2023

ବଲାଙ୍ଗିର,୨୭।୯(ଏସଏସନିଉଜ)ବଲାଙ୍ଗିର ଟିଟିଲାଗଡ଼ ରେ ରାସ୍ତା କଡ଼ରେ ପ୍ରସବ କଲେ ଗର୍ଭବତୀ । ରାସ୍ତାକଡ଼ରେ ଯାଆଁଳା ଶିଶୁଙ୍କୁ ଜନ୍ମଦେଲେ ୨୦ ବର୍ଷୀୟା ମାଆ। ଉଭୟ ମାଆ ଓ ଶିଶୁଙ୍କୁ ଉଦ୍ଧାର କରିଛି ଟିଟିଲାଗଡ଼ ପୋଲିସ ।ଉଦ୍ଧାରପରେ ପିଲା ଓ ମାକୁ ଚିକିତ୍ସା ପାଇଁ ଟିଟିଲାଗଡ଼ ମୁଖ୍ୟ ଡାକ୍ତରଖାନାରେ ଭର୍ତି କରାଯାଇଥିବାବେଳେ ସେଠାରେ ଜନ୍ମିତ ପିଲାଙ୍କର ସ୍ବାସ୍ଥ୍ୟାବସ୍ଥା ସ୍ଥିର ଥିବାର ଜଣାପଡିଛି।

ବାଙ୍କୀ୨୭।୯(ଏସଏସନିଉଜ) କରବରଗାଁରେ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ଘଟିଛି। ଗଣେଶମୂର୍ତ୍ତି ବିସର୍ଜନ ଶୋଭାଯାତ୍ରା ବେଳେ କମେଣ୍ଟମରାରୁ ନେଇ ଏହି ସଂଘର୍ଷ ଘଟିଛି।ସଂଘର୍ଷରେ ଉଭୟ ପକ୍ଷର ୮ରୁ ଅଧିକ ଆହତ ହୋଇଥିବାବେଳେ ୩ଜଣ ଗୁରୁତର ଆହତ ହୋଇଛନ୍ତି। ସମସ୍ତଙ୍କୁ ଚିକିତ୍ସା ପାଇଁ ବାଙ୍କୀ ଡାକ୍ତରଖାନାକୁ ନିଆଯାଇଥିଲା।ସେଠାରୁ ଗୁରୁତରଙ୍କୁ SCBକୁ ସ୍ଥାନାନ୍ତର କରାଯାଇଥିବାବେଳେ ସେମାନଙ୍କୁ ନେବାପାଇଁ ମିଳିଲାନି ଆମ୍ବୁଲାନ୍ସ। ଆମ୍ବୁଲାନ୍ସ ନମିଳିବାରୁ ବାଙ୍କୀ ମେଡିକାଲରେ ଉତ୍ତେଜନା ଦେଖାଦେଇଥିଲା।

ଚାନ୍ଦବାଲି,୨୭।୯(ଏସଏସନିଉଜ)ପୋଷ୍ଟମାଷ୍ଟରଙ୍କ ନାଁରେ ଟଙ୍କା ହଡ଼ପ ଅଭିଯୋଗ ଆସିଛି।ଏହାକୁନେଇ ଉତ୍ତେଜନା ଦେଖାଦେଇଛି।ଉଗ୍ରତାରା ପୋଷ୍ଟ ଅଫିସ ଆଗରେ ଉତେଜିତ ଲୋକ ହୋହଲ୍ଲା ଆରମ୍ଭ କରିଛନ୍ତି।ପୋଷ୍ଟ ଅଫିସରେ ଲୋକଙ୍କ ଲକ୍ଷାଧିକ ଜମା ଟଙ୍କା ହଡ଼ପ ହୋଇଥିବା ନେଇ ଉତ୍ୟକ୍ତ ଲୋକମାନେ ଅଭିଯୋଗ କରିଛନ୍ତି।

ଭୁବନେଶ୍ୱର,୨୭।୯(ଏସଏସ ନିଉଜ)ଘାଟିରୁ ସ୍କୁଲ ବାସ ଓଲଟିପଡିବା ଯୋଗୁ ପିଇଟି ଶିକ୍ଷକଙ୍କ ମୃତ୍ୟୁ ଘଟିଛି।ଏଥିରେ ୨୦ରୁ ଅଧିକ ଛାତ୍ରଛାତ୍ରୀ ଆହତ ହୋଇଛନ୍ତି।ଚନ୍ଦାହାଣ୍ଡି ଘାଟିରେ ଭାରସାମ୍ୟ ହରାଇ ୩୦ ଫୁଟ୍ ତଳକୁ ଖସିପଡିଛି ବସ୍‌। ମୃତକ ସ୍ୱାମୀ ବିବେକାନନ୍ଦ ହାଇସ୍କୁଲର ପିଇଟି ଶିକ୍ଷକ ହୋଇଥିବା ବେଳେ ଚନ୍ଦାହାଣ୍ଡି କ୍ରୀଡ଼ା ଉତ୍ସବରେ ଯୋଗ ଦେବାକୁ ଯାଉଥିଲେ।ଉମରକୋଟରୁ ବିଭିନ୍ନ ସ୍କୁଲ ଛାତ୍ରଛାତ୍ରୀଙ୍କୁ ନେଇ ବସ ଟି ଯାଉଥିବାବେଳେ ଦୁର୍ଘଟଣା ଘଟିଥିଲା।