ଭୁବନେଶ୍ବର:୧୮/୫(ଏସ୍ଏସଏନ୍) ଅତି ଭୟଙ୍କର ବାତ୍ୟାରେ ପରିଣତ ହେଲା ବାତ୍ୟା ଅମ୍ଫନ। ସୁପର ସାଇକ୍ଲୋନରେ ପରିଣତ ହୋଇ ୧୨ ଘଣ୍ଟା ମଧ୍ୟରେ ମହାବାତ୍ୟାରେ ପରିଣତ ହୋଇପାରେ । ଗତ ୬ ଘଣ୍ଟା ଧରି ୧୩ କିମି ବେଗରେ ଗତି କରୁଛି ବାତ୍ୟା, ପାରାଦୀପଠାରୁ ୭୯୦ କିମି ଦୂରରେ କେନ୍ଦ୍ରୀଭୂତ ଅମ୍ଫନ, ପଶ୍ଚିମବଙ୍ଗ ଓ ବାଂଲାଦେଶ ମଧ୍ୟରେ ଲ୍ୟାଣ୍ଡଫଲ କରିପାରେ ବୋଲି ଭାରତୀୟ ପାଣିପାଗ ବିଭାଗର ସୂଚନା । ବାତ୍ୟା କେନ୍ଦ୍ରସ୍ଥଳୀରେ ପବନର ବେଗ ଘଣ୍ଟା ପ୍ରତି ୨୪୦ କିଲୋମିଟର ରହିବ। କିନ୍ତୁ ମଝିରେ ମଝିରେ ପବନର ବେଗ ୨୬୫ କିଲୋମିଟର ଛୁଇଁପାରେ। ଉତ୍ତର ଉପକୂଳ ଓଡ଼ିଶାକୁ ଏହା ପ୍ରଭାବିତ କରିବା ନେଇ ସତର୍କ ସୂଚନା ଜାରି କରାଯାଇଛି।