ବାରଙ୍ଗ,୧୯/୮(ଏସ୍.ଏସ୍.ନିୟୁଜ) କାଳ ସାଜିଥାନ୍ତା ବାଜିମରା । ପହଁରା ଶିଖିଥିବାରୁ ସୈାଭାଗ୍ୟବଶତ ବଂଚିଯାଇଥିଲେ ୨୮ବର୍ଷର ଯୁବକ । ବାରଙ୍ଗ ଦମକଳ ବାହିନୀର କର୍ମଚାରୀମାନେ ଆସି ମହାନଦୀର ଧବଳେଶ୍ୱର ପଠାରୁ ଉଦ୍ଧାରକରି ଯୁବକକୁ ତାଙ୍କ ପରିବାରକୁ ହସ୍ତାନ୍ତର କରିଥିବା ଘଟଣା ମୁଣ୍ଡଳି ଅଂଚଳରେ ବେଶ ଚର୍ଚ୍ଚା ପାଲଟିଛି ।
ପ୍ରତ୍ୟକ୍ଷଦର୍ଶୀଙ୍କ ସୁତ୍ରରୁ ଜଣାପଡିଛି ଯେ, ବୁଧବାର ଅପରାହ୍ନ ରେ ଆଠଗଡ ଥାନା ଅର୍ନ୍ତଗତ ନୁଆବନ୍ଧ ଗ୍ରାମର ରତିରଞନମୁଦୁଲି ତାଙ୍କ ସାଙ୍ଗଙ୍କ ସହ ଏକ ବାଇକରେ ଆସି ମୁଣ୍ଡଳି ବ୍ରିଜ୍ ଉପରେ ଛିଡା ହୋଇଥିଲେ । ଦୁଇସାଙ୍ଗ କିଛି ସମୟପାଇଁ ବ୍ରିଜ୍ଉପରେ ଛିଡା ହୋଇ ମହାନଦୀର ଜଳରାଶିର ଶୋଭାକୁ ଉପଭୋଗ କରୁଥିଲେ । କିଛିସମୟ ପରେ ରତିରଞନ ମହାନଦୀକୁ ହଠାତ ଡେଇଁ ପଡିଥିଲେ । ବ୍ରିଜ୍ ଉପରେ ଥିବା କିଛି ମସ୍ ଜିବୀ ଏହାଦେଖି ଘଟଣା ଜାଣିବାପାଇଁ ବ୍ରିଜ୍ଉପରେ ଛିଡା ହୋଇଥିବା ସାଙ୍ଗଙ୍କ ପାଖକୁ ଯିବାପରେ ବାଜିଲଗାଇ ରତି ରଞନ ମହାନଦୀକୁ ଡେଇଁଥିବାର ଜାଣିବାକୁ ପାଇଥିଲେ ।ଏହାପରେ ମସ୍ ଜିବୀମାନେ ବାରଙ୍ଗ ଦମକଳ ବାହିନୀକୁ ଖବର ଦେଇଥିଲେ । ଖବରପାଇ ରାଜକିଶୋରଜେନାଙ୍କ ନେତୃତ୍ୱରେ ଦମକଳ ବାହିନୀର ଏକ ଟିମ୍ ଆସି ମୁଣ୍ଡଳୀବ୍ରିଜପାଖରେ ପହଁଚିଥିଲେ ।ସେତେବେଳକୁ ରତିରଞନ କଷ୍ଟମଷ୍ଟେ ମହାନଦୀର ପ୍ରବଳ ସ୍ରୋତ କୁ ଅତିକ୍ରମ କରି ପହଁରିପହଁରି ଧବଳେଶ୍ୱରପଠାରେ ପହଁଚିଯାଇଥିଲେ ମଧ୍ୟ ଆଉ କୁଳକୁ ଫେରିବାକୁ ସାହସ କରିପାରିନଥିଲେ । ଦମକଳବାହିନୀର କର୍ମଚାରୀମାନେ ରତିରଞନକୁ ଧବଳେଶ୍ୱରପଠାରୁ ଉଦ୍ଧାର କରିବାସହ ତାଙ୍କ ପରିବାରକୁ ହସ୍ତାନ୍ତର କରିଥିଲେ । ତେବେ ମହାନଦୀକୁ ଡେଇଁବାର କାରଣ ସାଙ୍ଗ ସହ ବାଜି ପାଇଁ ହୋଇଥିବାର ବାରଙ୍ଗଦମକଳକେନ୍ଦ୍ରର ଅଧିକାରୀ ରାଜକିଶୋର ଜେନା ଜାଣିବାକୁ ପାଇବା ସହ ଭବିଷ୍ୟତରେ ଜୀବନକୁ ମରଣମୁହଁକୁ ଦେଇ ବାଜି ନଲଗାଇବାର ପରାମର୍ଶ ଦେଇଥିଲେ ।(ବାରଙ୍ଗରୁ ଗୈାତମରାଉତଙ୍କ ରିପୋର୍ଟ)