January 2023

ଭୁବନେଶ୍ୱର,୧୨।୧(ଏସଏସ ନିଉଜ)କେସ୍ ଡାଏରୀ ଦାଖଲ ପାଇଁ ଲାଞ୍ଚ ନେଲା ବେଳେ ଗିରଫ ହୋଉଛନ୍ତି ସଞ୍ଜୟ କୁମାର ପଣ୍ଡା।୧୮ ହଜାର ଟଙ୍କା ଲାଞ୍ଚ ନେଇ ଗିରଫ ହେଲେ ପୁରୀ ଜିଲ୍ଲାର ଚର୍ଚ୍ଚିତ ଅବକାରୀ ଇନ୍ସପେକ୍ଟର ସଞ୍ଜୟ କୁମାର ପଣ୍ଡା।ସଞ୍ଜୟ ପଣ୍ଡା ଲାଞ୍ଚ ଟଙ୍କା ନେଉଥିବା ବେଳେ ଭିଜିଲାନ୍ସ ତାଙ୍କୁ ମାଡି ବସିଥିଲା। ଲାଞ୍ଚ ଟଙ୍କା ଜବତ କରାଯିବା ସହ ଆୟ ବର୍ହିଭୂତ ସମ୍ପତି ଠୁଳ ଅଭିଯୋଗରେ ତାଙ୍କ ବିରୋଧରେ ମାମଲା ରୁଜୁ କରିଛି।

କେନ୍ଦୁଝର,୧୨।୧(ଏସଏସ ନିଉଜ) ଯୋଡ଼ାଥାନା ମାଇନିଂ ଅଫିସ ନିକଟରେ ସ୍କୁଲ ଭ୍ୟାନକୁ ଧକ୍କା ଦେଇଛି ଡ୍ରମ୍ଫର। ଡ୍ରମ୍ଫରଟି କଳାପାହାଡ଼ ଦେଇ ଭଦ୍ରାସାହି ଯାଉଥିବା ବେଳେ ମାଇନିଂ ଅଫିସ ନିକଟରେ ବ୍ୟାରିକେଟ ଭାଙ୍ଗି ଏକ ଚଳନ୍ତା ସ୍କୁଲ ଭ୍ୟାନକୁ ଧକ୍କା ଦେଇଥିଲା । ଅଳ୍ପକେ ବଂଚିଲା ଡ୍ରାଇଭର। ସୌଭଗ୍ୟ ବଶତଃ କୌଣସି ଛାତ୍ର ଛାତ୍ରୀ ଭ୍ୟାନରେ ନଥିଲେ।

ଯୋଡ଼ା,୧୨।୧(ଏସଏସ ନିଉଜ)ଚାନ୍ଦା ଆଦାୟକୁ ନେଇ ଟ୍ରକ୍ ଡ୍ରାଇଭରଙ୍କୁ ଛୁରାମାଡ଼ କରି ଟଙ୍କା ଲୁଟ୍ ହୋଇଥିବାର ଅଭିଯୋଗ ହୋଇଛି। ଗୁରୁତର ଅବସ୍ଥାରେ ଚାଳକ ଡାକ୍ତରଖାନାରେ ଭର୍ତ୍ତି ହୋଇଛନ୍ତି।ଖବର ପାଇ ଘଟଣାସ୍ଥଳରେ ପୁଲିସ ପହଂଚି ତଦନ୍ତ ଆରମ୍ଭ କରିଛି।