Browsing author
କଟକ,୨୦ା୩(ଏସଏସନିଉଜ)ସରିଲା ମାଟ୍ରିକ ପରୀକ୍ଷା। ଏପ୍ରିଲ୍ ୩ରୁ ମାଟ୍ରିକଖାତା ମୂଲ୍ୟାୟନ ଆରମ୍ଭ ହେବ ବୋଲି ବୋର୍ଡସଭାପତି ରାମାଶିଷ ହାଜରା ସୂଚନା ଦେଇଛନ୍ତି ।ସୁଚନାମୁତାବକ ୫୬ଟି ମୂଲ୍ୟାୟନ କେନ୍ଦ୍ରରେ ମାଟ୍ରିକଖାତା ମୂଲ୍ୟାୟନ କରାଯିବ। ଆସନ୍ତା ୪୫ଦିନ ମଧ୍ୟରେ ସଂପୂର୍ଣ୍ଣ ମୂଲ୍ୟାୟନପ୍ରକ୍ରିୟା ଶେଷହୋଇ ପରୀକ୍ଷାଫଳ ପ୍ରକାଶ ପାଇବ। ସୂଚନାଯୋଗ୍ୟ, ୧୦ ତାରିଖରୁ ରାଜ୍ୟରେ ମାଟ୍ରିକ୍ ପରୀକ୍ଷା ଆରମ୍ଭ ହୋଇଥିଲା।
ସମ୍ବଲପୁର ,୨୦ା୩(ଏସଏସନିଉଜ) ଦୀର୍ଘଦିନର ବ୍ୟବଧାନ ପରେ ଗତକାଲି ବୁର୍ଲାର ଭିମସାର(ବୀର ସୁରେନ୍ଦ୍ର ସାଏ ଇନଷ୍ଟିଚ୍ୟୁଟ୍ ଅଫ୍ ମେଡିକାଲସାଇନ୍ସେସ ଆଣ୍ଡରିସର୍ଚ୍ଚ)ରେ ଜଣେ କୋଭିଡଆକ୍ରାନ୍ତ ଗୁରୁତର ଅବସ୍ଥାରେ ଭର୍ତ୍ତି ହୋଇଛନ୍ତି ।ଉକ୍ତ ବ୍ୟକ୍ତିଙ୍କ ଘର ବଲାଙ୍ଗୀର ଜିଲ୍ଲାରେ ବୋଲି ଜଣାପଡିଛି ।ତାଙ୍କୁ ପ୍ରଥମେ ପ୍ରଥମେ ବଲାଙ୍ଗୀର ଜିଲ୍ଲା ମୁଖ୍ୟ ଚିକିତ୍ସାଳୟ ଓ ପରେ ଭିମସାରକୁ ସ୍ଥାନାନ୍ତର କରାଯାଇଛି ।ତେବେ ଭିସୁଟର ଜଣେ ଛାତ୍ରୀ ବି କୋଭିଡ ଆକ୍ରାନ୍ତ ହୋଇ ଆଇସୋଲେସନରେ ଥିବାର ଜଣାପଡିଛି ।
ଅନୁଗୁଳ,୨୦ା୩(ଏସଏସନିଉଜ)ସାତକୋଶିଆ ଅଭୟାରଣ୍ୟର ପମ୍ପାସର ରେଞ୍ଜ ତରଭା ସେକ୍ସନର ଛୋଟାମୁଣ୍ଡା ନିକଟରୁ ଏକ ମାଇହାତୀର କଙ୍କାଳକୁ ଟାସ୍କଫୋର୍ସ(ଜେଟିଏଫ୍) ଆଜି ଉଦ୍ଧାର କରିଛି ।ପାହାଡ଼ ଖୋଲ ଭିତରେ ଏହି ହାତୀ କଙ୍କାଳ ପଡ଼ିଥିଲାବେଳେ ପାଖାପାଖି ୪ ମାସ ତଳେ ହାତୀର ମୃତ୍ୟୁ ହୋଇଥିବାଅନୁମାନ କରାଯାଉଛି। ହାତୀ ମୃତ୍ୟୁର କାରଣ ଜାଣିବା ପାଇଁ ଭୁବନେଶ୍ବରର ଓୟୁଏଟିକୁ ନମୁନା ପଠାଯାଇଛି।
କୋରାପୁଟ ,୨୦ା୩(ଏସଏସନିଉଜ) ବର୍ଷାରେ କର୍ଲଭଟ ଭୁଶୁଡିପଡିବାରୁ ବାହ୍ୟ ଜଗତରୁ ବିଛିନ୍ନ ଅବସ୍ଥାରେ ରହିଛି ବନ୍ଧୁଗାଁବ୍ଲକ ୨ଟିଗାଁ ଡିମିଟିଗୁଡ଼ା ଓ ଜାଙ୍ଗଡିବାଲାସା। ଗାଁକୁ ଯିବାକୁ ହେଲେ ଏହି ରାସ୍ତା ହିଁ ଏକମାତ୍ର ଭରସା ଥିବାବେଳେ ତାହା ଭାଙ୍ଗିଯିବାରୁ ଭୋକ ଉପାସରେ ୧୦୦ ପରିବାର ରହିଛନ୍ତି ।
ନୂଆପଡ଼ା,୨୦ା୩(ଏସଏସନିଉଜ)ସୁନାବେଡ଼ା ଅଭୟାରଣ୍ୟ ଅଧୀନ କୋମନାଥାନା ଜଳମଡେଇଗାଁରେ ସାନମତି ବାରିକ ନାମକ ବୃଦ୍ଧାଙ୍କୁ ଘରପଛପଟୁ ମହାବଳବାଘ ଘରୁ ଟାଣିନେଇ ଖାଇ ଯାଇଥିବା ସୂଚନା ମିଳିଛି। ଗତକାଲିସନ୍ଧ୍ୟାରେ ଘର ପଛପଟ ବାରିକୁ ଜାଳେଣି କାଠ ସଂଗ୍ରହ କରିବାକୁ ଯାଇ ଆଉ ଫେରିନଥିଲେ ।ପରିବାରଲୋକ ବହୁ ଖୋଜାଖୋଜିପରେ ନିରାଶ ହୋଇଥିବାବେଳେ ଆଜି ସକାଳୁ ଜଙ୍ଗଲ ଭିତରେ ବୃଦ୍ଧାଙ୍କ ଖଣ୍ଡବିଖଣ୍ଡିତ ମୃତଦେହ ପଡ଼ିଥିବାର ଦେଖିବାକୁ ମିଳିଥିଲା ।ଏହା ମହାବଳ ବାଘର କାମ ବୋଲି ସ୍ଥାନୀୟ ଲୋକମାନେ ଅନୁମାନ କରୁଛନ୍ତି ।
ନିମାପଡ଼ା ,୨୦ା୩(ଏସଏସନିଉଜ)ଅଖାଭିତରୁ ମହିଳାଙ୍କ ମୃତଦେହଉଦ୍ଧାର ଘଟଣାରେ ସ୍ୱାମୀପୁଅଙ୍କୁ ଉଠାଇ ଆଣିଛି ସତ୍ୟବାଦୀ ପୁଲିସ। ନିମାପଡ଼ା ଉଛୁପୁରପଞ୍ଚାୟତ ଖଡି଼କୁଦାଗାଁରୁ ଦୁହିଁଙ୍କୁ ଉଠାଇଆଣି ପଚରାଉଚରା କରୁଛି ପୁଲିସ। ଗତ ୧୪ତାରିଖରେ ଭାର୍ଗବୀ ନଦୀକୂଳରୁ ମହିଳାଙ୍କ ମୃତଦେହ ମିଳିଥିଲା। ଏହା ହତ୍ୟା କି ଆତ୍ମହତ୍ୟା ଅଦ୍ୟାବଧି ସ୍ପଷ୍ଟ ହୋଇନାହିଁ ।
୨୦୨୩ମସିହା ମାର୍ଚ୍ଚମାସ ୨୦ତାରିଖ ସୋମବାର ,ଶିବଚତୁର୍ଦ୍ଦଶୀ ଉପବାସ ଓ ବେଢା ପରିକ୍ରମା, ସ୍ନୁହୀ ଚତୁର୍ଦ୍ଦଶୀ, ଗୋସହସ୍ରୀ ଗଙ୍ଗାସ୍ନାନ। ,ସୁର୍ଯ୍ୟୋଦୟ- ପ୍ରାତଃ ଘ୫/୫୪/୫୬ ,ସୂର୍ଯ୍ୟାସ୍ତ- ଘ୫/୫୩/୫୪ ,ଚୈତ୍ରମାସ ,କୃଷ୍ଣପକ୍ଷ ,ତିଥି- ଚତୁର୍ଦ୍ଦଶୀ ରାତ୍ରି ଘ୨/୨ମି ପର୍ଯ୍ୟନ୍ତ ତଦନ୍ତେ ଅମାବାସ୍ୟା ,ଯୋଗିନୀ ସ୍ଥିତି ଓ ଦୂରଯାତ୍ରା- ଯୋଗିନୀ ପଶ୍ଚିମ ଦିଗରେ, ରାତ୍ରି ଘ୨/୨ମି ପରେ ଐଶାନ୍ୟ କୋଣରେ। ରିକ୍ତାତିଥି, ବିଷ୍ଟିକରଣ ଓ ଶନିଯୁକ୍ତ ଦୋଷ ହେତୁ ଯାତ୍ରାଦି ଶୁଭକର୍ମ ନିଷେଧ।ମେଷ, ବୃଷ, ସିଂହ, କନ୍ୟା, ବିଛା, ଧନୁ ଓ କୁମ୍ଭ […]
ଭୁବନେଶ୍ୱର,୧୯।୩(ଏସଏସ ନିଉଜ)ଆସନ୍ତା ୨ ଦିନ ରାଜ୍ୟରେ ବିଜୁଳି, ଘଡ଼ଘଡ଼ି ସହ ବର୍ଷା ସମ୍ଭାବନା ରହିଛି।୪୦ରୁ ୫୦ କିମି ବେଗରେ ପବନ ମଧ୍ୟ ବହିପାରେ।ଆସନ୍ତାକାଲି ପାଇଁ ରାଜ୍ୟର ୧୦ ଜିଲ୍ଲାକୁ ଓ ୨୧ ତାରିଖ ପାଇଁ ୬ ଜିଲ୍ଲାକୁ ପାଣିପାଗ ବିଭାଗର ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ।
ଭୁବନେଶ୍ୱର,୧୯।୩(ଏସଏସ ନିଉଜ)ଡିଜେ ଆଜେକ୍ସ ଅକ୍ଷୟ କୁମାରଙ୍କ ସନ୍ଦେହଜନକ ମୃତ୍ୟୁ ହୋଇଛି।ମୃତଦେହ କ୍ୟାପିଟାଲ ହସ୍ପିଟାଲ ଶବାଗାରରେ ରହିଛି।କିପରି ମୃତ୍ୟୁ ହେଲା ତାହା ଅସ୍ପଷ୍ଟ ରହିଥିବାବେଳେ ପୋଲିସର ଖୋଳତାଡ଼ ଆରମ୍ଭ ହୋଇଛି।ଏହାରିଭିତରେ ଡିଜେ ଆଜେକ୍ସଙ୍କ ମୃତ୍ୟୁରେ ସାମ୍ନାକୁ ଆସିଛି ଜଣେ ଯୁବତୀଙ୍କ ଫଟୋ lଯାହାକୁ ନେଇ ସନ୍ଦେହ ବଢିଯାଇଛି।ଏ ଯୁବତୀ ଜଣକ କିଏ ଓ ଅକ୍ଷୟଙ୍କ ସହ ତାଙ୍କ ସମ୍ପର୍କ କ’ଣ ତାହାକୁ ନେଇ ବଢ଼ିଛି ସନ୍ଦେହ l
ଭୁବନେଶ୍ୱର,୧୯।୩(ଏସଏସ ନିଉଜ)ବିଦ୍ୟୁତ ଆଘାତରେ ଦନ୍ତାହାତୀ ମୃତୁବରଣ କରିଛି lକେନ୍ଦୁଝର ଚମ୍ପୁଆ ବାମେବାରୀ ସେକ୍ସନରେ ଏହି ଘଟଣା ଘଟିଛିlବସନ୍ତପୁର ଗାଁରେ ବିଦ୍ୟୁତ ତାର ଲାଗି ହାତୀ ମୃତୁବରଣ କରିଛି l