ଅପରାଧ

କୋରାପୁଟ ,୨୦ା୩(ଏସଏସନିଉଜ) ବର୍ଷାରେ କର୍ଲଭଟ ଭୁଶୁଡିପଡିବାରୁ ବାହ୍ୟ ଜଗତରୁ ବିଛିନ୍ନ ଅବସ୍ଥାରେ ରହିଛି ବନ୍ଧୁଗାଁବ୍ଲକ ୨ଟିଗାଁ ଡିମିଟିଗୁଡ଼ା ଓ ଜାଙ୍ଗଡିବାଲାସା। ଗାଁକୁ ଯିବାକୁ ହେଲେ ଏହି ରାସ୍ତା ହିଁ ଏକମାତ୍ର ଭରସା ଥିବାବେଳେ ତାହା ଭାଙ୍ଗିଯିବାରୁ ଭୋକ ଉପାସରେ ୧୦୦ ପରିବାର ରହିଛନ୍ତି ।  

ନୂଆପଡ଼ା,୨୦ା୩(ଏସଏସନିଉଜ)ସୁନାବେଡ଼ା ଅଭୟାରଣ୍ୟ ଅଧୀନ କୋମନାଥାନା ଜଳମଡେଇଗାଁରେ ସାନମତି ବାରିକ ନାମକ ବୃଦ୍ଧାଙ୍କୁ ଘରପଛପଟୁ ମହାବଳବାଘ ଘରୁ ଟାଣିନେଇ ଖାଇ ଯାଇଥିବା ସୂଚନା ମିଳିଛି। ଗତକାଲିସନ୍ଧ୍ୟାରେ ଘର ପଛପଟ ବାରିକୁ ଜାଳେଣି କାଠ ସଂଗ୍ରହ କରିବାକୁ ଯାଇ ଆଉ ଫେରିନଥିଲେ ।ପରିବାରଲୋକ ବହୁ ଖୋଜାଖୋଜିପରେ ନିରାଶ ହୋଇଥିବାବେଳେ ଆଜି ସକାଳୁ ଜଙ୍ଗଲ ଭିତରେ ବୃଦ୍ଧାଙ୍କ ଖଣ୍ଡବିଖଣ୍ଡିତ ମୃତଦେହ ପଡ଼ିଥିବାର ଦେଖିବାକୁ ମିଳିଥିଲା ।ଏହା ମହାବଳ ବାଘର କାମ ବୋଲି ସ୍ଥାନୀୟ ଲୋକମାନେ ଅନୁମାନ କରୁଛନ୍ତି ।  

ନିମାପଡ଼ା ,୨୦ା୩(ଏସଏସନିଉଜ)ଅଖାଭିତରୁ ମହିଳାଙ୍କ ମୃତଦେହଉଦ୍ଧାର ଘଟଣାରେ ସ୍ୱାମୀପୁଅଙ୍କୁ ଉଠାଇ ଆଣିଛି ସତ୍ୟବାଦୀ ପୁଲିସ। ନିମାପଡ଼ା ଉଛୁପୁରପଞ୍ଚାୟତ ଖଡି଼କୁଦାଗାଁରୁ ଦୁହିଁଙ୍କୁ ଉଠାଇଆଣି ପଚରାଉଚରା କରୁଛି ପୁଲିସ। ଗତ ୧୪ତାରିଖରେ ଭାର୍ଗବୀ ନଦୀକୂଳରୁ ମହିଳାଙ୍କ ମୃତଦେହ ମିଳିଥିଲା। ଏହା ହତ୍ୟା କି ଆତ୍ମହତ୍ୟା ଅଦ୍ୟାବଧି ସ୍ପଷ୍ଟ ହୋଇନାହିଁ ।

ଭୁବନେଶ୍ୱର,୧୯।୩(ଏସଏସ ନିଉଜ)ବିଦ୍ୟୁତ ଆଘାତରେ ଦନ୍ତାହାତୀ ମୃତୁବରଣ କରିଛି lକେନ୍ଦୁଝର ଚମ୍ପୁଆ ବାମେବାରୀ ସେକ୍ସନରେ ଏହି ଘଟଣା ଘଟିଛିlବସନ୍ତପୁର ଗାଁରେ ବିଦ୍ୟୁତ ତାର ଲାଗି ହାତୀ ମୃତୁବରଣ କରିଛି l

ଜଳେଶ୍ବର,୧୮।୩(ଏସଏସ ନିଉଜ) ୬ଦିନର ଝିଅକୁ ତଣ୍ଟି ଚିପି ହତ୍ୟ ଘଟଣାରେ ମାକୁ ଗିରଫ କରିଛି ପୋଲିସ। କମର୍ଦ୍ଦା ପୋଲିସ ନିଜ ଆଡୁ ମାମଲା ରୁଜୁକରି ଗିରଫ କରିଛି।ଗତ୫ରେ ସିଆରୋଇ ଗାଁରେ ଘଟିଥିଲା ହତ୍ୟାକାଣ୍ଡ। ଝିଅକୁ କୁକୁରଝୁଣି ମାରିଛି ବୋଲି ପ୍ରଥମେ କହିଥିଲା ମା। ପୋଷ୍ଟମର୍ଟମରୁ ହତ୍ୟା ସୂଚନା ମିଳିବାପରେ ଗିରଫ କଲା ପୋଲିସ।ପାରିବାରିକ କଳହକୁ ନେଇ ନିଜଝିଅକୁ ହତ୍ୟା କରିଥିଲେ ମହିଳା।

ଲମତାପୁଟ,୧୮।୩(ଏସଏସନିଉଜ) ଗଂଜେଇ ଚାଲାଣ ପୋଲିସ ହାତରେ ଧରାପଡିଛନ୍ତି ୫ଛାତ୍ର ।ପୋଲିସ ସେମାନଙ୍କ ଠାରୁ ୩୫କେଜି ଗଂଜେଇ ଜବତ କରିବା ସହ ୮ଜଣଙ୍କୁ ଗିରଫ କରିଛି।ପାଡୁଆରୁ ଯାଉଥିବା ବେଳେ ନନ୍ଦପୁର ଛକରେ ପୋଲିସ ହାତରେ ଧରା ପଡିଥିଲେ।ଗିରଫ ୮ଜଣଙ୍କ ମଧ୍ୟରେ ୫ ଜଣ କଲେଜ ଛାତ୍ର ଥିବା ସୂଚନା ମିଳିଛି।

ପୁରୀ,୧୮।୩(ଏସଏସ ନିଉଜ)ପୁରୀ ମାର୍କେଟଛକରେ ହଣାକଟା ମାମଲାରେ ୯ଜଣଙ୍କୁ ଗିରଫ କରିଛି ପୋଲିସ।ପୂର୍ବ ଶତ୍ରୁତାରୁ ଦୁଇଗୋଷ୍ଠୀ ମଧ୍ୟରେ ଘଟିଥିଲା ହଣାକଟା।ଗୋଟିଏ ଗୋଷ୍ଠୀର ୬ ଓ ଅନ୍ୟଗୋଷ୍ଠୀର ୩ ଗିରଫ ହୋଇଛନ୍ତି।ସମସ୍ତ ଗିରଫ ୯ଜଣଙ୍କୁ କୋର୍ଟ ଚାଲାଣ କରାଯାଇଥିବାନେଇ ପ୍ରେସ ମିଟରେ ଏଏସପି ମିହିର ପଣ୍ଡାଙ୍କ ସୂଚନା ଦେଇଛନ୍ତି।

ଜଗତସିଂହପୁର,୧୭ା୩(ଏସଏସନିଉଜ) ଜଗତସିଂହପୁରରେ ପୁଣି ମେଣ୍ଢାମଡକ ଦେଖାଦେଇଛି। ଘାରିଛି ଅଜଣାଜନ୍ତୁ ଭୟ । ଅଜଣାଜନ୍ତୁ ଆକ୍ରମଣରେ ମେଣ୍ଢାଗୁଡିକର ମୃତ୍ୟୁ ହୋଇଥିବା ସନ୍ଦେହ କରାଯାଉଛି । ବିରିଡିଥାନା ସଂଖାରୀସାହିଗାଁରେ ପୁଣି ମେଣ୍ଢାମଡକ ଦେଖାଦେଇଛି । ଗୁରୁବାର ରାତିରେ ଗାଁର ପ୍ରଫୁଲ୍ଲ ବାରିକଙ୍କ ଗୁହାଳରେ ଥିବା ୧୫ଟି ମେଣ୍ଢାଙ୍କର ତଣ୍ଟି କଟାଯାଇଥିବା ବେଳେ ମୃତ୍ୟୁର ପ୍ରକୃତକାରଣ ଜଣାପଡିନାହିଁ ।ତେବେ ଅଜଣାଜନ୍ତୁ ଆକ୍ରମଣରେ ମେଣ୍ଢାଗୁଡିକର ମୃତ୍ୟୁ ହୋଇଥିବା ସନ୍ଦେହ କରାଯାଉଛି ।

ଗଞ୍ଜାମ,୧୭ା୩(ଏସଏସନିଉଜ)ବାଙ୍କେଶ୍ୱରୀଘାଟିରେ ଓଲଟିପଡିଛି ପିକ୍ଅପ୍ ଭ୍ୟାନ୍ । ଏହି ଦୁର୍ଘଟଣାଫଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ୪ଜଣ ଆହତ ହୋଇଛନ୍ତି । ଗଞ୍ଜାମଜିଲ୍ଲା ଗଡ଼ଗୋବିନ୍ଦପୁରପଞ୍ଚାୟତ ଧାନରାଶିରୁ ମାବାଙ୍କେଶ୍ୱରୀଙ୍କ ଦର୍ଶନକରିବା ପାଇଁ ପିକଅପଭ୍ୟାନ୍ ଯୋଗେ ପାହାଡ଼କୁ ଯାଉଥିଲେ । ପାହାଡ଼କୁ ଗାଡି ଚଢୁଥିବାବେଳେ ହଠାତ ଭାରସାମ୍ୟହରାଇ ଗାଡିଟି ଓଲଟି ପଡିଥିଲା । ଫଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ୪ ଜଣ ଆହତ ହୋଇଛନ୍ତି । ଆହତମାନଙ୍କୁ ଉଦ୍ଧାର କରାଯାଇ ଚିକିସ୍‌ାପାଇଁ ଡାକ୍ତଖାନାରେ ସ୍ଥାନୀୟ ଲୋକମାନେ ପଠାଇଛନ୍ତି ।