SATYA SANDHANA DESK

ମାଲକାନଗିରି,୩।୭(ଏସଏସନିଉଜ) ସୁରକ୍ଷା ବାହିନୀଙ୍କ ଗୁଳିରେ ୫ ନକ୍ସଲ ମୃତୁବରଣ କରିଛନ୍ତି। ଛତିଶଗଡ଼- ମହାରାଷ୍ଟ୍ର ସୀମାନ୍ତରେ ନକ୍ସଲ ଓ ସୁରକ୍ଷା ବାହିନୀଙ୍କ ମଧ୍ୟରେବଡ଼ ଧରଣର ଗୁଳିବିନିମୟ ହୋଇଥିଲା। DRG, ITBP, STF ଓ BSF ଯବାନଙ୍କ ପକ୍ଷରୁ ମିଳିତ ଅପରେସନ କରାଯାଇଥିଲା। ଏବେ ପର୍ଯ୍ୟନ୍ତ ଗୁଳିବିନିମୟ ଚାଲିଥିବା ବସ୍ତର ଆଇଜିଙ୍କ ପକ୍ଷରୁ ସୂଚନା ରହିଛି।

ଭୁବନେଶ୍ବର,୩।୭(ଏସଏସନିଉଜ)ଭୁଲ୍ ଇଞ୍ଜେକସନ୍ ଯୋଗୁଁ ନାବାଳକର ମୃତ୍ୟୁ ହୋଇଥିବାର ଅଭିଯୋଗ ଆସିଛି। କଟକ ମଙ୍ଗଳାବାଗ ଥାନା ଅଞ୍ଚଳରେ ଏହିଭଳି ଘଟଣା ଘଟିଛି।ଯାହାକୁ ନେଇ ଏକ ଘରୋଇ ମେଡିକାଲରେ ଉତ୍ତେଜନା ଦେଖାଦେଇଛି। ଏକ ଅପରେସନ ପାଇଁ ୧୪ ବର୍ଷୀୟ ନାବାଳକ ମେଡିକାଲ ଆସିଥିଲେ। ଅପରେସନ୍ ପୂର୍ବରୁ ଇଞ୍ଜେକସନ୍ ଦିଆଯାଇଥିଲା। ଇଞ୍ଜେକସନ୍ ଦିଆଯିବା ପରେ ମୃତ୍ୟୁ ଅଭିଯୋଗ କରିଛନ୍ତି ପରିବାର ଲୋକ।ଏହାପରେ ମୃତଦେହକୁ ପରିବାର ଲୋକ ମେଡିକାଲ ଆଗରେ ରଖି ନ୍ୟାୟ ଦାବି କରିଛନ୍ତି।

ନୟାଗଡ଼,୩।୭(ଏସଏସନିଉଜ) ବିଳମ୍ବିତ ରାତିରେ ଖଣ୍ଡପଡ଼ା ତହସିଲଦାର ଧୋବେଇ ନାୟକଙ୍କ ଘରେ ରେଡ୍‌ ହୋଇଛି। ତହସିଲର ଜଣେ କର୍ମଚାରୀଙ୍କୁ ଗିରଫ ପରେ ଚାଲିଛି ରେଡ୍‌।କିନ୍ତୁ ୨୦ ହଜାର ଟଙ୍କା ଲାଞ୍ଚ ନେବାବେଳେ ତହସିଲ କର୍ମଚାରୀ ଧରାପଡ଼ିଥିଲେ।

ରେଢ଼ାଖୋଲ,୩।୭(ଏସଏସନିଉଜ)ଉଦ୍ଧାର ପରେ ଗାଁରେ ପଶି ଆକ୍ରମଣ କରିଛି ଭାଲୁ।ନାକଟିଦେଉଳ ରେଞ୍ଜ କୁଡ଼ାନାଳି ଗାଁରେ ଭାଲୁଟି ଆକ୍ରମଣ କରିଛି।ଭାଲୁ ଆକ୍ରମଣରେ ଜଣେ ମହିଳା ଗୁରୁତର ହୋଇଥିବା ବେଳେ ୩ ଜଣ ଆହତ ହୋଇଥିବାର ସୂଚନା ମିଳିଛି।ଗାଁର ଏକ ପରିତ୍ୟକ୍ତ କୁଅରୁ ଭାଲୁଟି ପଡିଯାଇଥିଲା।ଖବରପାଇ ବନବିଭାଗ ଭାଲୁକୁ କୂଅରୁ ଉଦ୍ଧାର ପରେ ଭାଲୁଟି ଲୋକଙ୍କୁ ଆକ୍ରମଣ କରିଥିଲା।