ଓଡ଼ିଶା

ବଲାଙ୍ଗିର,୧୨।୧(ଏସଏସନିଉଜ) ମନ୍ତ୍ରୀ ଟୁକୁନୀ ସାହୁଙ୍କ କାର୍‌ ଦୁର୍ଘଟଣାଗ୍ରସ୍ତ ହୋଇଛି।ବଲାଙ୍ଗିରରୁ ଫେରିଲା ବେଳେ ବଡ଼ମାଲ ଫପ୍ସି ଛକରେ ଦୁର୍ଘଟଣା ଘଟିଥିଲା।ମନ୍ତ୍ରୀଙ୍କ କାର୍‌କୁ ଧକ୍କା ଦେଇଥିଲା ଏକ ମାଲବାହୀ ଭ୍ୟାନ୍‌।ମନ୍ତ୍ରୀଙ୍କ କାର କ୍ଷତିଗ୍ରସ୍ତ ହୋଇଥିବାବେଳେ ମନ୍ତ୍ରୀ ସୁରକ୍ଷିତ ଥିବା ସୂଚନା ମିଳିଛି।

ଆନନ୍ଦପୁର,୧୨।୧(ଏସଏସନିଉଜ) ରାସ୍ତା ଡିଭାଇଡରରେ ପିଟି ହୋଇ ଓଲଟିପଡିଲା କାର୍‌।କାର୍‌ରେ ଥିବା ଜଣେ ମୃତ ଓ ଅନ୍ୟଜଣେ ଗୁରୁତର ଆହତ ହୋଇ ଚିକିତ୍ସା ପାଇଁ କଟକ ବଡ ମେଡିକାଲକୁ ସ୍ଥାନାନ୍ତର ହୋଇଛନ୍ତି।ହସନପୁର ଟୋଲ୍‌ ଗେଟ୍‌ ନିକଟ ଡିଭାଇଡରରେ ପିଟି ହୋଇଯାଇଥିଲା।ମୃତକ ସ୍ଥାନୀୟ ଘଟଗାଁ ଅଞ୍ଚଳର ହୋଇଥିବାବେଳେ ପାରାଦୀପ ରୁ ଫେରୁଥିବାବେଳେ ଦୁର୍ଘଟଣାଗ୍ରସ୍ତ ହୋଇଥିଲା।

ମାଲକାନଗିରି,୧୦।୧(ଏସଏସନିଉଜ)ମାଲକାନଗିରି ଏସ୍‌ପିଙ୍କ ନିକଟରେ ଜଣେ ମହିଳା ମାଓବାଦୀ ଆତ୍ମସମର୍ପଣ କରିଥିବାର ଜଣାପଡିଛି।ମାଓବାଦୀ ଉଙ୍ଗି ମାଡ୍‌ଭି , ଓଡ଼ିଶା ଓ ଛତିଶଗଡ଼ରେ ବହୁ ହିଂସାରେ ଜଡ଼ିତ ଥିବାବେଳେ ଉଙ୍ଗି ନାଁରେ ଉଭୟ ରାଜ୍ୟର ବିଭିନ୍ନ ଥାନାରେ ୪୮ଟି ମାମଲା ରହିଛି।ଉଙ୍ଗିକୁ ଧରାଇ ଦେବା ଲାଗି ଲକ୍ଷେ ଟଙ୍କା ପୁରସ୍କାର ଘୋଷଣା ମଧ୍ୟ ହୋଇଥିଲା।

ସୁନ୍ଦରଗଡ଼,୧୦।୧(ଏସଏସନିଉଜ)ଜଙ୍ଗଲରୁ ନାବାଳିକାଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି।ଦୁଷ୍କର୍ମ ପରେ ନାବାଳିକାଙ୍କୁ ମାରି ଗଛରେ ଟାଙ୍ଗି ଦେଇଥିବା ସନ୍ଦେହ କରାଯାଉଛି।ଜଣେ ଅଭିଯୁକ୍ତକୁ ଅଟକ ରଖି ବଡ଼ଗାଁ ଥାନା ପୋଲିସର ଜେରା ଆରମ୍ଭ କରିଛି।କାଲିଠୁ ନିଖୋଜ ନେଇ ଥାନାରେ ଅଭିଯୋଗ କରିଥିଲେ ପରିବାର ଲୋକ।