ଜଟଣୀ,୨୧।୬(ଏସଏସନିଉଜ)ଅଭିଯୋଗକାରୀ ସୁଧାଂସୁ ଶେଖର ପଣ୍ଡା (୪୬) ଲିଖିତ ରିପୋର୍ଟ ଆଧାରରେ ପୋଲିସ ଜଟଣୀ ଥାନାରେ ୨୭୩/୨୬କେଶନମ୍ୱର ରେ ଏକ ମକଦ୍ଦମା ରୁଜୁକରି ତଦନ୍ତ ଆରମ୍ଭ କରିଥିଲା। ଏହି ମାମଲାରେ ସମ୍ପୃକ୍ତ ଅଭିଯୁକ୍ତ ବୁଢାପଡା ଗ୍ରାମର ବିଭୂତିଭୂଷଣ ପଣ୍ଡା ଓରଫ ବିଗା, ବୃନ୍ଦାବନ ସାହୁ ଓରଫ ଚିକୁ ଏବଂ ସୁରେଶ ବେହେରା ଓରଫ ଚନ୍ଦା।ଆଜି ସେମାନଙ୍କୁ ଗିରଫ କରାଯାଇ କୋର୍ଟଚାଲାଣ କରାଯାଇଛି।
ସୂଚନାଯୋଗ୍ୟଯେ,ଗତ ତା ୧୬ରିଖ ରାତିରେ ବିଭୂତିଭୂଷଣ ଓ ତାର ସହଯୋଗୀମାନେ ବୁଢାପଡାର ଶ୍ରୀଶ୍ରୀ ସୋମନାଥ ମନ୍ଦିରର ମୁଖ୍ୟ ପ୍ରବେଶଦ୍ୱାର ଭାଙ୍ଗି ଦାନବାକ୍ସ (ହୁଣ୍ଡି)ଭାଙ୍ଗି ଟଙ୍କା ଚୋରି କରିଥିଲେ। ତଦନ୍ତ ସମୟରେ, ସିସିଟିଭି ଫୁଟେଜରେ ଜଣେ ବ୍ୟକ୍ତିଙ୍କ ମନ୍ଦିରରେ ପ୍ରବେଶ ନିଶ୍ଚିତ କରାଯାଇଥିଲା। ତଦନ୍ତ ସମୟରେ ଆଜି ତା ୨୧ରିଖରେ ବିଶ୍ଵସ୍ତ ସୂଚନା ଆଧାରରେ ବୁଢାପଡାଛକରେ ଚଢଉ କରାଯାଇ ନିମ୍ନୋକ୍ତ ଅଭିଯୁକ୍ତ ଙ୍କୁ କାବୁ କରାଯାଇ ସେମାନଙ୍କ ଠାରୁ ୫,୧୭୦/- ଟଙ୍କା ଜବତ କରାଯାଇଥିଲା । ପଚରାଉଚରା ସମୟରେ ଏମାନେ ଚୋରିରେ ସେମାନଙ୍କର ସମ୍ପୃକ୍ତି ସ୍ୱୀକାର କରିଥିଲେ। ସେମାନଙ୍କ ବୟାନ ଅନୁଯାୟୀ, ସେମାନେ ବୃନ୍ଦାବନ ସାହୁଙ୍କ ଘରେ ଅପରାଧ ପାଇଁ ପ୍ରସ୍ତୁତ ହୋଇଥିଲେ, ଯେଉଁଠାରୁ ସେମାନେ ସିସିଟିଭି ଚିହ୍ନଟରୁ ବଞ୍ଚିବା ପାଇଁ ଏକ ଲୁହାରଡ୍ ଏବଂ ଏକ କମ୍ବଳ ନେଇଥିଲେ। ଘଟଣାଦିନ ରାତିରେ ବିଭୂତିଭୂଷଣ ମନ୍ଦିରରେ ପ୍ରବେଶକରି ଚୋରି କରିଥିଲେ।ଯେତେବେଳେ ବୃନ୍ଦାବନ ଏବଂ ସୁରେଶ ଲୋକଙ୍କ ଦୃଷ୍ଟି ହଟାଇବା ପାଇଁ ବାହାରେ ଜଗି ରହିଥିଲେ। ଚୋରୀ କରିବାପରେ ସେମାନେ ଚୋରିଟଙ୍କାରୁ କିଛିଟଙ୍କା ମଦ କିଣିବାପାଇଁ ବ୍ୟବହାର କରିଥିଲେ।ଯାଞ୍ଚ ସମୟରେ ବୃନ୍ଦାବନ ନାମରେ ଜଟଣୀ ଥାନାରେ ପୂର୍ବରୁ ୪ଟି ମାମଲା ଏବଂ ସୁରେଶ ନାମରେ ଗୋଟିଏ ମାମଲା ରହିଥିବା ଜଣାପଡ଼ିଥିଲା ।
- Advertisement -
