ଆନନ୍ଦପୁର, ୨୩ା୭(ଏସଏସନିଉଜ) ଘସିପୁରା ଥାନା ୨୦ ନମ୍ବର ଜାତୀୟ ରାଜପଥର କୋଳିମାଟି ପଞ୍ଚାୟତ ଦରଖଳା ନିକଟରେ ରାସ୍ତା ପାର ହେଉଥିବାବେଳେ ୧୮ଚକିଆ ଲୁହାପଥର ବୋଝେଇ ଟ୍ରକ୍ ଜଣେ ବୃଦ୍ଧଙ୍କ ମୁଣ୍ଡ ଉପରେ ଚଢ଼ିଯିବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲାା ମୃତକ ହେଉଛନ୍ତି ଘଟଗାଁ ଥାନା ମେଲାଣ ଗ୍ରାମ ଧବୋଣିସାହିର ଘନ ମୁଣ୍ଡା (୬୦)। ଦୁର୍ଘଟଣା ପରେ ଘଟଣାସ୍ଥଳରେ ତୀବ୍ର ଉତ୍ତେଜନା ପ୍ରକାଶ ପାଇବା ସହ ଲୋକେ ଜାତୀୟ ରାଜପଥ ଅବରୋଧ କରିଥିଲେ। ଶତାଧିକ ଗାଡ଼ି ସମେତ କେନ୍ଦୁଝର ଜିଲ୍ଲା ଜଜ୍ଙ୍କ ଗାଡ଼ି ମଧ୍ୟ ଅଟକି ରହିଥିଲା। ପୁଲିସ ପହଞ୍ଚି ଲୋକଙ୍କୁ ବୁଝାସୁଝା କରିବା ପରେ ରାସ୍ତାରୋକ ହଟିଥିଲା। ଦୁର୍ଘଟଣା ଘଟାଇଥିବା ଟ୍ରକ୍କୁ ପୁଲିସ ଜବତ କରିବା ସହ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ।
- Advertisement -
