ଅପରାଧ

ପୁରୀ,୧ା୧(ଏସଏସନିଉଜ)ଶ୍ରୀଜଗନ୍ନାଥ ସଂସ୍କୃତ ବିଶ୍ଵବିଦ୍ୟାଳୟର ହଷ୍ଟେଲରୁ ପ୍ରଜ୍ଞାପରମିତା ପରିଡ଼ା ନାମକ ପିଜି ପ୍ରଥମ ବର୍ଷର ଜଣେଛାତ୍ରୀଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି। ତାଙ୍କ ଘର କଟକ ଜିଲ୍ଲା ବାଙ୍କୀ ଅଞ୍ଚଳରେ ବୋଲି ସୁଚନା ମିଳିଥିବାବେଳେ ସେ ବେକରେ ରଶି ଲଗାଇ ଆତ୍ମହତ୍ୟା କରିଛନ୍ତି।ଖବରପାଇ ସି ବିଚ୍ ପୁଲିସ ଘଣାସ୍ଥଲରେ ପହଞ୍ଚି ତଦନ୍ତ ଆରମ୍ଭ କରିଛି।

ମାଲକାନଗିରି, ୧ା୧(ଏସଏସନିଉଜ)ନୁଆବର୍ଷରେ ମାଲକାନଗିରିଜିଲ୍ଲାରେ ଏକ ଅଭାବନୀୟଘଟଣା ସାମ୍ନାକୁ ଆସିଛି । ଜଣେ ଶିକ୍ଷକଙ୍କୁ ଟାଙ୍ଗିଆରେ ହାଣି ପିଅନ ହତ୍ୟା କରିଥିବାର ଜଣାପଡିଛି । ଶିଶୁ ବିଦ୍ୟା ମନ୍ଦିରରେ ଶିକ୍ଷକ ଏବଂ ପିଅନ ମଧ୍ୟରେ କୌଣସି କଥାକୁନେଇ ସାମାନ୍ୟବଚସା ହୋଇଥିବାବେଳେ ଏଥିରେ ଉତ୍‌କ୍ଷିପ୍ତହୋଇ ପିଅନ ଟାଙ୍ଗିଆରେ ଶିକ୍ଷକଙ୍କୁ ହତ୍ୟା କରିଥିବାର ଜଣାପଡିଛି । ଖବରପାଇ ମାଲକାନଗିରି ପୋଲିସ ଘଟଣାସ୍ଥଳରେ ପହଞ୍ଚି ପିଅନକୁ ଅଟକ ରଖି ପଚରାଉଚରା ଚଳାଇଛି ।

ଢେଙ୍କାନାଳ , ୩୧ା୧୨(ଏସଏସନିଉଜ)ପର୍ଜଙ୍ଗଥାନା ଅନ୍ତର୍ଗତ ରୋଡ଼ଗାଁରେ ଶୁକ୍ରବାର ଦିନ କ୍ରିକେଟ୍ ଟୁର୍ଣ୍ଣାମେଣ୍ଟ ଖେଳି ୧୫ରୁ ଅଧିକ ଖେଳାଳି ଏକ ଡଙ୍ଗାରେ ବ୍ରାହ୍ମଣୀ ନଦୀ ପାର୍ ହୋଇ ନିଜ ଗାଁକୁ ଫେରୁଥିବାବେଳେ ଦୁର୍ଘଟଣା ଘଟିଥିଲା ସ୍ୱଭାଗ୍ୟବଶତ କାହାର କିଛି କ୍ଷତି ହୋଇନଥିଲେ ମଧ୍ୟ ହଠାତ ଡଙ୍ଗାଟି ଓଲଟିପଡିଥିଲା । ସମସ୍ତ ଖେଳାଳି ପହଁରି ପହଁରି କୂଳକୁ ଚାଲି ଆସିବାରୁ ଏକ ବଡ଼ଧରଣର ଅଘଟଣରୁ ସମସ୍ତେ ବର୍ତିଯାଇଥିଲେ ।

କୁଚିଣ୍ଡ. ୩୧ା୧୨(ଏସଏସନିଉଜ)ହାଡିପାଲିପଞ୍ଚାୟତ ପାନପାଲିଜଙ୍ଗଲରେ ଜଣେ ଏଏନଏମଙ୍କୁ ଦୁଷ୍କର୍ମ ହୋଇଥିବା କୁଚିଣ୍ଡାଥାନାରେ ଅଭିଯୋଗ ହୋଇଛି।ହାଡିପାଲି ପଞ୍ଚାୟତର ଜଣେ ଯୁବକ ଏଏନ୍ଏମ ସହିତ ଫାଶିମାଲ ଆସି ଫେରିବାବେଳେ ରାତି ହୋଇଯାଇଥିଲା। ବାଟରେ ପାନପାଲି ଜଙ୍ଗଲ ନିକଟ ନିଛାଟିଆ ରାସ୍ତାରେ ଯୁବକ ଜଣକ  ଏଏନଏମଙ୍କୁ  ଦୁଷ୍କର୍ମ କରି ଫେରାର ହୋଇଯାଇଥିଲା। ଖବର ପାଇ କୁଚିଣ୍ଡା ପୁଲିସ ଏଏନଏମଙ୍କୁ  ଉଦ୍ଧାର କରି ଡାକ୍ତରଖାନାରେ ଭର୍ତିକରାଇବାସହ ଏକମାମଲା ରୁଜୁକରି ତଦନ୍ତଆରମ୍ଭ କରିଛି ।

ବୌଦ୍ଧ, ୩୧ା୧୨(ଏସଏସନିଉଜ) ପୁରୀରୁ ଜଗା ଦର୍ଶନସାରି ନୃସିଂହନାଥ ଅଭିମୁଖେ ଯାଉଥିବାବେଳେ ଖୋର୍ଦ୍ଧା-ବଲାଙ୍ଗୀର ୫୭ ନଂ ଜାତୀୟ ରାଜପଥର ହରେକୃଷ୍ଣପୁର ନିକଟରେ ଭାରସାମ୍ୟ ହରାଇ ଏକ ତୀର୍ଥଯାତ୍ରୀ ବସ ରାସ୍ତା କଡରେଥିବା ଏକ ଗଛରେ ପିଟି ହୋଇଯାଇଥିଲା । ୪୦ ଜଣ ଯାତ୍ରୀଅଳ୍ପକେ ବର୍ତ୍ତି ଯାଇଥିବାବେଳେ୬ଜଣ ଗୁରୁତର ଆହତହୋଇ ବୌଦ୍ଧ ମେଡିକାଲରେ ଚିକିସ୍‌ିତ ହେଉଛନ୍ତି । ସମସ୍ତ ତୀର୍ଥଯାତ୍ରୀ ଛତିଶଗଡ଼ର ରାୟପୁର ଅଞ୍ଚଳର ବୋଲି ଜଣାଯାଇଛି।

ଭଦ୍ରକ,୩୦।୧୨(ଏସ ଏସ ନିଉଜ)କେନ୍ଦୁଆପଦା ଷ୍ଟେସନ ନିକଟରେ କୋଇଲା ବୋଝେଇ ଟ୍ରେନ୍‌ରେ ନିଆଁ ଲାଗିଛି।ଫଳରେ ୮ରୁ ୧୦ ବଗିରେ ନିଆଁ ଲାଗିଥିବାର ଜଣାପଡିଛି।ଖବର ପାଇ ନିଆଁଲିଭାଇବାକୁ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇବାକୁ ଉଦ୍ୟମ ଆରମ୍ଭ କରିଛି।

କେନ୍ଦ୍ରାପଡ଼ା,୩୦ା୧୨(ଏସଏସନିଉଜ) ଅଜଣାଗାଡ଼ି ଧକ୍କାରେ ଅଟୋଚାଳକ ସମେତ ୩ଜଣଙ୍କର ମୃତ୍ୟୁଘଟିଛି ।ସଦରଥାନା ଚାନ୍ଦବାଲିରାସ୍ତା ଜାମଧର ନିକଟରେ ଏହି ମର୍ମନ୍ତୁଦଦୁର୍ଘଟଣା ଘଟିଛି ।କଟକରୁ ଚାନ୍ଦବାଲି ଆସୁଥିବା ବେଳେ ଅଜଣା ଗାଡ଼ି ଧକ୍କା ଦେଇଥିଲା ।୩ ମୃତକଙ୍କ ପରିଚୟ ମିଳିପାରିନଥିବାବେଳେ ସଦରଥାନା ପୋଲିସ ପହଂଚି ତଦନ୍ତ ଆରମ୍ଭ କରିଛି ।