୍ଗ ନାବାଳିକାଙ୍କୁ ଦୁଷ୍କର୍ମର ଅଭିଯୋଗ ହୋଇଥିବାର ପରାଦୀପ ଥାନାରେ ହୋଇଛି। କୁଜଙ୍ଗ ଅଞ୍ଚଳର ଜଣେ ବିବାହିତ ଯୁବକ ନିଜର ପତ୍ନୀ ଘରେ ନଥିବା ବେଳେ ପଡୋଶୀରେ ରହୁଥିବା ଜଣେ ଦିବ୍ୟାଙ୍ଗ ନାବାଳିକାକୁ ଘରକୁ ଡାକି ତା ସହ ଦୁଷ୍କର୍ମ କରିଛି । ଏନେଇ ଥାନାରେ ଅଭିଯୋଗ ହେବା ପରେ ପୋଲିସ ଘଟଣାର ତଦନ୍ତ କରୁଛି ।