ଅପରାଧ

ପୁରୀ,୧୧/୯(ଏସ ଏସ ନିଉଜ) ଲଜ୍‌ରୁ ଯୁବତୀଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି।କୁମ୍ଭାରପଡ଼ା ଥାନା ବଡ଼ଛକ ସ୍ଥିତ ଲଜ୍‌ରୁ ମୃତଦେହ ଉଦ୍ଧାର ହିଇଛି ମୃତଦେହ ନିକଟରୁ ସୁଇସାଇଡ୍ ନୋଟ୍ ଜବତ ସୂଚନା ମିଳିଛି।ମୃତକ ୨୨ ବର୍ଷୀୟ ଯୁବତୀ ଓ ସେ ଭୁବନେଶ୍ୱରରୁ ପୁରୀ ଆସିଥିଲେ।

ରାଉରକେଲା,୧୧/୯(ଏସଏସ ନିଉଜ)ରାଉରକେଲାରୁ ୧୬ ଲକ୍ଷ ୧୧ ହଜାର ଟଙ୍କାର ନକଲି ନୋଟ ଜବତ ହୋଇଛି ।ରାଉରକେଲାର ସେର ୧୫ ଥାନା ଅଞ୍ଚଳରୁ ନକଲି ନୋଟ୍ ଜବତ ହୋଇଛି।ରାଉରକେଲା ପୋଲିସ୍ ସହାୟତାରେ ଜବତ କରିଛି ଏସ୍ଟିଏଫ୍ ।ଜାଲ ନୋଟ୍ କାରବାରରେ ସଂପୃକ୍ତ ସେକ୍ ଅହମ୍ମଦ ନାମକ ଜଣେ ଗିରଫ ହୋଉଛି।ଗୋଟିଏ ଲାପ୍ଟପ୍ , ଗୋଟିଏ କଲର ପ୍ରିଣ୍ଟର ଓ ଅନ୍ୟ ସରଞ୍ଜାମ ଜବତ ହୋଇଛି।

  ଦିଗପହଣ୍ଡି,୧୧/୯(ଏସ ଏସ ନିଉଜ) ଭୀଷ୍ମଗିରି କଲେଜ ନିକଟରେ ଘରେ ପଶି ବୃଦ୍ଧାଙ୍କୁ ଲୁଟ୍ କରି ହତ୍ୟା କରାଯାଇଛି। ବିଳମ୍ବିତ ରାତିରେ ୭୦ ବର୍ଷୀୟା ବୃଦ୍ଧାଙ୍କୁ ହତ୍ୟା କରି ସୁନା ଓ ଟଙ୍କା ଲୁଟ୍ କରାଯାଇଛି।ଖବର ପାଇ ଘଟଣାସ୍ଥଳରେ ପୋଲିସ୍ ପହଞ୍ଚି ତଦନ୍ତ ଆରମ୍ଭ କରିଛି।

ଭୁବନେଶ୍ୱର,୧୦/୯(ଏସଏସ ନିଉଜ)ବଣାଇ ନିକଟ ବାଙ୍କୀ ରେଞ୍ଜର ଏକ ଟୁଙ୍ଗୁରୀଜଙ୍ଗଲରୁ ହାତୀର ମୃତଦେହ ଠାବ ହୋଇଛି ।ଖବରପାଇ ଘଟଣା ସ୍ଥଳରେ ବନକର୍ମଚାରୀ ମାନେ ପହଂଚି ତଦନ୍ତ ଆରମ୍ଭ କରିଛନ୍ତି।ହାତୀ ମୃତ୍ୟୁର କାରଣ ଅସ୍ପଷ୍ଟ ରହିଛି।

କେନ୍ଦୁଝର,୧୦/୯(ଏସଏସ ନିଉଜ) ମିରିଗିଖୋଜା ଗାଁରେ ୨୨ ଟିକିଆ ହାତୀପଲଙ୍କ ଉତ୍ପାତ ଦେଖାଦେଇଛି।ଗାଁରେପଶି ଘର ଭାଙ୍ଗିବା ସହ ବ୍ୟାପକ ଫସଲ ନଷ୍ଟ କରିଛନ୍ତି।ଖବର ପାଇ ବନବିଭାଗର ୪ଟି ସ୍କାର୍ଡ ହାତୀପଲଙ୍କ ଉପରେ ନଜର ରଖିଥିବା ସୂଚନା ମିଳିଛି।

ଭୁବନେଶ୍ୱର,୧୦/୯(ଏସଏସ ନିଉଜ)କାଲିମେଳା ବ୍ଲକ କୁଟୁମପାଲି ଡଙ୍ଗାଘାଟରେ ଭାରସାମ୍ୟ ହରାଇ ବୁଡିଗଲା ଦଙ୍ଗା ।୧୪ ଜଣଙ୍କୁ ନେଇ ଭରା ନଈ ପାର୍ ହେଉଥିବା ବେଳେ ଘଟିଥିଲା ଅଘଟଣ।୧୩ ଜଣଙ୍କୁ ଉଦ୍ଧାର କଲେ ଏମଭି-୭୯ ଥାନା ପୋଲିସ୍ ଓ ଦମକଳ ବାହିନୀ।ନିଖୋଜ କନିଷ୍ଠ ଯନ୍ତ୍ରୀ କୈଳାସ ଶାହାଙ୍କୁ ଖୋଜାଖୋଜି ଜାରି ରହିଛି ।

ଭୁବନେଶ୍ୱର,୧୦/୯(ଏସଏସ ନିଉଜ)ପାର୍ବଣ ଋତୁରେ ରାଜଧାନୀରେ ଗଡ଼ିଛି ମୁଣ୍ଡ । ୟୁନିଟ୍-୮ ଅଞ୍ଚଳରେ ଯୁବକକୁ ପିଟିପିଟି ହତ୍ୟା କରାଯାଇ ଥିବାର ଅଭିଯୋଗ ହୋଇଛି। ଯୁବକଙ୍କ ନାମ ସୁବ୍ରତ ରାଓ ଓରଫ ଚନ୍ଦୁ । ମୁଣ୍ଡର ପଛ ଭାଗକୁ ଧାରୁଆ ଅସ୍ତ୍ରରେ ଆକ୍ରମଣ ଯୋଗୁ ମୃତୁ ଘଟିଛି। ଚିକିତ୍ସା ପାଇଁ କ୍ୟାପିଟାଲ ହସ୍ପିଟାଲକୁ ନିଆଯାଇ ଥିବାବେଳେ ଡାକ୍ତର ମୃତ ଘୋଷଣା କରିଥିଲେ। ପୋଲିସ ପହଁଚି ତଦନ୍ତ ଆରମ୍ଭ କରିଛି।

ଭଦ୍ରକ,୧୦/୯(ଏସ ଏସ ନିଉଜ) ଆଇଟିଆଇରେ ପଢୁ ଥିବା ତିହିଡ଼ି ନନ୍ଦପୁରରେ ଜଣେ ଛାତ୍ର ବିଷପାନ କରିଛନ୍ତି। ଗତକାଲି କଲେଜରୁ ଫେରି ଘରେ ବିଷ ପିଇଥିବା ସୂଚନା ମିଳିଛି। ତାଙ୍କୁ ପ୍ରଥମେ ତିହିଡ଼ି ଓ ପରେ କଟକ ବଡ଼ମେଡିକାଲକୁ ସ୍ଥାନାନ୍ତର କରାଯାଇଛି। ତିହିଡ଼ିର ଏକ ଘରୋଇ ଆଇଟିଆଇ କଲେଜରେ ପଢୁଥିଲେ। ତେବେ ବିଷପାନର କାରଣ ଅସ୍ପଷ୍ଟ ରହିଛି।