Browsing monthly archive
ଖଲ୍ଲିକୋଟ, ୧୫/୭(ଏସଏସନିଉଜ)ଚଳନ୍ତା ଟ୍ରେନରେ ଛୁରି ଭୁସି ଜଣକୁ ହତ୍ୟା କରାଯାଇଥିବାର ଅଭିଯୋଗ ହୋଇଛି ।ଅଭିଯୁକ୍ତକୁ ଧରି ଗଂଜାମ ପୋଲିସ ଜିମା ଦେଲା ଆର୍ପିଏଫ୍ ।ଉଭୟ ମୃତକ ଓ ଅଭିଯୁକ୍ତର ଘର ପଶ୍ଚିମବଙ୍ଗ ହୋଇଥିବା ସୂଚନା ମିଳିଛି ।ଚେନ୍ନାଇ-ହାୱଡ଼ା ଏକ୍ସପ୍ରେସରେ ଗଲା ବେଳେ ଉଭୟଙ୍କ ବଚସା ହୋଇଥିଲା । ବଚସା ଉଗ୍ରରୂପ ନେବା ସହ ଜଣେ ଅନ୍ୟ ଜଣଙ୍କୁ ଛୁରିରେ ଭୁସି ଦେଇଥିବାର ଜଣାପଡିଛି ।
ରେଢ଼ାଖୋଲ,୧୫/୭(ଏସଏସନିଉଜ) ଭାରସାମ୍ୟ ହରାଇ ଓଲଟିଲା ଏସିଡ୍ ଭର୍ତ୍ତି ଟ୍ୟାଙ୍କର ।ଏନଏଚ-୫୫ର ତାରିଣୀ ଢାବା ନିକଟରେ ଭାରସାମ୍ୟ ହରାଇ ଓଲଟିପଡିଲା ଟ୍ୟାଙ୍କର ।ଅଘଟଣ ଆଶଙ୍କାରେ ଘଟଣାସ୍ଥଳରେ ପୋଲିସ ଓ ଅଗ୍ନିଶମ ବାହିନୀ ।ଅନୁଗୁଳରୁ ସଲ୍ଫ୍ୟୁରିକ୍ ଏସିଡ୍ ନେଇ ଛତିଶଗଡ଼ ରାୟପୁର ଯାଉଥିବାବେଳେ ଏହି ଅଘଟଣ ଘଟିଛି ।
ମାଲକାନଗିରି,୧୫/୭(ଏସ ଏସ ନିଉଜ) ୩୬ ବର୍ଷର ପୁରୁଣା ରେକର୍ଡ ଭାଙ୍ଗିଛି ଗୋଦାବରୀ ।ବିପଦ ସଂକେତଠାରୁ ବହୁ ଉପରେ ପ୍ରବାହିତ ହେଉଛି ଗୋଦାବରୀ ।ଯାହାଫଳରେ ତଳିଆ ଅଞ୍ଚଳ ଲୋକେ ଭୟଭୀତ ହୋଇଯାଇଛନ୍ତି । ଗୋଦାବରୀ ବଢ଼ୁଥିବାରୁ ମାଲକାନଗିରିର ୬ଟି ପଞ୍ଚାୟତ ପ୍ରଭାବିତ ହୋଇଥିବାର ଜଣାପଡିଛି ।
ଢେଙ୍କାନାଳ,୧୫/୭(ଏସ ଏସ ନିଉଜ)ସ୍ତ୍ରୀର ମୁଣ୍ଡ କାଟିବା ପରେ ସେହି କଟା ମୁଣ୍ଡକୁ ଧରି ୧୨ କିମି ଚାଲିଲା ସ୍ଵାମୀ ।କହିଲେ ପରକୀୟା ପ୍ରୀତି ଯୋଗୁଁ “ପରିସ୍ଥିତି ମୋତେ ବାଧ୍ୟ କଲା ନହେଲେ ମୁଁ ହାଣିବା ଲୋକ ନୁହେଁ ।ଆଉ କଣ କରିଥାନ୍ତା ଆଜ୍ଞା, ସ୍ତ୍ରୀର ପରକୀୟା ପ୍ରୀତି ଓ ମୋ ପୁଅ-ବୋହୂଙ୍କର ଅତ୍ୟାଚାର ମୋତେ ଏମିତି କରିବା ପାଇଁ ବାଧ୍ୟ କଲା । ମୁଁ ମୂଲ ଲାଗି ଗୋଟିଏ ପୁଅକୁ ଆର୍ମିରେ ଆଉ ଗୋଟିଏ ପୁଅକୁ କମ୍ପାନୀରେ […]
ଗଞ୍ଜାମ,୧୫/୭(ଏସ ଏସ ନିଉଜ)ଗଳିତ ଦନ୍ତା ହାତୀର ଦାନ୍ତ ଜବତହେବାସହ ଏହିଘଟଣାରେ ୩ ଜଣଙ୍କୁ ଗିରଫ କଲା ବନ ବିଭାଗ ।ଗଞ୍ଜାମ ଜିଲ୍ଲା ଉତ୍ତର ଘୁମୁସର ବନଖଣ୍ଡ ଅଧୀନ କାନବିନ୍ଧା ସଂରକ୍ଷିତ ଜଙ୍ଗଲ ଭିତରେ ହୋଇଥିଲା ଠାବ ।ଏ ନେଇ ଉତ୍ତର ଘୁମୁସର ବନଖଣ୍ଡ ଡିଏଫ୍ଓ ସୁଦର୍ଶନ ବେହେରା ଦେଲେ ସୂଚନା ।
ଆଠଗଡ଼,୧୫/୭(ଏସ ଏସ ନିଉଜ) ଧବଳେଶ୍ୱର ପୀଠକୁ କାଉଡ଼ିଆ ବାହୁଙ୍ଗି ଆଣିବା ବାରଣ ହୋଇଛି ।ପୀଠ ଭିତରକୁ ବାହୁଙ୍ଗି ଆଣିବାକୁ ବାରଣ କରିଛନ୍ତି ଆଠଗଡ଼ ଉପ ଜିଲ୍ଲାପାଳ। ସେ କହିଛନ୍ତି ଝୁଲାପୋଲ ପର୍ଯ୍ୟନ୍ତ କାଉଡ଼ିଆ ବାହୁଙ୍ଗି ଆଣିବେ ଓ ସେଠାରେ ରଖିବେ। ଝୁଲାପୋଲ ଦେଇ କେବଳ ପାଣି କଳସ ଓ ଭୋଗ ନେଇ ଶ୍ରଦ୍ଧାଳୁ ଯିବେ ବୋଲି କହିଛନ୍ତି ।
ଜୟପୁର,୧୫/୭(ଏସ ଏସ ନିଉଜ)ପାରାବେଡ଼ାରେ ଘରେ ବର୍ଷା ପାଣି ପଶିବା ନେଇ କାର୍ଯ୍ୟାନୁଷ୍ଠାନ ଗ୍ରହଣ କରିଛି ପୌର ପରିଷଦ ।ରିଏଲ ଇଷ୍ଟେଟ ମାଲିକ କେ. ଲକ୍ଷ୍ମଣ ପ୍ରସାଦଙ୍କୁ ପୌର ପରିଷଦର ନୋଟିସ କରାଯାଇ ୩ ଦିନ ଭିତରେ ଜବରଦଖଲ ନହଟାଇଲେ ଉଚ୍ଛେଦ ପାଇଁ ଚେତାବନୀ ଦିଆଯାଇଛି ।ଏହାସହ ଜବରଦଖଲ ଉଚ୍ଛେଦ ସହ ଆଇନ ଅନୁସାରେ କାର୍ଯ୍ୟାନୁଷ୍ଠାନ ଚେତାବନୀ ମଧ୍ୟ ଦିଆଯାଇଛି ।
ବାଲିଗୁଡ଼ା,୧୫/୭(ଏସ ଏସ ନିଉଜ)ରାଇକିଆ ଥାନା ଡଡିଙ୍ଗିଆ ରାସ୍ତାକଡ଼ରୁ ରକ୍ତାକ୍ତ ଅବସ୍ଥାରେ ଯୁବତୀଙ୍କ ମୃତଦେହ ଉଦ୍ଧାର ହୋଇଛି ।ଯୁବତୀଙ୍କୁ ହତ୍ୟା କରି କେହି ଫିଙ୍ଗି ଦେଇଥିବା ସନ୍ଦେହ କରାଯାଉଛି ।ପୋଲିସ ତଦନ୍ତ ଆରମ୍ଭ କରିଛି ।
ଆନନ୍ଦପୁର,୧୫/୭(ଏସ ଏସ ନିଉଜ) ରାମଚନ୍ଦ୍ରପୁର ଥାନା ଖଲଣା ଗାଁରେ ଗୁଳିମାଡ଼ ହୋଇଛି । ଗୁଳିମାଡ଼ରେ ଘଟଣାସ୍ଥଳରେ ଖଲଣା ଗାଁର ସୁଶାନ୍ତ ସେଠୀଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର, କେନ୍ଦୁଝର ସ୍ଥାନାନ୍ତର ହୋଇଛି ।କେଉଁ କାରଣ ପାଇଁ ଓ କିଏ ଅଭିମନ୍ୟୁଙ୍କୁ ହତ୍ୟା କଲା ଅସ୍ପଷ୍ଟ ରହିଛି ।
ସମ୍ବଲପୁର ,୧୫/୭(ଏସଏସନିଉଜ) ପୁଣି ଆଜି ସମ୍ବଲପୁର ବିଶ୍ୱବିଦ୍ୟାଳୟରେ ପ୍ରଶ୍ନପତ୍ର ଲିକ୍ ହେବା କାରଣରୁ ପରୀକ୍ଷା ବାତିଲ୍ ନେଇ ନିରୀକ୍ଷକଙ୍କ ସୂଚନା ଦେଇଛନ୍ତି । ଯୁକ୍ତ ୩ ଶେଷ ବର୍ଷ ଫିଜିକ୍ସ ଅନର୍ସ ପ୍ରଶ୍ନପତ୍ର ଲିକ୍ ହୋଇଥିବା ଘଟଣାକୁ ପରୀକ୍ଷା ନିୟନ୍ତ୍ରକ ମାନିବାସହ ଭାଇରାଲ ହୋଇଥିବା ପ୍ରଶ୍ନପତ୍ର ଅରିଜନାଲ ବୋଲି କହିଛନ୍ତି ।ଏଥିପାଇଁ ଆଜି ଦିନ ୧୦ଟାରେ ହେବାକୁ ଥିବା ଫିଜିକ୍ସ ପରୀକ୍ଷା ବାତିଲ କରାଯାଇଥିବାବେଳେ କେବେ ପୁଣି ପରୀକ୍ଷା ହେବ ଜଣାଇ ଦିଆଯିବ ବୋଲି କହିଛନ୍ତି ।