ଓଡ଼ିଶା

ବାଲେଶ୍ୱର,୧୨ା୯(ଏସଏସନିଉଜ) ସେରଗଡ଼ ଟୋଲଗେଟ ନିକଟରୁ ୯ରୁ ଅଧିକ ଗୋରୁଙ୍କୁ ଏକ ବସରେ ପୂରାଇ ଭଦ୍ରକରୁ ପଶ୍ଚିମବଙ୍ଗ ଚାଲାଣକରାଯାଉଥିବାବେଳେ ସ୍ଥାନୀୟ ଗୋସୁରକ୍ଷା ବାହିନୀକର୍ମୀମାନଙ୍କ ହାବୁଡରେ ପଡିଛି । ସୋମବାର ବିଳମ୍ବିତ ରାତିରେ ଖବରପାଇ ଗୋସୁରକ୍ଷା ବାହିନୀକର୍ମୀମାନେ ଘଟଣାସ୍ଥଳରେ ପହଁଚିବାସହ ସେରଗଡ଼ ନିକଟରେ ବସଟିକୁ ଧରିବାପରେ ଡ୍ରାଇଭର ଓ ହେଲପର କୈାଶଳକ୍ରମେ ଫେରାର ହୋଇଯାଇଥିଲେ ।ଖବରପାଇ ଖନ୍ତାପଡ଼ା ଥାନା ପୁଲିସ ଘଟଣାସ୍ଥଳରେ ପହଁଚି ଗାଡିଟିକୁ ଜବତକରିଛି ।

ସମ୍ବଲପୁରର,୧୨ା୯(ଏସଏସନଉିଜ) ସମ୍ବଲପୁରରରେ ମହାନଦୀକୁ ଡେଇଁ ନିଖୋଜ ବୃଦ୍ଧଙ୍କୁ ଉଦ୍ଧାର କରିଛି ଅଗ୍ନିଶମ ଟିମ୍ ।ସମ୍ବଲପୁର ଚାଉଁରପୁର ବ୍ରିଜ୍ ଉପରୁ ସମ୍ପୃକ୍ତ ବୃଦ୍ଧ ସେଲ୍‌ଫି ନେବା ବେଳେ ନଦୀକୁ ଖସି ପଡ଼ିଥିଲେ। ବୃଦ୍ଧଜଣଙ୍କ ଗାଡ଼ି ରଖି ସେଲ୍‌ଫି ନେଉଥିବା ବେଳେ ହଠାତ ଗୋଡ଼ ଖସି ଯାଇଥିଲା। ନଦୀକୁ ମୁଁ ଡେଇଁ ନଥିଲି, ସେଲ୍‌ଫି ନେବାବେଳେ ଗୋଡ଼ ଖସି ଯାଇଥିଲା। ବଞ୍ଚିବାର ଆଶା ନଥିଲା ବୋଲି କହିଛନ୍ତି ଉଦ୍ଧାର ହୋଇଥିବା ୬୯ବର୍ଷିୟ ବୃଦ୍ଧ ।  

ନୂଆପଡ଼ା,୧୨ା୯(ଏସଏସନିଉଜ) ୨ ବାଇକ ମୁହାଁମୁହିଁ ଧକ୍କା ହେବାକାରଣରୁ ସ୍ତ୍ରୀ ମୃତ୍ୟୁବରଣ କରିଥିବାବେଳେ ସ୍ବାମୀ ଗୁରୁତର ଆହତ ହୋଇଛନ୍ତି ।ବୋଡେନ୍ ଥାନା ଅନକାପୁର ଗାଁ ନିକଟରେ ୨ବାଇକ ମଧ୍ୟରେ ଧକ୍କା ହୋଇଥିଲା ।ଗୁରୁତର ସ୍ବାମୀଙ୍କୁ ଉଦ୍ଧାର କରି ନୂଆପଡ଼ା ମେଡିକାଲରେ ଭର୍ତ୍ତି କରାଯାଇଛି ।

ବଣାଇ,୧୨ା୯(ଏସଏସନିଉଜ)ଗତକିଛିଦିନହେବ ହାତୀ ଉପଦ୍ରବ ବଢିବାରେ ଲାଗିଛି ।ସାଧାରଣ ଲୋକମାନେ ହାତୀମାନଙ୍କ ଦୈାରତ୍ମ୍ୟ ଯୋଗୁ ନାହିଁନଥିବା ହଇରାଣ ହେଉଛନ୍ତି ।ହାତୀମାନଙ୍କୁ ଘଉଡାଇବା ପାଇଁ ଯାଇଥିବା ବନ କର୍ମଚାରୀମାନଙ୍କୁ ଗ୍ରାମବାସୀମାନେ ମାଡମାରିଥିବାର ଅଭିଯୋଗ ହୋଇଛି । ଲହୁଣିପଡ଼ାଥାନା ବାଙ୍କୀରେଂଜ ପାଲବାହାଲଗାଁର ଏହିଭଳି ଘଟଣା ଘଟିଛି । ହାତୀ ଘଉଡ଼ାଇବାକୁ ଯାଇଥିବା ବେଳେ ବନକର୍ମଚାରୀଙ୍କୁ ଆକ୍ରମଣ କରାଯାଇଥିବାରୁ ଜଣେ ବନକର୍ମଚାରୀ ଆହତ ହୋଇଛନ୍ତି । ବନବିଭାଗ ପକ୍ଷରୁ ଥାନାରେ ଏତଲା ଦିଆଯାଇଥିବାର ଜଣାପଡିଛି ।