ବଲାଙ୍ଗୀର , ୨୫ା୧୦(ଏସଏସନିଉଜ) ଦୁଇଗୋଷ୍ଠୀ ମଧ୍ୟରେ ଝଗଡ଼ାକୁ କେନ୍ଦ୍ର କରି ଆସନ୍ତାକାଲି ମଧ୍ୟରାତ୍ରଯାଏ ବଙ୍ଗୋମୁଣ୍ଡାସହରରେ ବଳବତ୍ତର ରହିବ ୧୪୪ଧାରା। ଗୋଷ୍ଠୀସଂଘର୍ଷ ମାମଲାରେ ଉଭୟପକ୍ଷରୁ ୫ଜଣଙ୍କୁ ଗିରଫ କରିବାସହ ବଙ୍ଗୋମୁଣ୍ଡାରେ ପୋଲିସର ଫ୍ଲାଗ୍ ମାର୍ଚ କରିଛି । ଗତ ଦୁଇଦିନ ତଳେ ବଙ୍ଗୋମୁଣ୍ଡାଗାଁରେ ଛତରଯାତ୍ରା ଅନୁଷ୍ଠିତ ସମୟରେ କୌଣସି କଥାକୁ ନେଇ ଆଦିବାସୀ ଓ ଦଳିତସମାଜଙ୍କ ମଧ୍ୟରେ ଗୋଷ୍ଟୀସଂଘର୍ଷ ଘଟିଥିଲା। ଆଦିବାସୀସମାଜର ପାଞ୍ଚଜଣଙ୍କୁ ଦଳିତ ସମାଜର କିଛିଜଣ ଆକ୍ରମଣ କରିଥିଲେ। ସେମାନଙ୍କୁ ଗିରଫଦାବୀକରି ମଙ୍ଗଳବାରଦିନ ଆଦିବାସୀସମାଜ ପକ୍ଷରୁ ବଙ୍ଗୋମୁଣ୍ଡା ଥାନା ଘେରାଓ କରାଯାଇଥିଲା ।ଏହି ଘଟଣାକୁ ନେଇ ଉଭୟ ପକ୍ଷରୁ ପାଞ୍ଚ ଜଣଙ୍କୁ ଗିରଫ କରିଥିବା ଜଣାପଡିଛି।