ଅନଙ୍ଗ ତ୍ରୟୋଦଶୀ ଓ ଗୀତା ଜୟନ୍ତୀ ,୨୦୨୨ ମସିହା ଡିସେମ୍ବର ମାସ ୦୫ ତାରିଖ (ସୋମବାର)ମାର୍ଗଶୀର ମାସ-ଶୁକ୍ଳପକ୍ଷ ,ତିଥି-ତ୍ରୟୋଦଶୀ ,ସୁର୍ୟୋଦୟ ପ୍ରାତଃ ଘ୦୬/୧୦/୧୪ ,ସୂର୍ଯ୍ୟାସ୍ତ ସନ୍ଧ୍ୟା ଘ୦୫/୦୨/୨୦ ,ମିଥୁନ ରାଶିର ଘାତବାର ,ମେଷ ରାଶିର ଘାତଚନ୍ଦ୍ର , ତ୍ରୟୋଦଶୀର ଏକୋଦିଷ୍ଟ ଓ ପ୍ରାବଣ ଶ୍ରାଦ୍ଧ ବାଇଗଣ ଭକ୍ଷଣ ନିଷେଧ ।
ମେଷ-ଆଜି କୌଣସି ପଦସ୍ଥ ବ୍ୟକ୍ତିଙ୍କ ସହଯୋଗରୁ ଅଟକି ରହିଥିବା କାମରେ ଅଗ୍ରଗତି ଘଟିବ। ଆର୍ଥିକ ସଙ୍କଟ ରହିଥିଲେ ମଧ୍ୟ ସରକାରୀ ସ୍ତରରୁ ସାହାଯ୍ୟ ନିଶ୍ଚିତ ପାଇବେ। ପୂର୍ବ ସ୍ଥିରୀକୃତ ନୂତନ ଯୋଜନା ଆରମ୍ଭ କରିବା ସକାଶେ ମନ ବଳାଇପାରନ୍ତି। ନିକଟ ସମ୍ପର୍କୀୟମାନଙ୍କ ସହିତ ସମ୍ପର୍କ ହ୍ରାସ ଘଟିପାରେ।
ବୃଷ-ମାନସିକ ସ୍ବାସ୍ଥ୍ୟରେ ଉନ୍ନତି ହେବାରୁ ଶାନ୍ତି ପାଇବେ। କର୍ମକ୍ଷେତ୍ରରେ ପ୍ରତିବନ୍ଧକକୁ ଦୃଢ଼ତାର ସହ ସମ୍ମୁଖୀନ ହେବାରେ ଅସୁବିଧା ହେବ ନାହିଁ। କଳା, ସାହିତ୍ୟ, କ୍ରୀଡ଼ା ଓ ଚଳଚ୍ଚିତ୍ର ପ୍ରଭୃତିରେ ଉନ୍ନତି କରିବେ ଓ ପ୍ରଶଂସିତ ହେବେ। ପାରିବାରିକ ସମସ୍ୟାର ସମାଧାନ ସକାଶେ ଅନ୍ୟର ସାହାଯ୍ୟ ନେବାକୁ ବାଧ୍ୟହେବେ।
ମିଥୁନ- ପୂର୍ବ ଯୋଜନା ଅନୁଯାୟୀ ଆପଣଙ୍କର କୌଣସି କାମ ଅଟକିବ ନାହିଁ। ପିଲାଙ୍କ ଅଭିଯୋଗକୁ ଗୁରୁତର ସହ ବିଚାର କରି ଉଚିତ୍ ପଦକ୍ଷେପ ନିଅନ୍ତୁ। ପାଖରେ ପାଇପାରୁ ନ ଥିବା ଫାଇଲ୍ ପତ୍ର କିମ୍ବା କୌଣସି ଜିନିଷ ପାଇଁ ତର୍କ ଓ ବିବାଦ ବଢ଼ିପାରେ। ବ୍ୟବସାୟିକ ସ୍ଥିତି ପୂର୍ବପରି ରହିବ କିନ୍ତୁ ସମସ୍ୟାବହୁଳ ହେବ।
କର୍କଟ-ଅଟକି ରହିଥିବା ପ୍ରତ୍ୟେକ କାମ ସହଜ ଓ ସୁବିଧାରେ ହୋଇଯିବ। ଶିଳ୍ପ, ବାଣିଜ୍ୟ, ବ୍ୟବସାୟ ଓ ପରିବହନରେ ଲାଭ ଆଶାନୁରୂପ ହୋଇ ନ ପାରେ। ଅଫିସ୍ରେ କାର୍ଯ୍ୟଦକ୍ଷତା ହେତୁ ବନ୍ଧୁଙ୍କ ମଧ୍ୟରେ ପ୍ରଶଂସିତ ହେବେ। ପରିବାରରେ କୌଣସି ବ୍ୟକ୍ତିଙ୍କ ସ୍ବାସ୍ଥ୍ୟ ସମସ୍ୟା ଯୋଗୁ ମାନସିକ ସୁସ୍ଥତା ବ୍ୟାହତ ହୋଇପାରେ।
ସିଂହ-ଆଜି ଇଚ୍ଛା ନ ଥିଲେ ମଧ୍ୟ ମାତ୍ରାଧିକ ଭ୍ରମଣ ଯୋଗୁ କ୍ଳାନ୍ତି ଅନୁଭବ କରିବେ। କର୍ମକ୍ଷେତ୍ରରେ କୌଣସି ଗୁରୁତ୍ୱପୂର୍ଣ୍ଣ ଆଲୋଚନାରେ ଅଂଶଗ୍ରହଣ କରିପାରନ୍ତି। ପରିବାରରେ ନିଜ ଲୋକଙ୍କୁ ଭୁଲ୍ ବୁଝି ସମସ୍ୟାର ସମ୍ମୁଖୀନ ହୋଇପାରନ୍ତି। ଆର୍ଥିକ ଅନଟନ ହେତୁ ବନ୍ଧୁଙ୍କୁ ସାହାଯ୍ୟ ସକାଶେ ଅନୁରୋଧ କରିପାରନ୍ତି।
କନ୍ୟା-ପ୍ରତ୍ୟେକ କ୍ଷେତ୍ରରେ ବିଳମ୍ବିତ ସମୟରେ କାମ ସମ୍ପନ୍ନ ହେବାରୁ ସାମୟିକ ବ୍ୟସ୍ତତା ବୃଦ୍ଧି ପାଇବ। ଅଜଣା ବ୍ୟକ୍ତିମାନଙ୍କ ଦ୍ୱାରା ପ୍ରଭାବିତ ହୋଇ କାମ କରିବା ସମସ୍ୟାର କାରଣ ହୋଇପାରେ। ଆଜି କୌଣସି କ୍ଷେତ୍ରରେ ବିବାଦୀୟ କଥାରେ ମୁଣ୍ଡ ନ ପୂରାଇବା ଭଲ ହେବ। କ୍ରନିକ୍ ରୋଗୀମାନଙ୍କ ସ୍ବାସ୍ଥ୍ୟରେ ଉନ୍ନତି ପରିଲକ୍ଷିତ ହେବ।
ତୁଳା-ସହକର୍ମୀଙ୍କ ସହୃଦୟତାରୁ କର୍ମକ୍ଷେତ୍ରର ସମସ୍ୟା ସମାଧାନ ହେବ। କିନ୍ତୁ ବହୁ ପୂର୍ବରୁ ପରୋକ୍ଷ ଶତ୍ରୁତା ସାମାଜିକ ସ୍ତରରେ ସାମୟିକ ବାଧା ସୃଷ୍ଟି କରିପାରେ ପରିବାରରେ କାହାର ସ୍ବାସ୍ଥ୍ୟ ସମସ୍ୟା ନିୟନ୍ତ୍ରିତ ହେବାରୁ ସାମୟିକ ଆଶ୍ୱସ୍ତି ଲାଭ କରିବେ। ଲେଖାପଢ଼ା ଓ ରଚନାମତ୍କ କାମରୁ ବନ୍ଧୁମାନଙ୍କ ଦ୍ୱାରା ପ୍ରଶଂସିତ ହୋଇପାରନ୍ତି।
ବିଛା-ପରିଜନ ଓ ବନ୍ଧୁଙ୍କ ସହ ଆଜି କୌଣସି ନୂଆ ସ୍ଥାନକୁ ଯାଇପାରନ୍ତି। ଯାତ୍ରା ସମୟରେ ଅସାବଧାନତା କାରଣରୁ କିମ୍ବା ଅନ୍ୟମନସ୍କ ହେତୁ କୌଣସି ଜିନିଷ ହଜିଯାଇପାରେ। ସାଂସ୍କୃତିକକାର୍ଯ୍ୟରେ ଯୋଗଦେଇ କଳା, ସାହିତ୍ୟ ଓ ସଂଗୀତରେ ସୁନାମ ଅର୍ଜନ କରିବେ। କାମ ହାସଲ ପାଇଁ ପଦସ୍ଥ ବ୍ୟକ୍ତିଙ୍କ ସହଯୋଗର ଅଭାବ ରହିବ ନାହିଁ।
ଧନୁ-ପ୍ରଶାସନିକ ସ୍ତରରେ ଆଲୋଚନା ଅବସରରେ ବନ୍ଧୁଙ୍କ ଯୁକ୍ତିକୁ ଗ୍ରହଣ କରିବାକୁ ବାଧ୍ୟହେବେ। ଆଇନ ଅଦାଲତ କ୍ଷେତ୍ରରେ ଆଇନଜ୍ଞଙ୍କ ପରାମର୍ଶ ଲାଭକରି ଖୁସି ହେବେ। ମାଙ୍ଗଳିକକାର୍ଯ୍ୟରେ ଯଥାସମ୍ଭବ ଶତ୍ରୁଠାରୁ ଦୂରେଇ ରହି କାମ କରିବା ଭଲ ହେବ। ପରିବାରର ଇଚ୍ଛା ବିରୁଦ୍ଧରେ କାମ କରି ସମାଲୋଚିତ ହେବାକୁ ପଡ଼ିପାରେ।
ମକର-ଆକସ୍ମିକ ସାମାନ୍ୟ ଅସୁସ୍ଥତାଜନିତ କାରଣରୁ ମନଟା ଭଲ ଲାଗି ନ ପାରେ। ଶିଳ୍ପ,ବାଣିଜ୍ୟ କ୍ଷେତ୍ରରେ ପ୍ରତିବନ୍ଧକ ପୂର୍ଣ୍ଣମାତ୍ରାରେ ଦୂରୀଭୁତ ହୋଇଯିବ। ସାହିତ୍ୟ, ସାମ୍ବାଦିକତାରେ ତଥା ପ୍ରଶାସନିକସ୍ତରରେ ଉଚ୍ଚ ପ୍ରଶଂସିତ ହେବେ। ପରିବାରରେ ସନ୍ଦେହ ଓ ଭୁଲ୍ ବୁଝାମଣା ଯୋଗୁ ଅନ୍ୟମାନଙ୍କୁ ସନ୍ଦେହ ଚକ୍ଷୁରେ ଦେଖିପାରନ୍ତି।
କୁମ୍ଭ-ବାରମ୍ବାର ଚେଷ୍ଟା କରି ମଧ୍ୟକାର୍ଯ୍ୟ ସମ୍ପନ୍ନ ନ ହେବା କାରଣରୁ ଚିନ୍ତିତ ରହିପାରନ୍ତି। ଆର୍ଥିକ ଅନଟନ ଦୂର କରିବାକୁ ବିଭିନ୍ନ ପ୍ରକାର ନୂଆ ନୂଆ ଯୋଜନା କରିବେ। ପାରିବାରିକ ଶୃଙ୍ଖଳା ରକ୍ଷା କରିବାରେ ନିକଟ ସମ୍ପର୍କୀୟଙ୍କ ସହାୟତା ନେବାକୁ ପଡ଼ିପାରେ। ପ୍ରତ୍ୟେକ କ୍ଷେତ୍ରରେ ଧୈର୍ଯ୍ୟହରା ନହୋଇକାର୍ଯ୍ୟ କଲେ ଉପକୃତ ହେବେ।
ମୀନ-ଚିନ୍ତା କରନ୍ତୁ ନାହିଁ, କର୍ମକ୍ଷେତ୍ରରେ ଅସୁବିଧା ଦେଖାଦେଲେ ମଧ୍ୟ ପରକ୍ଷଣରେ ସବୁ ଠିକ୍ ହୋଇଯିବ। ଆକସ୍ମିକ ଭାବେ ଆପଣଙ୍କୁ ହଠାତ୍ ଜରୁରୀ କାମରେ ବାହାରକୁ ଯିବାକୁ ପଡ଼ିପାରେ। ବିବାଦୀୟ ପରିସ୍ଥିତିରେ ବୃଥା ଆଶଙ୍କା କରି ମନ ଅସ୍ଥିର ରହିବ। ପ୍ରତ୍ୟେକ କ୍ଷେତ୍ରରେ ବ୍ୟସ୍ତ ବିବ୍ରତ ନ ହୋଇ କାମ କରିବା ଭଲ ହେବ।
ନିତୀବାଣୀ-ଯେତେ ତୀର୍ଥ ଜାଗାକୁ ଗଲେବି ଯେତେ ଭକ୍ତିରେ ପୂଜା କଲେବି ଯଦି କର୍ମ ଓ ବ୍ୟବହାର ଭଲ ନ ଥାଏ ତେବେ ସେ ଗୁଡିକର କିଛିବି ମହତ୍ୱ ରହେ ନାହିଁ..
ବାସ୍ତୁଟିପ୍ପଣୀ-ସିନ୍ଦୂରରେ ଦୂର କରନ୍ତୁ ସମସ୍ୟା…
ସିନ୍ଦୂର ହେଉଛି ସଧବାଙ୍କର ମୁଖ୍ୟ ଶୃଙ୍ଗାର। କିନ୍ତୁ ଜାଣିଛନ୍ତି କି, ବାସ୍ତୁଦୋଷ ଦୂର କରିବା ସହିତ ଅନେକ ସମସ୍ୟାର ସମାଧାନ ମଧ୍ୟ ସିନ୍ଦୂର ଦ୍ବାରା ଦୂର ହୋଇପାରିବ। ସିନ୍ଦୂରର କିଛି ଉପାୟ ଦ୍ବାରା ଘରେ ଶାନ୍ତି ସ୍ଥାପନ ହେବା ସହ ଆର୍ଥିକ ବିକାଶ ହୁଏ।
ଏକ ଆଖିଯୁକ୍ତ ନଡ଼ିଆ ଉପରେ ସିନ୍ଦୂର ଲଗାଇ, ତାହାକୁ ଲାଲ୍ କପଡ଼ାରେ ବାନ୍ଧି ପୂଜା କରନ୍ତୁ। ଏହାପରେ ମା ଲକ୍ଷ୍ମୀଙ୍କୁ ଧ୍ୟାନ କରି ତାହାକୁ ନେଇ ନିଜର ବ୍ୟବସାୟ ସ୍ଥଳରେ ସୁରକ୍ଷିତ ସ୍ଥାନରେ ରଖନ୍ତୁ। ଏହାଦ୍ବାର ଆର୍ଥିକ ସମସ୍ୟା ଦୂର ହୋଇଥାଏ।
ଶୁକ୍ଳ ପକ୍ଷ ପୁଷ୍ୟ ଯୋଗରେ ବା ଗୁରୁ ପୁଷ୍ୟ ଯୋଗରେ ଗଣେଶଙ୍କୁ ସିନ୍ଦୂର ଦାନ କରିବା ଦ୍ବାରା ଆତ୍ମବିଶ୍ବାସ ବୃଦ୍ଧି ହୋଇଥାଏ। ଏଭଳି କରିବା ଦ୍ବାରା ପରୀକ୍ଷାରେ ସଫଳତା ମିଳେ। ଭଲ ଚାକିରି ପାଇବା ପାଇଁ ଶୁକ୍ଳ ପକ୍ଷ ଗୁରୁବାର ଦିନ ହଳଦିଆ ବସ୍ତ୍ରରେ ସିନ୍ଦୂରରେ ୬୩ ନମ୍ବର ଲେଖି ମାଲକ୍ଷ୍ମୀଙ୍କ ଚରଣରେ ଅର୍ପଣ କରନ୍ତୁ। ୩ଟି ଗୁରୁବାର ଏହି ଉପାୟ କରନ୍ତୁ।
ସିନ୍ଦୂର ଓ ତେଲ ମିଶାଇ ଘରର କବାଟରେ ଲଗାନ୍ତୁ। ଏହାଦ୍ବାରା ଅଶାନ୍ତି ଦୂର ହେବା ସହ ଘରର ସବୁ ଦୋଷ ଦୂର ହୋଇଥାଏ। ଏହାଦ୍ବାରା ନକାରାତ୍ମକ ଶକ୍ତି ଘର ଭିତରକୁ ପ୍ରବେଶ କରିପାରେ ନାହିଁ। ଏହା ସହିତ ସବୁ ସମସ୍ୟା ଦୂର ହେବା ସହ ପୀଡ଼ା ଦୂର ହୋଇଥାଏ।
ସିନ୍ଦୂରରେ ତେଲ ମିଶାଇ କବାଟରେ ଲଗାଇବା ଦ୍ବାରା ଶନିଦେବଙ୍କ ସହ ମାଲକ୍ଷ୍ମୀ ପ୍ରସନ୍ନ ହୋଇଥାନ୍ତି।
ଆଜିର ଦିନଟି ମଙ୍ଗଳମୟ ହେଉ!!ଜୟଜଗନ୍ନାଥ,ଜୟସୋମନାଥ,ଜୟମାଯୋଗମାୟା!!