ଓଡ଼ିଶା

କଳାହାଣ୍ଡି,୨୩।୧୧(ଏସଏସନିଉଜ) ଲାଞ୍ଚ ନେଇ ଭିଜିଲାନ୍ସ ହାତରେ ଧରାପଡ଼ିଲେ ଜିଆରଏସ୍‌। ଜୟପାଟଣା ବ୍ଲକ ବଡ଼କର୍ଲାକୋଟ GRSଙ୍କୁ ଧରିଲା ଭିଜିଲାନ୍ସ। ୧୫ହଜାର ଲାଞ୍ଚ ନେବାବେଳେ GRS ମାର୍ଗେରେଟ୍ ପାଣିଗ୍ରାହୀ ଧରାପଡ଼ିଲେ। ଜବ୍‌ କାର୍ଡଧାରୀଙ୍କଠାରୁ ଲାଞ୍ଚ ନେବା ବେଳେ ଧରିଥିଲା ଭିଜିଲାନ୍ସ।

କୁଚିଣ୍ଡା,୨୩।୧୧(ଏସଏସନିଉଜ) ଦୁର୍ଘଟଣାଗ୍ରସ୍ତ ଟ୍ରକରୁ ଟମାଟୋ ବୋହିନେଲେ ଲୋକେ।ଜମନକିରା ବ୍ଲକ NH ୫୩ ଆମ୍ବଲାଙ୍ଗ ପିଠାମାରେନ୍‌ ନିକଟରେ ଘଟିଥିବା ଦୁର୍ଘଟଣା ପରେ ଏହିଭଳି ଦୃଶ୍ୟ ଦେଖିବାକୁ ମିଳିଛି।ଭାରସାମ୍ୟ ହରାଇ ଟ୍ରକ ଓଲଟିବାରୁ ଡ୍ରାଇଭର ଓ ହେଲପର ଗୁରୁତର ଆହତ ହୋଇଛନ୍ତି।ଦୁର୍ଘଟଣା ପରେ ଡ୍ରାଇଭର ଓ ହେଲପରକୁ ଲୋକମାନେ ଉଦ୍ଧାର ନକରି ଟମାଟୋ ବୁହାରେ ଲାଗିପଡିଥିବାର ଦେଖିବାକୁ ମିଳିଥିଲା।

ରାୟଗଡ଼ା,୨୩।୧୧(ଏସଏସନିଉଜ)ସ୍କୁଲ ଛାତରୁ ପଡି ଦଶମ ଶ୍ରେଣୀ ଛାତ୍ରୀ ଗୁରୁତର ଆହତ ହୋଇଛନ୍ତି।ବାରିଝୋଲା ସ୍ଥିତ ଏକ ଘରୋଇ ବିଦ୍ୟାଳୟ ଛାତରୁ ପଡ଼ି ଗୁରୁତର ହେଲେ ଛାତ୍ର।ଗୁରୁତର ଅବସ୍ଥାରେ ଛାତ୍ରୀଙ୍କୁ ଦେଖି ଅଚେତ ହୋଇଗଲେ ଆଉ ୧୧ ଛାତ୍ରଛାତ୍ରୀ।ଗୁରୁତର ଛାତ୍ରୀଙ୍କୁ ବିଶାଖାପାଟଣା ଓ ଅନ୍ୟ ୧୧ ଜଣଙ୍କୁ ଚିକିତ୍ସା ପାଇଁ ରାୟଗଡ଼ା ମେଡିକାଲରେ ଭର୍ତ୍ତି କରାଯାଇଛି।

ଆସିକା,୨୩।୧୧(ଏସଏସନିଉଜ) କାର୍‌ ଭିତରୁ କାର୍‌ ମାଲିକଙ୍କ ମୃତଦେହ ଉଦ୍ଧାର ହୋଇଛି।ହିଞ୍ଜିଳିଥାନା ସାଁପୁର ଗାଁରେ କାର ଭିତରୁ ମୃତଦେହ ଉଦ୍ଧାର କରିଛି ପୋଲିସ।ନିଜ କାର୍‌ ଭିତରେ କିଭଳି ମୃତ୍ୟୁ ହେଲା ତାହା ସ୍ପଷ୍ଟ ହୋଇନଥିବା ବେଳେ ମୃତଦେହ ଜବତ କରି ହିଞ୍ଜିଳି ଥାନା ପୋଲିସର ତଦନ୍ତ ଜାରି ରଖିଛି।

ପୋଲସରା,୨୩।୧୧(ଏସଏସନିଉଜ) ଘରେ ସର୍ପାଘାତରେ ମା ଓ ଝିଅର ମୃତ୍ୟୁ ଘଟଣାର ପର୍ଦ୍ଦାଫାସ୍‌ ହୋଇଛି।ବାପା ସାପ ଲଗେଇ ମାଆଝିଅଙ୍କୁ ମାରିଥିବା ତଦନ୍ତରୁ ସ୍ପଷ୍ଟ ହୋଇଛି।ନିଜେ ବାପା ଘରକୁ ସାପ ଆଣି ମାଆଝିଅଙ୍କୁ ମାରିଥିବା ସୂଚନା ମିଳିଛି।ପତ୍ନୀ ଓ ଝିଅଙ୍କୁ ହତ୍ୟା ଅଭିଯୋଗରେ କେ. ଗଣେଶ ପାତ୍ରଙ୍କୁ ଗିରଫ କରିଛି ପୋଲିସ।ଗତ ଅକ୍ଟୋବର ୭ରେ କବିସୂର୍ଯ୍ୟନଗର ଅଢ଼େଇବର ଗାଁରେ ହତ୍ୟା ଘଟିଥିଲା।