April 2023

ସୋର,୨ା୪(ଏସଏସନିଉଜ)ଗୋରୁଚାଳଣ ପାଇଁ ନୁଆନୁଆ ତରିକାକୁ ଆପଣାଯାଉଛି ।ଏଥର ସ୍କର୍ପିଓରେ ଗୋରୁଚୋରାଚାଳଣ ହେଉଛି ।ଯାହାର ଜ୍ୱଳନ୍ତ ଉଦାହରଣ ସୋର ଅଂଚଳରେ ଦେଖିବାକୁ ମିଳିଛି । ଗୋରୁଚାଲାଣ ବେଳେ ନାୟକବନ୍ଧଛକରେ ଡିଭାଇଡରକୁ ପିଟିହୋଇ ଓଲଟିପଡିଛି ଏକ ସ୍କର୍ପିଓ । ସ୍କର୍ପିଓ ଭିତର ସିଟଖୋଲି ୪ଟିଗୋରୁ ଚାଲାଣ କରୁଥିଲେ । ଦୁର୍ଘଟଣାପରେ ସ୍କର୍ପିଓ ଛାଡ଼ି ଚମ୍ପଟ୍ ମାରିଛନ୍ତି ଚାଳକ ।

ଭୁବନେଶ୍ୱର,୨ା୪(ଏସଏସନିଉଜ) କଂଗ୍ରେସନେତା ରାହୁଲଗାନ୍ଧୀ ଡପରକୋର୍ଟରେ ଆବେଦନ କରିବେ।ସୋମବାରଦିନ ସୁରଟ ଜିଲ୍ଲା ଏବଂ ଅଷ୍ଟମ ଲାଇନରେ ଅବସ୍ଥିତ ସେସନ୍ କୋର୍ଟରେ ପହଞ୍ଚି ଆବେଦନ କରିବେ ।ମାର୍ଚ୍ଚ୨୩ରେ ସୁରଟର ସିଜେଏମ୍ କୋର୍ଟ ରାହୁଲଗାନ୍ଧୀଙ୍କୁ ବଦନାମ ମାମଲାରେ ଦୋଷୀସାବ୍ୟସ୍ତ କରି ଦୁଇବର୍ଷ କାରାଦଣ୍ଡରେ ଦଣ୍ଡିତ କରିଛନ୍ତି। ଏହା ପରେ ପରଦିନ ରାହୁଲ ଗାନ୍ଧୀଙ୍କ ଲୋକସଭାର ସଦସ୍ୟତା ରଦ୍ଦ ହୋଇଯାଇଥିଲା। ଏହା ପରେ ରାହୁଲ ଗାନ୍ଧୀଙ୍କୁ ୧୨ ତୁଗଲକ୍ ଲେନ୍ ରେ ଥିବା ସରକାରୀ ବାସଭବନ ଖାଲି କରିବାକୁ ନୋଟିସ୍ ମଧ୍ୟ ମିଳିଥିଲା। […]

ଭୁବନେଶ୍ୱର, ୨ା୪(ଏସଏସନିଉଜ) ବରଗଡ଼ ଫରେଷ୍ଟ ଡିଭିଜନ ସହାୟତାରେ ଏକ ବଜ୍ରକାପ୍ତାକୁ ଉଦ୍ଧାର କରିବା ସହିତ ଜଣଙ୍କୁ ଗିରଫ କରିଛି ଏସଟିଏଫ୍ ଟିମ୍ । ଗତକାଲି ସନ୍ଧ୍ୟାରେ ବରଗଡ଼ ଜିଲ୍ଲାର ପଦ୍ମପୁର ଥାନା ଅଧୀନରେ ଥିବା ବିଜାଡିହି ଛକରେ ଏସଟିଏଫ୍ ଟିମ୍ ବରଗଡ଼ ବନ ବିଭାଗର ବନ ଅଧିକାରୀଙ୍କ ସହାୟତାରେ ଚଢ଼ାଉ କରି ୧୨କିଲୋଗ୍ରାମ ଓଜନର ଜୀବନ୍ତ ବଜ୍ରକାପ୍ତାକୁ ଜବତ କରି ଅଭିଯୁକ୍ତ ମହାଦେବ ମୁଖଟିଆକୁ ଗିରଫ କରିଥିଲେ ।  

ସୁବର୍ଣ୍ଣପୁର.୨ା୪(ଏସଏସନିଉଜ)ଡୁଙ୍ଗୁରିପାଲି ଚିନାଜୁରୀଗାଁରେ ନିଶାସକ୍ତ ପୁଅ ବିକ୍ରମ ମେହେର ବାପା ଗଙ୍ଗାଜଳ ମେହେରଙ୍କୁ ଗୁଳି କରିଛନ୍ତି । ବାପା ଗୁରୁତର ଅବସ୍ଥାରେ ବୁର୍ଲାକୁ ସ୍ଥାନାନ୍ତର କରାଯାଇଛି। ବିକ୍ରମ ଓ ତାଙ୍କ ପତ୍ନୀଙ୍କ ମଧ୍ୟରେ କଳହ ଆରମ୍ଭ ହୋଇ ବିକ୍ରମ ତାଙ୍କ ପତ୍ନୀଙ୍କୁ ଗୁଳି କରି ଦେବେ ବୋଲି ଧମକ ଦେଇଥିଲେ। ଏହି ସମୟରେ ଗଙ୍ଗାଜଳ ମେହେର ତାଙ୍କୁ ଗୁଳି କରିବା ଲାଗି କହିଥିଲେ। ଏହାପରେ ନିଶାସକ୍ତ ବିକ୍ରମ ଉତ୍ତେଜିତ ହୋଇ ତାଙ୍କ ବାପାଙ୍କୁ ଗୁଳି କରି ଦେଇଥିଲେ।

ଭଦ୍ରକ. ୨ା୪(ଏସଏସନିଉଜ) ଗତକାଲି ରାତିରେ ଟ୍ରକ୍‌କୁ ଏକ ଯାତ୍ରୀବାହୀ ବସ୍ ଧକ୍କା ଦେବାରୁ ୭ ଜଣ ଆହତ ହୋଇଥିବା ଜଣାପଡିଛି। ଆହତମାନଙ୍କୁ ଚିକିତ୍ସା ଲାଗି ଭଦ୍ରକ ମେଡିକାଲରେ ଭର୍ତ୍ତି କରାଯାଇଛି। ବସ୍‌ଟି ଭୁବନେଶ୍ୱରରୁ କୋଲକାତା ଯାଉଥିବା ବେଳେ ଜାତୀୟ ରାଜପଥ-୧୬ର ବୀଣାପେଟ୍ରେଲପମ୍ପ ନିକଟରେ ବସ୍‌ଟି ଭାରସାମ୍ୟ ହରାଇ ଏକ ଟ୍ରକ୍‌କୁ ପଛପଟୁ ଧକ୍କା ଦେଇଥିଲା ।ଦୁର୍ଘଟଣାପରେ ଚାଳକ ଓ ହେଲପର ଘଟଣାସ୍ଥାଳରୁ ଫେରାର ହୋଇଯାଇଛନ୍ତି ।ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।