2022

ଚିଲିକା,୨୯/୧୦(ଏସଏସ ନିଉଜ)ସାତପଡ଼ା ଚିଲିକାରେ ଫସିଲା ଯାତ୍ରୀବାହୀ ଡଙ୍ଗା । ଡଙ୍ଗାରେ ଅଛନ୍ତି ୪୦ରୁ ଅଧିକ ଯାତ୍ରୀ ଓ ୧୫ଟି ବାଇକ । ମଝିରେ ଡଙ୍ଗାର ମେସିନ ଖରାପ ହେଇଥିଲା । ମଝି ଚିଲିକାରେ ଅଟକି ରହିଛି ଯାତ୍ରୀବାହୀ ଡଙ୍ଗା । ସାତପଡ଼ାରୁ ଜହ୍ନିକୁଦା ଘାଟ ନିକଟକୁ ଆସୁଥିଲା ଡଙ୍ଗା ।

ଉମରକୋଟ,୨୯/୧୦(ଏସଏସ ନିଉଜ)ଉମରକୋଟରେ ପୁଣି ମଶାଣି ବିବାଦ ଦେଖାଦେଇଛି।ହୋଇପାରୁନି ଶବ ସତ୍କାର । ମୃତକଙ୍କ ପରିବାର ଧର୍ମ ପରିବର୍ତ୍ତନ କରିବା ଅଭିଯୋଗରେ ଗାଁରେ ବିରୋଧ; ଗୁଲିବଡ଼ନା ଗାଁ ମଶାଣିରେ ବୃଦ୍ଧଙ୍କ ମୃତଦେହ ପୁରାଇ ଦେଉନାହାନ୍ତି ଗାଁ ଲୋକେ।

ଖପ୍ରାଖୋଲ,୨୯/୧୦(ଏସଏସ ନିଉଜ)ଖପ୍ରାଖୋଲ ଥାନା ପୁଲିସ ଚଢ଼ଉ କରି ମୋଟର ସାଇକେଲ ରେ ଚାଲାଣ ହେଉଥିବା ୫ ଜଣ ଦାଦନ ଶ୍ରମିକକୁ ଉଦ୍ଧାର କରିବା ସହ ଜଣେ ଦଳାଲ ସାନ ଉଡ଼େନ୍ ଗାଁର ଦାଦନ ସର୍ଦ୍ଦାର ଘନଶ୍ୟାମ ଜାଲକୁ ଗିରଫ କରିଛି । ପୁଲିସ ସକାଳେ ପେଟ୍ରୋଲିଙ୍ଗ କରିବା ସମୟରେ ମୋଟର ସାଇକେଲରେ ଯାଉଥିବା କିଛି ଲୋକଙ୍କୁ ଅଟକାଇ ପଚରାଉଚରା କରିବାପରେ ଶ୍ରମିକଙ୍କୁ ଦାଦନଚାଲାଣ କରୁଥିବା ଜାଣିବାକୁ ପାଇଥିଲେ।

କେନ୍ଦୁଝର,୨୮/୧୦(ଏସଏସ ନିଉଜ) ସଦରଥାନା କାଇଁଝରି ଡ୍ୟାମ୍କୁ ଡେଇଁ ଯୁବକ ନିଖୋଜ ହୋଇଛନ୍ତି।ଡ୍ୟାମ ଉପରେ ବାଇକ୍ ରଖି ଡେଇଁ ପଡ଼ିଥିବା ସୂଚନା ମିଳିଛି।ନିଖୋଜ ଯୁବକ ସ୍ଥାନୀୟ ନରଣପୁରର ପ୍ରତୀକ ମହାନ୍ତି ବୋଲି ଜଣାପଡିଛି। ଡ୍ୟାମ୍‌କୁ ଡେଇଁବା କାରଣ ଅସ୍ପଷ୍ଟ ରହିଥିବାବେଳେ ଅଗ୍ନିଶମ ବାହିନୀର ଖୋଜାଖୋଜି ଜାରି ରହିଛି।

କେନ୍ଦୁଝର,୨୮/୧୦(ଏସ ଏସ ନିଉଜ)ଛାତରୁ ଖସିପଡିଲା ସିଲି।ଯାହାଫଳରେ ଅଳ୍ପକେ ବର୍ତ୍ତିଯାଇଛନ୍ତି ଶିକ୍ଷକ ଶିକ୍ଷୟିତ୍ରୀ।ଘଟଗାଁ ବ୍ଲକ ଢେଙ୍କିକୋଟର 5T ସ୍କୁଲ ସତ୍ୟନାରାୟଣ ବିଦ୍ୟାପୀଠରେ ଏହି ଅଘଟଣ ଘଟିଛି।ଷ୍ଟାଫ୍ କମନ ରୁମ୍‌ରେ ଶିକ୍ଷକ ଶିକ୍ଷୟିତ୍ରୀ ବସିଥିବା ବେଳେ ଖସିପଡିଥିଲା ସିଲିଂ।