କଟକ,୧୩/୮(ଏସଏସନିୟୁଜ) କଟକ କମିସନରେଟରେ ପୁଲିସର ସହାୟତା ପାଇଁ ଦେୟମୁକ୍ତ ନମ୍ବର ୧୦୦ ବଦଳରେ ୧୧୨ କାର୍ଯ୍ୟକାରୀ ହୋଇଛି।ଏବେ ପୁଲିସ ସେବା ପାଇଁ ଜରୁରିକାଳୀନ ନମ୍ବର ୧୦୦, ଅଗ୍ନିଶମ ସେବା ପାଇଁ ୧୦୧, ଆମ୍ବୁଲାନ୍ସ ପାଇଁ ୧୦୨ ଓ ୧୦୮ ନମ୍ବରକୁ ଏଣିକି ଜନସାଧାରଣ ଫୋନ୍ ନକରି କରିବେ ୧୧୨କୁ ଫୋନକଲେ ପୁଲିସ ସେବା ମିଳିପାରିବ ।ତେବେ ଖୁବଶିଘ୍ର ୧୧୨ ସହିତ ଅଗ୍ନିଶମ ଓ ସ୍ବାସ୍ଥ୍ୟ ସେବାକୁ ଯୋଡ଼ାଯିବ। ୧୧୨ ନମ୍ବର ଜନସାଧାରଣଙ୍କ ମଧ୍ୟରେ ବହୁଳ ବ୍ୟବହାର ହେଲେ ୧୦୦, ୧୦୧, ୧୦୨ ଓ ୧୦୮ ନମ୍ବର ସ୍ଥାୟୀ ଭାବେ ବନ୍ଦ କରି ଦିଆଯିବାକୁ ଯୋଜନା କରାଯାଉଛି। ଏବେ ଉକ୍ତ ନମ୍ବରକୁ କେହି ଫୋନ୍ କଲେ କଲ୍ ସ୍ବୟଂଚାଳିତ ଭାବେ ୧୧୨କୁ ଟ୍ରାନ୍ସଫର୍ ହୋଇଯିବ।ତେବେ ଆଜିଠାରୁ ବିଧିବଦ୍ଧ ଭାବେ ଏହି ନମ୍ବର କଟକ ପାଇଁ କାର୍ୟ୍ୟକାରୀ ହୋଇଛି।
