ମହାନଗର

ବାରଙ୍ଗ,୨୧/୯(ଏସ ଏସ ନିୟୁଜ) ମଦ ଦୋକାନ ସ୍ଥାନାନ୍ତର ନେଇ ଦେଖା ଦେଇଛି ବିବାଦ I ଯାହାକୁ ନେଇ ଜିଲ୍ଲାପାଳଙ୍କ ଦୃଷ୍ଟି ଆକର୍ଷଣ କରିଛନ୍ତି ଶତାଧିକ ଗ୍ରାମବାସୀ I ଗାଁ ଲୋକଙ୍କ କହିବା କଥା, କଟକ ମ୍ୟୁନିସିପାଲଟି ୩ ନମ୍ବର ୱାର୍ଡ ବ୍ରଜ ବିହାରୀପୁର ଠାରେ ହେବାକୁ ଥିବା ବିଦେଶୀ ମଦ ଦୋକାନ ଅରିଲୋ ମୌଜାର ପ୍ଲଟ ନମ୍ବର୫୯ କୁ ସ୍ଥାନାନ୍ତର କରାଯାଉଛି I ହେଲେ ଉକ୍ତ ପ୍ଲଟ ଟି ମହିମା ଆଶ୍ରମର ବ୍ରହ୍ମ ଅବଧୂତ ଗୁରୁଚରଣ ଦାସଙ୍କ […]

ଚନ୍ଦ୍ରଶେଖରପୁର,୨୧/୯(ଏସଏସନିୟୁଜ)ଟାଙ୍ଗିବନ୍ତ ଗ୍ରାମର କିଛି ଯୁବକ ମଙ୍ଗଳବାରସକାଳେ ମାଛମାରିବାକୁ ବୁଡୁନଇ କୁ ଯାଇଥିଲେ । ଜାଲ ଟାଣିବାବେଳେ ଭାରୀ ଲାଗିବା ସହ ଅଧିକ ପରିମାଣର ମାଛ ଲାଗିଥିବାର ଆଶା ରଖି ଖୁସିରେ ଜାଲକୁ ଟାଣିଥିଲେ ।କିନ୍ତୁ ଜାଲଟି ଉପରକୁ ଆସିବାବେଳକୁ ତା ମଧ୍ୟରେ ଏକ ଅଜଗରସାପଟି ପଡିଥିବାର ଦେଖିବାକୁ ପାଇଥିଲେ ।ସାପଟିକୁ ଗାଁ ମଧ୍ୟକୁ ଆଣିବାପରେ ସାପକୁ ଦେଖିବାପାଇଁ ଗ୍ରାମବାସୀଙ୍କ ଭୀଡ ଲାଗିରହିଥିଲା ।ଖବର ପାଇ ବନବିଭାଗ ଆସି ସାପଟିକୁ ଉଦ୍ଧାର କରି ନେଇଛି ।

ଚନ୍ଦ୍ରଶେଖରପୁର,୨୧/୯(ଏସଏସନିୟୁଜ)ସାବଧାନ ! କୁଆଖାଇ ନଦୀରେ ବୁଲୁଛି କୁମ୍ଭୀର ।ମଙ୍ଗଳବାରଦିନ ସକାଳେ ରାଜଧାନୀ ଉପକଣ୍ଠ ଝିଙ୍କରଡିହି ଗ୍ରାମମୁଣ୍ଡ କୁଆଖାଇ ତୁଠରେ କିଛି ଯୁବକ ଗାଧୋଉଥିବାବେଳେ କୁମ୍ଭୀରଟିକୁ ଦେଖିବାକୁ ପାଇଥିଲେ ।କୁମ୍ଭୀରଟି ସେମାନଙ୍କ ଆଡକୁ ଆସୁଥରବାର ଜାଣି ପାଣିରୁ ଉଠି ପଳାଇଆସିଥିଲେ ।ଏହି ଖବର ପ୍ରଚାରିତ ହେବାପରେ ଗ୍ରାମର ଯୁବକମାନେ କୁମ୍ଭୀରଟିକୁ ଦେଖିବାକୁ ତୁଠପାଖରେ ଭୀଡ ଲଗାଇଥିଲେ ।ଅନ୍ୟପଟେ ଭୟରେ ଗ୍ରାମବାସୀ କେହି ଶୈାଚ ପାଇଁ ଆଉ କୁଆଖାଇ ନଦୀକୁ ଯାଇନଥିଲେ ।

ସମ୍ବଲପୁର, ୨୧/୯(ଏସଏସନିୟୁଜ)ପୁଣି ଖୋଲିଲା ହିରାକୁଦର ଆଉ ୨ଟି ଗେଟ ।ଜଳସ୍ତର ହ୍ରାସପାଇବାପରେ ପର୍ଯ୍ୟାୟକ୍ରମେ ହିରାକୁଦରୁ ଗେଟ ବନ୍ଦ କରାଯାଇଥିଲା ।ଏବେ ପୁଣି ଜଳସ୍ତର ବୃଦ୍ଧିପାଇବା ଯୋଗୁ ହୀରାକୁଦ ଡ୍ୟାମର ଆଉ ୨ଟି ଗେଟ୍ ଖୋଲାଯାଇଛି । ଡ୍ୟାମରେ ଜଳସ୍ତର ୬୨୯.୫୮ ଫୁଟ ରହିଥିବାବେଳେ ୧୨ଟି ଗେଟ୍ ଦେଇ ହୀରାକୁଦରୁ ଜଳ ନିଷ୍କାସନ ହେଉଛି ।

ଭୁବନେଶ୍ୱର,୨୧/୯(ଏସଏସନିୟୁଜ)ପୁଣିଥରେ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ଲଳିତ କଳା ଏକାଡେମୀର ସଭାପତି ରୂପେ ମନୋନୀତ ହୋଇଛନ୍ତି । ସୁଦର୍ଶନ ପଟ୍ଟନାୟକ ଓଡ଼ିଶା ଲଳିତ କଳା ଏକାଡେମୀର ସଭାପତି ରୂପେ ୨୦୧୮ ମସିହାରୁ କାର୍ଯ୍ୟନିର୍ବାହ କରିଆସୁଥିଲେ ।ପୁଣିଥରେ ଆଗାମୀ ୩ ବର୍ଷ ପାଇଁ ତାଙ୍କୁ ଲଳିତ କଳା ଏକାଡେମୀର ସଭାପତି ରୂପେ କାର୍ଯ୍ୟନିର୍ବାହ ନିମନ୍ତେ ରାଜ୍ୟସରକାର ତାଙ୍କୁ ମନୋନିତ କରିଛନ୍ତି ।ଏଥିନିମନ୍ତେ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।