ଜିଲ୍ଲା

ଜଗତସିଂହପୁର,୨୪।୭(ଏଏସନିଉଜ)ଶିଆଳି ନିକଟରେ ପୁଣି କୂଳ ଲଙ୍ଘିଲା ସମୁଦ୍ର।୫୦୦ ମିଟର ପର୍ଯ୍ୟନ୍ତ ଜନବସତି ଆଡ଼କୁ ମାଡ଼ି ଆସିଲା ଲୁଣି ପାଣି।ବେଳାଭୂମି ନିକଟରେ ଥିବା ଦୋକାନଗୁଡିକରେ ସମୁଦ୍ର ପାଣି ପଶିଲା।ହଠାତ୍ ସମୁଦ୍ରର ଉଗ୍ରରୂପ ଦେଖି ଆତଙ୍କିତ ହୋଇଯାଇଛନ୍ତି ସମୁଦ୍ର କୂଳିଆ ଗାଁ ଲୋକେ।ଲଘୁଚାପ କ୍ଷେତ୍ର ସୃଷ୍ଟି ହେବା କାରଣରୁ ସମୁଦ୍ର ଅଶାନ୍ତ ଥିବା ଆଶଙ୍କା କରାଯାଉଛି।

ପଦ୍ମପୁର,୨୪।୭(ଏସଏସନିଉଜ)ଗନ୍ଧମାର୍ଦ୍ଦନ ପାହାଡ଼ ଉପରେ ଫସିଥିବା ୧୭ ଛତିଶଗଡ଼ି ପର୍ଯ୍ୟଟକ ଉଦ୍ଧାର ହୋଇଛନ୍ତି।ପ୍ରବଳ ବର୍ଷା ଯୋଗୁଁ ପାହାଡ଼ ଉପରେ ଫସି ଯାଇଥିଲେ ଛତିଶଗଡ଼ର ୧୭ ପର୍ଯ୍ୟଟକ।ନୃସିଂହ ନାଥଠାରୁ ୫କି.ମି ଦୂର କପିଳଧାରା ଜଳପ୍ରପାତ ନିକଟରେ ଫସି ଯାଇଥିଲେ।

ଦିଗପହଣ୍ଡି,୨୪।୭(ଏସଏସନିଉଜ )ଦାମପୁର ଗାଁରେ ପହଞ୍ଚିଲେ ସ୍ୱାସ୍ଥ୍ୟ ବିଭାଗ ଟିମ୍।ଅତିରିକ୍ତ ଜିଲ୍ଲାପାଳ ଓ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ପହଞ୍ଚିଲେ।୩ ମୃତକଙ୍କ ପରିବାରକୁ ୨୦ ହଜାର ଟଙ୍କା ଲେଖାଁଏ ସହାୟତା ପ୍ରଦାନ କରିବା ସହ ଝାଡ଼ାବାନ୍ତିରେ ୩ ଜଣଙ୍କ ମୃତ୍ୟୁ ସହ ୫ରୁ ଅଧିକ ଆକ୍ରାନ୍ତ ଥିବାର ଅଦ୍ୟାବଧି ଜଣାପଡିଛି।

ବଣାଇ,୨୪।୭(ଏସଏସନିଉଜ) ଧରଣୀ ଧରପାଲି ସେକ୍ସନ ଅଂଚଳରେ ଦନ୍ତାହାତୀର ଉତ୍ପାତ ଦେଖାଦେଇଛି।ତାଳଖାଇବା ସହ ଚାଷୀଙ୍କ ଧାନତଳି ଦଳି ନଷ୍ଟ କରୁଛି।ଘଉଡ଼ାଇବାରେ ଲାଗିଛନ୍ତି ACFଙ୍କ ସମେତ ବନବିଭାଗ ଟିମ୍ ।ସେହିଭଳି ଭାବେ ବାଙ୍କୀର ଭଗିପୁର ଓ କୂଅମଡା ଅଞ୍ଚଳରେ ହାତୀ ଉତ୍ପାତ ଦେଖାଦେଇଛି।ପାଚେରି ଭାଙ୍ଗିବା ସହ ବ୍ୟାପକ ଫସଲ ନଷ୍ଟ କରିଛି ହାତୀ।ଆଠଗଡ଼ ସୁକାଶନ ଜଙ୍ଗଲରୁ ମାଈହାତୀଟି ଆସିଥିଲା।ହାତୀଟିକୁ ଚନ୍ଦକା ଅଭୟାରଣ୍ୟ ଭିତରକୁ ଘଉଡାଇ ଦେଲା ବନ ବିଭାଗ।