ଖୋର୍ଦ୍ଧା,୨୬ା୧(ଏସଏସନିଉଜ) ଆଜି ସକାଳେ ଖମାରସାହିଠାରୁ ମାତ୍ର ଅଢେ଼ଇ କିଲୋମିଟର ଦୂର ଖଣାତ–ଦୀକ୍ଷିତପଡ଼ାଛକ ନିକଟ ଏକ ଅର୍ଦ୍ଧନିର୍ମିତ ଘର ପଛପଟ କୂଅରୁ ଆଶୁତୋଷ ମହାପାତ୍ର ନାମକ ଛାତ୍ରଙ୍କ ମୃତଦେହ ମିଳିଛି। ବାଣପୁରଥାନା ଅନ୍ତର୍ଗତ ଦୀକ୍ଷିତପଡ଼ାର ଆଶୁତୋଷ ୨୩ ତାରିଖରେ କଲେଜକୁ ଯାଇ ଆଉ ଫେରିନଥିଲୋ୫ଲକ୍ଷଟଙ୍କାଦେଲେ ପୁଅକୁ ଜିବିତ ଅବସ୍ଥାରେ ପାଇବାନେଇ ଆଶୁତୋଷଙ୍କ ବାପାଙ୍କ ପାଖକୁ ଅପରାହ୍ନ୪ଟାପାଖାପାଖି ମୋବାଇଲ୍ରେ ମେସେଜ୍ ଆସିଥିଲା।ଏହି ଖବର ପୋଲିସକୁ ଜଣାଇଲେ ପୁଅର ଜୀବନକୁ ହରାଇବେବୋଲି ମଧ୍ୟ ପରବର୍ତିସମୟରେ ମେସେଜ ଆସିଥିଲା । ଆଶୁତୋଷଙ୍କ ପରିବାରପକ୍ଷରୁ ସେହି ରାତିରେ ଥାନାରେ ଅଭିଯୋଗ କରାଯାଇଥିଲା ପୁଲିସ୍କୁ ଜଣାଇଥିବାରୁ ପୁଅକୁ ଫେରିପାଇବେ ନାହିଁ ବୋଲି ପୁଣି ଏକ ମେସେଜ ଆସିଥିଲା ।ଆଜି ସକାଳେ ଆଶୁତୋଷଙ୍କ ମୃତଦେହ ମିଳିଥିଲା ।ପୁଲିସ ଏହି ଘଟଣାରେ ଆଶୁତୋଷଙ୍କ ସାଙ୍ଗ ଆଶୀର୍ବାଦଙ୍କୁ ଗିରଫ କରିଛି। ପ୍ରତିଶୋଧ ଓ ଟଙ୍କା ପାଇଁ ଆଶୀର୍ବାଦ ହତ୍ୟା କରିଥିବା ପୁଲିସ ନିକଟରେ ସ୍ବୀକାର କରିଥିବା ଜଣାପଡ଼ିଛି।