ଭୁବନେଶ୍ୱର,୧୨ା୯(ଏସଏସନିଉଜ)ଦେହଖରାପଆଳରେ ଜଣେ ଡାକ୍ତରଙ୍କୁ ଘରକୁଡାକି ଅପହରଣ କରି ୨୫ ଲକ୍ଷ ଟଙ୍କା ମାଗିବା ଅଭିଯୋଗରେ ତମାଣ୍ଡୋ ଥାନାପୋଲିସ ୪ଜଣଙ୍କୁ ଗିରଫକରି ମଙ୍ଗଳବାରଦିନ କୋର୍ଟଚାଳଣ କରିଛିା ସେମାନେହେଲେଲେଡି ଡ଼ନ ଇରାନୀ ପାତ୍ର, ତାଙ୍କ ସ୍ୱାମୀ ନିଶିକାନ୍ତ ପାତ୍ର, ମନୋରଞ୍ଜନ ପ୍ରଧାନ ଓ ଶକ୍ତିକାନ୍ତ ହରିଚନ୍ଦନ ।ପୋଲିସ ସେମାନଙ୍କଠାରୁ ୯ଲକ୍ଷଟଙ୍କାର ଚେକ,୨ମୋବାଇଲଫୋନ,ଛୁରୀ ଓ ନଗଦ୩୦ହଜାରେଟଙ୍କା ଜବତକରିଛି । ଦେହ ଖରାପ ଥିବାର ବାହାନା କରି ଏହି୪ଜଣ ଗତ ୮ତାରିଖରେ ତମାଣ୍ଡୋର ସିଟି ହୋମସର ଡୁପ୍ଲେକ୍ସ ୬୧କୁ ଜଣେ ଡାକ୍ତରକୁ ଡାକିଥିଲେ । ଡାକ୍ତର ଜଣକ ଆସିବାପରେ ତାଙ୍କୁ ଛୁରୀଦେଖାଇ କାରଚାବି, ସୁନାବ୍ରେସଲେଟ ଓ ମୋବାଇଲଫୋନ ନେଇଯିବାସହ ବନ୍ଧକରଖି ୨୫ ଲକ୍ଷଟଙ୍କା ମାଗିଥିଲେ । ଟଙ୍କାନଦେଲେ ମିଛ ମାମଲାରେ ଫସାଇଦେବାକୁ ଧମକଦେଇଥିଲେ । ଡାକ୍ତର ଜଣକ ୧୦ ଲକ୍ଷ ଟଙ୍କା ଦେବାକୁ ରାଜି ହେବାରୁ ଏମାନେ ଅନଲାଇନ ପେମେଂଟ ସିଷ୍ଟମର ପାସୱାର୍ଡ଼ ନେଇଥିଲେ । ତେବେ ଦିନକୁ ମାତ୍ର ୧ ଲକ୍ଷ ଟଙ୍କା ଟ୍ରାନ୍ସଫର ହୋଇଥିବାବେଳେ ଇରାନୀ ଓ ନିଶିକାନ୍ତ ଡାକ୍ତରଙ୍କୁ ନେଇ ତାଙ୍କ ଘରକୁ ଯାଇଥିଲେ ଓ ୯ ଲକ୍ଷ ଟଙ୍କାର ଚେକ ଦେବାକୁ କହିଥିଲେ । ଏବାବଦରେ କାହାକୁ କହିଲେ ମାରିଦେବେ ବୋଲି ଧମକ ଦେଇଥିଲେ ବୋଲି ପୋଲିସ ତଦନ୍ତବେଳେ ଜାଣିବାକୁପାଇଥିଲା ।ପୋଲିସ୨୩୩/୨୩କେଶନଂରେ ଏକ ମକଦ୍ଦମାରୁଜୁକରି ୪ଜଣଙ୍କୁ କୋର୍ଟଚାଳଣ କରିଛି ।
: