ବାରଙ୍ଗ,୨୮|୯ (ଏସଏସନିଉଜ) ଦାଢ଼ା ପଞ୍ଚାୟତର ବଡ଼ ବାଲିପଡ଼ା ଗ୍ରାମର ପ୍ରକାଶ ପଢ଼ିହାରୀଙ୍କ ଘର ପଛପଟେ ଆହତ ଅବସ୍ଥାରେ ଥିବା ଏକ ମାଙ୍କଡ଼କୁ ଉଦ୍ଧାର କରିଛି ବନବିଭାଗ ।ମାଙ୍କଡଟିର ପେଟ ପେଟ ଭିତର କିଛି ଅଂଶ ବାହାରକୁ ବାହାରିଯାଇଥିବାର ଦେଖିବାକୁ ମିଳିଥିଲା। ଯାହାଫଳରେ ମାଙ୍କଡଟି ଯନ୍ତ୍ରଣାରେ ଛଟପଟ ହୋଇସେହି ସ୍ଥାନରୁ ଆଉ କେଉଁଆଡେ ଯାଇ ପାରୁନଥିଲା।ଏହି ସୁଯୋଗରେ କିଛି ବୁଲା କୁକୁର ମାଙ୍କଡ଼ଟିକୁ ଆକ୍ରମଣ କରିବାକୁ ଘେରି ଯାଇଥିଲେ।ଏହି ଘଟଣା ଦେଖି ପ୍ରକାଶ ପଢ଼ିହାରୀଙ୍କ ପରିବାର ଲୋକ ବୁଲା କୁକୁରଙ୍କ କବଳରୁ ମାଙ୍କଡ଼କୁ ସୁରକ୍ଷିତ ଉଦ୍ଧାର କରି ବନ ବିଭାଗକୁ ଖବର ଦେଇଥିଲେ। ନଗର ବନଖଣ୍ଡ ମଞ୍ଚେଶ୍ୱର ବନାଞ୍ଚଳର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ଏକ ଯନ୍ତା ସାହାଯ୍ୟରେ ମାଙ୍କଡକୁ ଉଦ୍ଧାର କରି ଚିକିତ୍ସା ପାଇଁ ନେଇ ଯାଇଥିଲେ।
