ଅପରାଧ

ଭୁବନେଶ୍ବର,୬ା୮(ଏସଏସନିଉଜ)କଟକରୋଡରେ ଥିବା ଦୀପାଳିବାରରୁ ଭଦ୍ରକ କୁଆବାଘସାହିର ଶୁଭଲକ୍ଷ୍ମୀ ସାହୁଙ୍କ ମୃତଦେହ ମିଳିବା ଘଟଣାରେ ହତ୍ୟା ଅଭିଯୋଗ ଆଣିଛନ୍ତି ତାଙ୍କ ପରିବାରଲୋକ । କେହି ଶୁଭଲକ୍ଷ୍ମୀଙ୍କୁ ହତ୍ୟାକରି ଝୁଲାଇ ଦେଇଛନ୍ତି ବୋଲି ପରିବାରପକ୍ଷରୁ କୁହାଯାଇଛି ।ହୋଟେଲର ୨୦୫ ନମ୍ବର ରୁମରେ ଶୁଭଲକ୍ଷ୍ମୀଙ୍କ ଶବ ଓଢ଼ଣିରେ ଝୁଲିବା ଅବସ୍ଥାରେ ମିଳିଥିଲା ।ଏହା ଆତ୍ମହତ୍ୟା ଘଟଣା ବୋଲି ପୋଲିସ ପ୍ରାଥମିକ ତଦନ୍ତ ସମୟରେ ଅନୁମାନ କରିଥିଲା ।ପୋଲିସ ଏକ ଅପମୃତ୍ୟୁମାମଲା ରୁଜୁକରି ତଦନ୍ତ ଆରମ୍ଭ କରିଛି ।

ରାୟଗଡ଼ା,୬ା୮(ଏସଏସନିଉଜ) ମାଓସୂଚନାଦାତା ସନ୍ଦେହରେ ୨ଡଙ୍ଗରିଆଙ୍କୁ କଲ୍ୟାଣସିଂହପୁର ଥାନାପୋଲିସ ଉଠାଇଆଣିଛି ।ଏହାର ପ୍ରତିବାଦରେ ନିୟମଗିରିଅଞ୍ଚଳର ୧୨୧ଟିଗାଁର ଡଙ୍ଗରିଆ ପାରମ୍ପରିକ ଅସ୍ତ୍ରଶସ୍ତ୍ର ମାଧ୍ୟମରେ ଏକାଠିହୋଇ ଥାନାଘେରାଉ କରିବାର ଉଦ୍ୟମ କରିଛନ୍ତି । ପୁଲିସ ଉଠାଇଆଣିଥିବା ଦୁଇଜଣଙ୍କୁ ତୁରନ୍ତ ଛାଡିବାଲାଗି ଦାବିକରି ଡଙ୍ଗରିଆମାନେ ସେମାନଙ୍କ ଜିଦ ରେ ଅଟଳରହିଥିବାର ଜଣାପଡିଛି ।    

ଫୁଲବାଣୀ, ୬ା୮(ଏସଏସନିଉଜ) କନ୍ଧମାଳଜିଲ୍ଲା ଫିରିଙ୍ଗିଆଥାନା ଆଇଆଇସିଙ୍କୁ ଜିଲ୍ଲା ମୁଖ୍ୟାଳୟକୁ ବଦଳି କରାଯାଇଛି ।ଏହାସହ ୨ହୋମଗାର୍ଡଙ୍କୁ କାର‌୍ୟ୍ୟରୁ ଅନ୍ତର କରାଯାଇଥିବାର ଜଣାପଡିଛି ।ପୁଲିସ ଗଞ୍ଜେଇ କାରବାର କରୁଥିବା ଅଭିଯୋଗକୁ ନେଇ ଦୁଇଦିନଧରି ଚାପା ଉତ୍ତେଜନା ଲାଗି ରହିଥିବାବେଳେ ପରିସ୍ଥିତି ହିଂସାତ୍ମକ ମୋଡ଼ ନେଇଥିଲା। ଶତାଧିକଲୋକ ଥାନାପରିସରରେ ବ୍ୟାପକ ଭଙ୍ଗାରୁଜା କରିବା ସହ ମାଲ୍‌ଖାନାରେ ଗଚ୍ଛିତ ଗଞ୍ଜେଇ ବାହାରେ ଗଦାକରି ଓ ଜବତ ଗାଡ଼ିଗୁଡ଼ିକରେ ନିଆଁ ଲଗାଇ ଦେଇଥିଲେ।ଉତ୍ୟକ୍ତ ଲୋକମାନେ ଫୁଲବାଣୀ ଏସ୍‌ଡିପିଓ ,ତହସିଲଦାର.ସ୍ଥାନୀୟ ସାମ୍ବାଦିକ ଆହତ ହୋଇଥିଲେ । […]

କାମାକ୍ଷାନଗର, ୬ା୮(ଏସଏସନିଉଜ) ଗତକାଲି ବିଳମ୍ବିତରାତିରେ ଖବରପାଇ ଅବକାରୀ ବିଭାଗମଦବୋଝେଇ ଗାଡିକୁ ପିଛା କରୁଥିବାବେଳେ ଏକ ଚୋରମଦବୋଝେଇ ସ୍କର୍ପିଓ ଜଡ଼ାପାଳଛକ ନିକଟରେ ରାସ୍ତାତଳକୁ ଖସିପଡିଥିଲା ।ଗାଡିଟିକୁ ଅବକାରିବିଭାଗ ପଛା କରୁଥିବାର ଜାଣି ଦ୍ରୁତଗତିରେ ଆସୁଥିବାବେଳେ ଭାରସାମ୍ୟ ହରାଇ ରାସ୍ତାତଳକୁ ଖସିପଡିଥିଲା ।ଅବକାରୀବିଭାଗ ଗାଡିଟିକୁ ଉଦ୍ଧାର କରିଥିବାବେଳେ ଜଣଙ୍କୁ ଗିରଫକରିଥିବାବେଳେ ଅନ୍ୟଜଣେ କୈାଶଳକ୍ରମେ ଖସିଯାଇଥିବାର ଜଣାପଡିଛି ।

ସୁନ୍ଦରଗଡ଼, ୬ା୮(ଏସଏସନିଉଜ) କୋଇଡ଼ାଖଣି ଅଞ୍ଚଳରେ ନରହନ୍ତା ଦନ୍ତା ହାତୀ ତାର ପ୍ରକୋପ ଦେଖାଇଛି ।ଗତକାଲିରାତିରେ ସାପ୍ତହିକ ହାଟରୁ ଘରକୁ ଫେରୁଥିବାବେଳେ ସ୍ୱାମୀର ସାମ୍ନାରେ ସ୍ତ୍ରୀରୀକୁ ଦଳିଦେଇଛି ନରହନ୍ତାଦନ୍ତା । ସୁନାରାମ ମୁଣ୍ଡା ଓ ତାଙ୍କସ୍ତ୍ରୀ ସୁମିତ୍ରା ଘରକୁ ଫେରୁଥିବାବେଳେ ମକାବାଡ଼ିରେ ଜଗି ରହିଥିବା ଦନ୍ତା ଉଭୟଙ୍କୁ ଗୋଡାଇଥିଲା ।କୈାଶଳକ୍ରମେ ସ୍ୱାମୀ ବଂଚିଯାଇଥିବାବେଳେ ସୁମିତ୍ରା ଘୋଷାଡ଼ି ନେଇ ମାରିଥିଲା ଦନ୍ତାହାତୀାଖବରପାଇ ଆଜି ସକାଳେ ବନବିଭାଗ ଘଟଣାସ୍ଥଳରେ ପହଂଚିଛି ।

କେନ୍ଦୁଝର,୪ା୮(ଏସଏସନିଉଜ) ସଦରଥାନାଅର୍ନ୍ତଗତ ୪୯ନମ୍ବର ଜାତୀୟରାଜପଥର ମହୁଲଡିହାଗାଁ ନିକଟରେ ଭୋରସମୟରେ ଗୋଟିଏ ଟ୍ରକକୁ ପଛରୁ ଆଉଏକ ଟ୍ରକ୍ ଧକ୍କାଦେବାପରେ ଟ୍ରକଟିରେ ନିଆଁ ଲାଗି ଜଣେ ଟ୍ରକଡ୍ରାଇଭର ଜୀବନ୍ତ ଦଗ୍ଧ ହୋଇଯାଇଛନ୍ତି । ଦୁଇଟି ଟ୍ରକ କଲିକତା ଅଭିମୁଖେ ଯାଉଥିବା ବେଳେ ଏହି ଦୁର୍ଘଟଣା ହୋଇଥିଲା ।ଲୁହାଚାଦର ବୋଝେଇଟ୍ରକକୁ ପଛରୁ ଏକଟ୍ରକ ଧକ୍କା ଦେବାଫଳରେ ଗାଡ଼ିରେ ନିଆଁ ଲାଗିଯାଇଥିଲା । ଖବରପାଇ ପୁଲିସ ଓ ଅଗ୍ନିଶମବାହୀନି ଘଟଣାସ୍ଥଳରେ ପହଞ୍ଚି ଜୀବନ୍ତ ଦଗ୍ଧଡ୍ରାଇଭରକୁ ଉଦ୍ଧାର କରିଥିଲେ ।