ଅପରାଧ

କୋଣାର୍କ,୧୮/୮(ଏସ ଏସ ନିଉଜ) ବନ୍ୟାରେ ଉଛୁଳୁଥିବା ଭରା ନଈକୁ ଡେଇଁପଡିଲେ ଯୁବତୀ ।ନିମାପଡ଼ା ନିକଟ କୁଶଭଦ୍ରା ନଦୀ ପୋଲରୁ ଡେଇଁଲେ ଯୁବତୀ।ନିଖୋଜ ଯୁବତୀଙ୍କୁ ଉଦ୍ଧାର ପାଇଁ ଅଗ୍ନିଶମ କର୍ମଚାରୀଙ୍କ ଉଦ୍ୟମ ଆରମ୍ଭ କରିଛି ।ସଂପୃକ୍ତ ଯୁବତୀ ନିକଟ ସର୍ଦ୍ଦାପଡ଼ା ଗାଁର ହୋଇଥିବା ସୂଚନା ମିଳିଛି ।

ଭୁବନେଶ୍ୱର,୧୮/୮(ଏସଏସନିଉଜ) ଅଘୋଷିତ ବିଦ୍ୟୁତ କାଟକୁ ନେଇ ତାତିଛନ୍ତି ବଡ଼ଗଡ଼ ଥାନା ଚାକୁଣ୍ଡା ଗ୍ରାମବାସୀ ।ବିଦ୍ୟୁତ ଚୋରି ରୋକିବା ଓ ବିଲ ସଂଗ୍ରହ କରିବାକୁ ଆସିଥିବା ୧୦ କର୍ମଚାରୀଙ୍କୁ ଅଟକ ରଖିଛନ୍ତି ।୨୦ ବର୍ଷର ପୁରୁଣା ୧୦୦କେଭି ଟ୍ରାନ୍ସଫରମର ବଦଳରେ ନୂଆ ଟ୍ରାନ୍ସଫରମର ବସାଇବାକୁ ଦାବି କରିଛନ୍ତି ।

ଆଠଗଡ,୧୮/୮(ଏସଏସନିଉଜ) ୫ ଜଣ ଶିଶୁ ଗାଧୋଇ ଯାଇଥିବାବେଳେ ବନ୍ୟାରେ ଭାସି ଯାଇଛିନ୍ତି ।ସେମାନଙ୍କ ମଧ୍ୟରୁ ୪ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିବାବେଳେ ଜଣଙ୍କର ମୃତ୍ୟୁ ଘଟିଛି । ବ୍ରାହ୍ମଣ ବସ୍ତ ଗ୍ରାମର ୫ ଜଣ ପିଲା ବିଷ୍ଣୁପୁର ଜୋରକୁ ଗାଧୋଇଯାଇଥିବାବେଳେ ଏହି ଅଘଟଣ ଘଟିଥିଲା ।ଉଦ୍ଧାର ପରେ ଜଣେ ନାବାଳକର ଅବସ୍ଥା ଗୁରୁତର ହୋଇପଡିବାରୁ ତାକୁ ଲୋକମାନେ ମଧୁପୁର ମେଢିକାଲରେ ଭର୍ତ୍ତି କରିଥିଲେ । ତେବେ ଡାକ୍ତର ସେଠାରେ ନାବାଳକୁ ମୃତ ବୋଲି ଘୋଷଣା କରିଥିଲେ ।

ନୀଳଗିରି, ୧୮/୮(ଏସଏସନିଉଜ)ବର୍ଷାପାଣି ଭର୍ତ୍ତି ଗାତରେ ପଡ଼ି ୫ ବର୍ଷର ଶିଶୁପୁତ୍ର ମୃତ୍ୟୁବରଣ କରିଛି । ବେଗୁନିଆ ଗାଁରେ ନିର୍ମାଣାଧୀନ ଜଳ ପ୍ରକଳ୍ପ ଗାତରେ ପଡ଼ି ମୃତ୍ୟୁହୋଇଛି । ଖୋଳାଯାଇଥିବା ଗାତ ପୋତାଯାଇ ନଥିବା ଅଭିଯୋଗ ହୋଇଛି । ବର୍ଷାପାଣି ଭର୍ତ୍ତି ହୋଇଥିବାରୁ ପିଲାଟି ଜାଣିପାରିନଥିଲା ।ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚାପା ଉତ୍ତେଜନା ଦେଖାଦେଇଛି ।

ଢେଙ୍କାନାଳ, ୧୮/୮(ଏସଏସନିଉଜ) ଢେଙ୍କାନାଳ ହସ୍ପିଟାଲ ଛାତରୁ ଡେଇଁ ଜଣେ ରୋଗୀ ମୃତ୍ୟୁବରଣ କରିଛି । ଜିଲ୍ଲା ମୁଖ୍ୟ ଚିକିତ୍ସାଳୟ ୪ ମହଲା ଛାତରୁ ଡେଇଁ ମୃତ୍ୟୁବରଣ କରିଥିବା ରୋଗୀ ହେଉଛନ୍ତି ପର୍ଜଙ୍ଗ ଅଞ୍ଚଳର ଦୁର‌୍ୟ୍ୟୋଧନ ନାୟକ । ଗତକାଲି ଉଚ୍ଚ ରକ୍ତଚାପ ଯୋଗୁଁ ଅସୁସ୍ଥ ହୋଇ ଭର୍ତ୍ତି ହୋଇଥିଲେ ।  

ନରସିଂହପୁର, ୧୮/୮(ଏସଏସନିଉଜ) ନରସିଂହପୁରରେ ଆଉ ଏକ ଦନ୍ତାହାତୀକୁ ଗୁଳିମାଡ଼ ହୋଇଛି ।ଚତରାପଦା ଜଙ୍ଗଲରେ ବୁଲୁଛି ଗୁଳିବିଦ୍ଧ ଦନ୍ତା ।ଦନ୍ତା ଦେହରେ ୩ଟି ଗୁଳି ବାଜିଥିବା ସ୍ଥାନୀୟ ଲୋକଙ୍କଠାରୁ  ସୂଚନାମିଳିଛି ।ଖବର ପାଇ ଘଟଣାସ୍ଥଳରେ ପହଞ୍ଚିଛି ବନବିଭାଗ ।