ଭୁବନେଶ୍ୱର,୨୨/୯(ଏସଏସନିୟୁଜ)ସମଗ୍ର ଦେଶ ର ବିଗିଡି ଯାଇଥିବା ଅର୍ଥନୀତି ତଥା କୋଭିଡ ମହାମାରୀ ରୁ ଦେଶବାସୀଙ୍କୁ ସ୍ୱାସ୍ଥ୍ୟ ରକ୍ଷା ଓ ନିଯୁକ୍ତି ଓ ଆର୍ଥିକ ସହାୟତା ଯୋଗାଇ ଦେବାରେ କେନ୍ଦ୍ର ସରକାରଙ୍କର ଚରମ ବିଫଳତା ପ୍ରତିବାଦରେ ମର୍କ୍ସବାଦୀ କମ୍ୟୁନିଷ୍ଟ ପାର୍ଟି ପକ୍ଷରୁ ଗତ ସେପ୍ଟେମ୍ବର ୧୭ ତାରିଖ୨୩ ପର୍ଯ୍ୟନ୍ତ ହେଉଥିବା ଦେଶବ୍ୟାପୀ ପ୍ରତିବାଦ ବିଖୋଭ ରେ ଭାଗନେଇ ପାର୍ଟିର ଏକାମ୍ର ଭୁବନେଶ୍ୱର କମିଟି ତରଫରୁ ଆଜି ଛଅ ଦଫା ଦାବିରେ ଭୁବନେଶ୍ୱର ମହାନଗର ନିଗମ ମୁଖ୍ୟ ଅଫିସ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା। ଆୟକର ନଦେଉଥିବା ପ୍ରତ୍ୟେକ ପରିବାରକୁ ମାସକୁ ୭୫୦୦ ଟଙ୍କା କରି ୬ ମସ ପର୍ଯ୍ୟନ୍ତ ଯୋଗାଇବା, ମୁଣ୍ଡପିଛା ୧୦ କେଜି ଖାଦ୍ୟଶସ୍ୟ ସମସ୍ତ ପରିବାରକୁ ୬ ମାସପର୍ଯ୍ୟନ୍ତ ଯୋଗାଇବା, ନରେଗାରେ ୨୦୦ ଦିନ କାମ ଯୋଗାଇବା , ମଜୁରୀ ବୃଦ୍ଧି କରିବା, ପ୍ରବାସୀ ଶ୍ରମିକ ଓ ବେକରଙ୍କୁ କମାଯୋଗାଇବା, ଦରଦାମ କମାଇବା, କୃଷକ ମରଣ କୃଷି ଆଇନି ବାତିଲ ଇତ୍ୟାଦି ଦାବିପତ୍ର ପ୍ରଧାନମନ୍ତ୍ରୀ ଙ୍କ ଉଦ୍ଦେଶ୍ୟରେ ବିଏମସି କମିଶନରଙ୍କୁ ପ୍ରଦୀପ୍ତ ନାୟକ ଓ ବସନ୍ତ ସାହୁ ଙ୍କ ନେତୃତ୍ୱରେ ଏକ ପ୍ରତିନିଧି ଦଳ ପ୍ରଦାନ କରିଥିଲେ।
ଲେବର ବୋର୍ଡ ରେ ରାଜ୍ୟର ୨୩ ଲକ୍ଷ ପଞ୍ଜିକୃତ ନିର୍ମାଣ ଶ୍ରମିକ ଙ୍କୁ ମୁଖ୍ୟମନ୍ତ୍ରୀ ୧୫୦୦ ତାଙ୍କ କୋଭିଡ ସହାୟତା ଯୋଗାଇଦେବାକୁ ଗତ ଏପ୍ରିଲ ମାସରେ ଘୋଷଣା କରିଥିଲେ। ମାତ୍ର ଏପର୍ଯ୍ୟନ୍ତ ଭୁବନେଶ୍ୱର ମହାନଗର ନିଗମ ଅଧୀନରେ ଥିବା ସମସ୍ତ ୫୭୦୦୦ କାର୍ଡ ଧାରୀ ନିର୍ମାଣ ଶ୍ରମିକ ଙ୍କୁ ମିଳିଲା ନାହିଁ। ବି ଏମ ସି କମିଶନର ଙ୍କୁ ଏକ ସ୍ୱତନ୍ତ୍ର ଦାବିପତ୍ର ପ୍ରଦାନ କରି ଶ୍ରୀ ନାୟକ ତୁରନ୍ତ ୧୫୦୦ ଟଙ୍କା ଯୋଗାଇ ଦେବାକୁ ଦବିକରିଥିଲେ। ଦାବିପତ୍ର ଗ୍ରହଣ କରି ଅତିରିକ୍ତ କମିଶନର ସୁରଥ ମାଲିକ ଏକ ସପ୍ତାହ ମଧ୍ୟରେ ବକିଥିବା ସମସ୍ତ ଲେବର କାର୍ଡ ଧରି ଙ୍କୁ କୋଭିଡ ସହାୟତା ପ୍ରଦାନ କରାଯିବ ବୋଲି ପ୍ରତିଶ୍ରୁତି ଦେଇଥିଲେ । ଯଦି ନଦେବେ ତୁରନ୍ତ ସମସ୍ତ ଟଙ୍କା ଓ ଦସ୍ତାବିଜ ରାଜ୍ୟ ଶ୍ରମ କମିଶନରଙ୍କୁ ଫେରସ୍ତ କରିବାକୁ ନାୟକ ଦବିକରିଛନ୍ତି। ମହାନଗର ନିଗମ ଅଧୀନରେ ଥିବା ସମସ୍ତ ଅଞ୍ଚଳକୁ ତଥା ଭାଗବନପୁର ଭୋଇ ସହିକୁ ପାଇପି ଜଳଯୋଗାଣ , ସହର କୁ ସମ୍ପୂର୍ଣ୍ଣ ସାନିଟାଇଜ କରିବା ଇତ୍ୟାଦି ଦାବୀସିପିଏମ୍ ତରଫରୁ କରାଯାଇଥିଲା। ଯଦି ଦାବି ପାଳନ ନ ହୁଏ ତେବେ କୋଭିଡ ଆଇନ ଭଙ୍ଗ କରି ସହ ସହ ଶ୍ରମିକ ରାଜରାସ୍ତାକୁ ଓଲ୍ହାଇବେ ବୋଲି ସେ କହିଛନ୍ତି।
