SATYA SANDHANA DESK

ବରଗଡ଼, ୬ା୯(ଏସଏସନିଉଜ)ଭଟଲିଥାନା ଭଡିଗାଁଜୀରା ବ୍ରିଜ୍ ନିକଟରୁ ଜଣେ ଅଚିହ୍ନା ଯୁବତୀର ରକ୍ତାତ ମୃତଦେହକୁ ଠାବ କରିଛି ପୋଲିାସ । ମୃତଦେହ ପଡିଥିବା କିଛି ସ୍ଥାନୀୟ ଲୋକେ ଦେଖିବାପରେ କଥା ପ୍ରଘଟ ହୋଇଥିଲା ଦେଖଣାହାରୀଙ୍କ ଭୀଡ ଲାଗିଥିଲା ।ଏହାସହ ବ୍ରିଜଉପରେ ରକ୍ତ ଏବଂ ଏକ ଧାରୁଆ ଅସ୍ତ୍ର ପଡ଼ିଥିବାର ଦେଖିବାକୁ ମିଳିଥିଲା ।ଯାହାଫଳରେ କେହି ଯୁବତୀଙ୍କୁ ହତ୍ୟାକରି ନଦୀ ତଳେ ଫିଙ୍ଗି ଦେଇଥିବା ଅନୁମାନ କରାଯାଉଛି ।ଅଦ୍ୟାବଧି ମୃତକଙ୍କ ପରିଚୟ ମିଳିପାରିନଥିବାବେଳେ ପୋଲିସ ଓ ସାଇଣ୍ଟିଫିକ୍ ଟିମ୍‌ର ତଦନ୍ତ […]

ମୟୂରଭଞ୍ଜ,୬।୯(ଏସଏସନିଉଜ)ରାସ୍ତା ଉପରୁ ୭୦ ଫୁଟ ତଳକୁ ଖସିପଡିଲା ଯାତ୍ରୀବାହୀ ବସ୍।ଯାହାଫଳରେ ବାସରେ ଥିବା ଯାତ୍ରୀମାନଙ୍କ ମଧ୍ୟରୁ ୭ ଜଣ ଯାତ୍ରୀ ଗୁରୁତର ଆହତ ହୋଇଛନ୍ତି।ମୟୂରଭଞ୍ଜ ଜିଲ୍ଲା ବେତନଟୀଥାନା ଅନ୍ତର୍ଗତ ରାଗଧା କଲେଜଛକ ନିକଟରେ ବୁଧବାର ମଧ୍ୟାହ୍ନରେ ଏହି ଦୀର୍ଘଟଣା ଘଟିଛି।ଯାତ୍ରୀବାହୀ ବସଟି ଯାତ୍ରୀନେଇ ଯାଉଥିବା ବେଳେ ରାସ୍ତାଉପରୁ ପ୍ରାୟ ୭୦ ଫୁଟ ତଳକୁ ଖସିପଡ଼ିଥିଲା।ଆହତ ଯାତ୍ରୀମାନଙ୍କୁ ଚିକିତ୍ସା ପାଇଁ ବାରିପଦାଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରା ଯାଇଛି।

କେନ୍ଦୁଝର,୬।୯(ଏସଏସନିଉଜ)ଗାଧୋଇବା ବେଳେ ନଦୀରେ ଭାସିଯାଇଛନ୍ତି ଜଣେ ନାବାଳିକା।ନାବାଲିକାର ଏଯାଏଁ ମିଳିନି ପତ୍ତା। ଗାଧୋଇବା ବେଳେ ଘଟିଲା ଅଘଟଣ । କେନ୍ଦୁଝରଜିଲ୍ଲା ଘଷିପୁରାଥାନା ଷେଣ୍ଡେଇନଦୀରେ ଏଭଳି ଅଘଟଣ ଘଟିଛି ।ନିଖୋଜ ନାବାଳିକା ସାମୁକନାଣ୍ଡି ଗାଁର ପରିଆ ନାହକଙ୍କ ୯ ବର୍ଷ ବୟସ୍କ ଝିଅ ସସ୍ମିତା ବୋଲି ଜଣାପଡିଛି।

ଗଞ୍ଜାମ,୫ା୯(ଏସଏସନିଉଜ)କବିସୂର୍ଯ୍ୟନଗରଥାନାଅନ୍ତର୍ଗତ ପଙ୍କଳବାଡି ଗ୍ରାମରେ ଦୁଇ ପରିବାର ମଧ୍ୟରେ ଗଣ୍ଡଗୋଳ ଘଟି ଦୁଇ ଦିପୁନ୍ ଭୁୟାଁ ଓ ଲିପୁନ୍ ସ୍ବାଇଁ ନାମରେ ଦୁଇ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ୪ଜଣ ଆହତ ହୋଇଛନ୍ତି ।ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ଆହତବ୍ୟକ୍ତିଙ୍କୁ ଉଦ୍ଧାର କରି ଚିକିସ୍‌ାପାଇଁ ବ୍ରହ୍ମପୁର ବଡ଼ଡ଼ାକ୍ତରଖାନାରେ ନେଇଥିଲାବେଳେ ସେଠାରେ ଦୁଇଜଣଙ୍କର ମୃତ୍ୟୁହୋଇଛି । ଏହିଘଟଣାରେ ପୋଲିସ ଦୁଇଜଣଙ୍କୁ ଅଟକରଖି ପଚରାଉଚରା ଆରମ୍ଭ କରିଛି ।

ଅନୁଗୁଳ,୫ା୯(ଏସଏସନିଉଜ) ସାତକୋସିଆ ଅଭୟାରଣ୍ୟ ନିକଟସ୍ଥ ଜଗନ୍ନାଥପୁରରେ ଏକାଥରକେ ଦୁଇ ହାତୀର ମୃତ୍ୟୁହୋଇଥିବାର ଜଣାପଡିଛି । ମୃତ ହାତୀ ମଧ୍ୟରୁ ଗୋଟିଏ ଦାନ୍ତ ହାତୀ ଏବଂ ଅନ୍ୟଟି ମାଇହାତୀ ରହିଛି । ବିଦ୍ୟୁତ୍ ଆଘାତ ଲାଗି ହାତୀଙ୍କ ମୃତ୍ୟୁ ହୋଇଥିବାର ସନ୍ଦେହ କରାଯାଉଥିବାବେଳେ ଖବରପାଇ ବନବିଭାଗ ଘଟଣାସ୍ଥଳରେ ପହଁଚି ତଦନ୍ତ ଆରମ୍ଭ କରିଛି ।ତେବେ ହାତୀଦୁଇଟି ମରିବାର ପକୃତକାରଣ ଅଦ୍ୟାବଧି ଜଣାପଡିନାହିଁ ।