ଜୁନମାସ ୧୨ତାରିଖ ୨୦୨୫ମସିହା (ଗୁରୁବାର)ଆଷାଢ଼ମାସ- କୃଷ୍ଣପକ୍ଷ ,ତିଥି- ପ୍ରତିପଦ ଦିବା ଘ୦୨/୩୩ ଗତେ ଦ୍ଵିତୀୟା ,ନକ୍ଷତ୍ର- ମୂଳା ରାତ୍ରି ଘ୧୦/୪୪ ଗତେ ପୂର୍ବା ଷାଢ଼ା ,ସୁର୍ୟୋଦୟ-ପ୍ରାତଃ ଘ୦୫/୧୧/୩୯ ,ସୂର୍ୟ୍ୟାସ୍ତ -ସନ୍ଧ୍ୟା ଘ୦୬/୨୨/୨୦ ,ଯୋଗିନୀ ପୂର୍ବେ ଦିବା ଘ୦୨/୩୩ ଗତେ ଉତ୍ତରେ ,ତୁଳା ଓ କୁମ୍ଭରାଶିର ଘାତଚନ୍ଦ୍ର ,ତୁଳା ଓ କୁମ୍ଭରାଶିର ଘାତବାର ,ପ୍ରତିପଦର ଏକୋଦିଷ୍ଟ ଓ ପାର୍ବଣ ଶ୍ରାଦ୍ଧ ,ମୃତେ ଦିବା ଘ୦୨/୩୩ ଗତେ ଏକ ପାଦ ପୁଷ୍କରଦୋଷ ,କାଳବେଳା ଓ ବାରବେଳା- ଦିବା ଘ୦୩/୦୪ଗତେ ଘ୦୬/୨୩ ମଧ୍ୟେବିଶୁଦ୍ଧ ଅମୃତବେଳା- ରାତ୍ରି ଘ୦୭/୦୭ ଗତେ ଘ୦୯/୨୦ମଧ୍ୟେ ,ବିଶୁଦ୍ଧ ମାହେନ୍ଦ୍ରବେଳ।- ଦିବା ଘ୦୬/୦୦ମଧ୍ୟେ ଓ ଘ୦୯/୨୦ ଗତେ ଘ୧୧/୦୫ମଧ୍ୟେ ,ଅଦ୍ୟ ପାଣିକଖାରୁ ଦିବା ୦୨/୩୩ ଗତେ ବୋଇତୀକଖାରୁ ଭକ୍ଷଣ ନିଷେଧ ।ଆଜିର ରାଶିଫଳ
ମେଷ-ଆଜିର ଦିନଟିରେ ଆପଣଙ୍କ ଆତ୍ମିଅଙ୍କ ସହଯୋଗ କରିବାରୁ ଆନନ୍ଦିତ ରହିବେ । ବସ୍ତ୍ରଭୂଷଣ ପ୍ରାପ୍ତି ମାଧ୍ୟମରେ ଦିନଟି ଖୁସିରେ ଅତିବାହିତ କରିବେ। ସ୍ବାସ୍ଥ୍ୟ ସ୍ଥିତିରେ ସମ୍ପୂର୍ଣ୍ଣ ଉନ୍ନତି ଦେଖାଦେବ। ଶତ୍ରୁମାନେ ସୁଯୋଗ ଅପେକ୍ଷାରେ ରହିବେ କିନ୍ତୁ କୌଣସି କ୍ଷେତ୍ରରୁ ବାଧା ଦେଇପାରିବେ ନାହିଁ । ଅଧ୍ୟୟନ ଓ ଅଧ୍ୟାପନା କ୍ଷେତ୍ରରୁ ଶୁଭଫଳ ମିଳିବ।
ବୃଷ-ସାଧାରଣ କଥାକୁ କେନ୍ଦ୍ରକରି ବନ୍ଧୁଙ୍କ ସହ ମନୋମାଳିନ୍ୟ ଯୋଗୁ ମନ ଉଦାସ ରହିବ। ଭୁଲ୍ ବୁଝାମଣା ବଶତଃ କ୍ଷୁବ୍ଧ ହୋଇ ସ୍ତ୍ରୀ ମୁହଁ ଫେରାଇ ନେଇପାରନ୍ତି। ଯାତ୍ରା, ବାଣିଜ୍ୟରେ ଲାଭବାନ ହେବେ। ସ୍ବାସ୍ଥ୍ୟ ସମସ୍ୟା ନେଇ ଚିନ୍ତିତ ରହିବେ ସତ କିନ୍ତୁ ଅବହେଳା ଜନିତ କୌଣସି ଉପଚାର କରିବା ସହଜସାଧ୍ୟ ନ ହୋଇପାରେ।
ମିଥୁନ-ଆଜି ଆତ୍ମୀୟ ସ୍ବଜନଙ୍କ ଗହଣରେ ଦିନଟି ହସଖୁସିରେ ଅତିବାହିତ ହେବ। ଆକସ୍ମିକ ଭାବରେ ଖର୍ଚ୍ଚଭାର ବୃଦ୍ଧି ପାଇବା କାରଣରୁ ଚିନ୍ତା ପ୍ରକଟ କରିପାରନ୍ତି। ବାରୁଦ ଓ ବିଦ୍ୟୁତ୍ ପ୍ରତି ସାବଧାନ ରହିବା ଭଲ। କ୍ରୀଡା, କଳା, ସାହିତ୍ୟ ଓ ପ୍ରଶାସନିକ ସ୍ତରରେ ଉଚ୍ଚ ସମ୍ମାନ ପାଇପାରନ୍ତି।
କର୍କଟ-ଆଜି ସମସ୍ତ ଆଶା ଓ ଆକାଂକ୍ଷାକୁ ପୂରଣ କରିବାରେ ସାହାଯ୍ୟ କରିବ। କର୍ମକ୍ଷେତ୍ରରେ ସାଧାରଣ ସମସ୍ୟା ଆସିଲେ ମଧ୍ୟ ତାହାକୁ ଠିକ୍ ଭାବରେ ସାମନା କରିବାର ସାହସ ରଖି କୃତକାର୍ୟ୍ୟ ହେବେ। କରଜଦାତାଙ୍କ ଚାପ ବୃଦ୍ଧି ପାଇବା କାରଣରୁ ବ୍ୟସ୍ତତା ବୃଦ୍ଧି ପାଇବ। ସମସ୍ୟା ସମାଧାନର ଆଶା କରିପାରନ୍ତି।
ସିଂହ-ଆଜି ସମ୍ପର୍କୀୟମାନଙ୍କ କାର୍ୟ୍ୟକଳାପ ନିଜପାଇଁ ଅସନ୍ତୋଷ ସୃଷ୍ଟି କରିବାରେ ସହାୟକ ହେବ। ପାରିବାରିକ କ୍ଷେତ୍ରରେ କିଛି କହିବା ଅପେକ୍ଷା ବରଂ ନୀରବ ରହିପାରିଲେ ଭଲ ହେବ।ପ୍ରତ୍ୟୁଷ ଯାତ୍ରାରେ ସଫଳତା ମିଳିବ। ଆଜି ଦିନଟି ଶିଳ୍ପ, ବାଣିଜ୍ୟ ଓ ବ୍ୟବସାୟ ତଥା ପରିବହନ ସକାଶେ ବହୁତ ଭଲ।
କନ୍ୟା-ଆଜି ଅର୍ଥଲାଭ କରାଇବା ସହ ସମସ୍ୟା ସମାଧାନ ପାଇଁ ରାସ୍ତା ପରିଷ୍କାର କରିଦେବେ। ତଥାପି ଖଳକଥାରେ ପ୍ରଭାବିତ ହୋଇ ଚିତ୍ରା ନକ୍ଷତ୍ର ପରିବାର ସକାଶେ କିଛିଟା ଗୋଳମାଳିଆ ପରିସ୍ଥିତି ସୃଷ୍ଟି ହେବାର ଆଶଙ୍କା ରହିଛି। ନିଜ ପରିସରରେ ପିଲାମାନଙ୍କ ସକାଶେ ଅନ୍ୟମାନଙ୍କ ନିକଟରେ ମୁଣ୍ଡ ନୁଆଁଇବାକୁ ପଡିବ।
ତୁଳା-ଆଜି ପ୍ରତ୍ୟେକ କ୍ଷେତ୍ରରେ ଉପସ୍ଥିତ ବୁଦ୍ଧି ଓ କୂଟନୀତି ପ୍ରୟୋଗ କରି କାମ ହାସଲ କରି ପାରିବେ। ପାଇବାକୁ ଥିବା ଅର୍ଥ କିମ୍ବା କୌଣସି ଜିନିଷପତ୍ର ପାଇବାରେ କଳହର ସମ୍ମୁଖୀନ ହୋଇପାରନ୍ତି। ଅଫିସରେ କିମ୍ବା କର୍ମକ୍ଷେତ୍ରରେ ଗୁଡାଏ କାମ ହାତକୁ ନେଇ ବ୍ୟଥିତ ହେବେ। ଅପ୍ରିୟ ସତ୍ୟ କଥା ପ୍ରକାଶ କରିବା ଦ୍ୱାରା ସମ୍ମାନ ବୃଦ୍ଧି ପାଇବ।
ବିଛା-ଆଜି ମନ ଅସ୍ଥିର ରହିବ। କିନ୍ତୁ କୌଣସି ବ୍ୟବହାର୍ୟ୍ୟ ମୂଲ୍ୟବାନ୍ ଜିନିଷ କିଣିବା ଦିଗରେ ମନ ବଳାଇପାରନ୍ତି। ଯେ କୌଣସି କ୍ଷେତ୍ରରେ ହେଉନା କାହିଁକି ଆଜି ଆପଣ ପ୍ରତିଦ୍ୱନ୍ଦ୍ୱିତା କଲେ କିଛି ଲାଭ ହେବନାହିଁ।ଏଜେନ୍ସିପ୍, ସାମ୍ବାଦିକତା, ରାଜନୀତି ଓ ସାହିତ୍ୟ ପ୍ରଭୃତିରୁ ସୁଫଳ ପାଇବେ।
ଧନୁ-କାଲିର ପରିସ୍ଥିତି କ୍ରମଶଃ ବଦଳିଯିବା ସାଙ୍ଗକୁ ସଙ୍କଟମୁ୍କ୍ତ ହୋଇପାରନ୍ତି। ଦିନର ପ୍ରତ୍ୟେକ କ୍ଷେତ୍ରରେ ପରୋକ୍ଷ ଶତ୍ରୁତାର ପ୍ରଭାବ ଅନୁଭବ କରିବାକୁ ପଡିପାରେ। ଅନ୍ୟମନସ୍କତା କିମ୍ବା ବିସ୍ମରଣଜନିତ କୌଣସି ଜିନିଷ ହରାଇ ପାରନ୍ତି। ସହକର୍ମୀ, ଭାଇ ଭଉଣୀ, ଅଧସ୍ତନ କର୍ମଚାରୀଙ୍କ ଦ୍ୱାରା କାର୍ୟ୍ୟ ସାଧନ କରିବେ।
ମକର-ଆଜି କୌଣସି କାମରେ ସାହାଯ୍ୟ କରିବାକୁ ମନ ବଳିବ।କିନ୍ତୁ କର୍ମକ୍ଷେତ୍ରରେ ସହକର୍ମୀଙ୍କ କାମରେ ଅସନ୍ତୁଷ୍ଟ ହୋଇପାରନ୍ତି। ପାରିବାରିକ ଜୀବନରେ ସ୍ତ୍ରୀଙ୍କ ସହ ମତାନ୍ତର ସୃଷ୍ଟି ହେବାର ସମ୍ଭାବନା ରହିଛି। ଶିଳ୍ପ, ବାଣିଜ୍ୟ, ବ୍ୟବସାୟ, ପରିବହନ ଓ ନିର୍ମାଣ କ୍ଷେତ୍ରରେ ଉନ୍ନତମାନର ଫଳ ପାଇବେ।
କୁମ୍ଭ-ଆଜି ପାରିବାରିକ ଜୀବନ ଓ କର୍ମକ୍ଷେତ୍ର ସରଳୀକୃତ ହେବ। ତଥାପି କେତେକ କ୍ଷେତ୍ରରେ ଜାଣିଶୁଣି ନୀରବତା ଅବଲମ୍ବନ କରିବାକୁ ବାଧ୍ୟ ହେବେ। ଆଶଙ୍କାଜନିତ ଅନ୍ୟମନସ୍କ ହେତୁ କେତେକ ବ୍ୟତିକ୍ରମ ପରିଲକ୍ଷିତ ହୋଇପାରେ। ଅର୍ଥ କିମ୍ବା ଦ୍ରବ୍ୟହାନି ଯୋଗୁ ବ୍ୟସ୍ତତା ବଢିଯିବାର ସୂଚନା ରହିଛ।
ମୀନ-ଆଜି କର୍ମୋନ୍ନତି ସହ ସମ୍ମାନଜନକ ସ୍ଥିତିକୁ ନେବାରେ ସମର୍ଥ ହେବେ। କଳା, ସାହିତ୍ୟ, ସଙ୍ଗୀତ, କ୍ରୀଡ଼ା ଓ ଚଳଚ୍ଚିତ୍ର କ୍ଷେତ୍ରରେ ବେଶ୍ ଆଦୃତ ହୋଇପାରନ୍ତି। ବାଣିଜ୍ୟ, ବ୍ୟବସାୟ ଓ ପରିବହନରୁ ଲାଭବାନ ହେବେ। ଆନୁଷ୍ଠାନିକ କାମରେ ସତକଥା କହି ପ୍ରଶଂସିତ ହୋଇପାରନ୍ତି।
ମଣିଷ ଜୀବନରେ ସୁଖଶାନ୍ତି ସମୃଦ୍ଧି ପାଇବାପାଇଁ ବାସ୍ତୁଶାସ୍ତ୍ର ସହ ଜଡ଼ିତ କିଛିନିୟମର ପାଳନକରିବା ଉଚିତ ।ଯାହାଦ୍ବାରା ଜୀବନ ଶାନ୍ତିପୂର୍ଣ୍ଣଭାବେ ବ୍ୟତୀତ ହେବ ।ଆଜି ଏପରି କିଛି ବିଷୟରେ ଜାଣିବା …
୧- ଘରେ ସର୍ବଦା କଳହହେଉଥିଲେ ବା କେହି ରୋଗରେପଡୁଥିଲେ ଘରେ ଦୁଇଟି ମାଛରଚିତ୍ର ଆଣିରଖନ୍ତୁ ବା ମାଛରଚିତ୍ର ଥିବା କାଗଜ ଆଣି ରଖନ୍ତୁ ।
୨- ଶିବଲିଙ୍ଗରେଉପରେ ଚଢାଯାଉଥିବା ବେଲପତ୍ର ତାଜାହୋଇଥିବା ଆବଶ୍ୟକ ।କେବେବି ବେଲପତ୍ର ଫଟା, କଣା ନ ହୋଇଥିବା ଦରକାର ।ବେଲପତ୍ରର ଡେମ୍ଫ ନଲାଗିଥିବା ଦରକାର ।
୩- ପ୍ରତେକ ଶନିବାରଦିନ ସୂର୍ୟ୍ୟାସ୍ତପରେ କାନରେ ତେଲ ପକାଇବାଦ୍ଵାରା ବୟସ ପରେ କାଳଦୋଷ ହେବନାହିଁ । ଜୀବନସାରା କାନରୋଗ ହେବନି କି ବଧିର ହେବେନାହିଁ ।
୪- ପ୍ରତି ସୋମବାରଦିନ ଧଳାମନ୍ଦିର ଆଣି ଶିବଲିଙ୍ଗରେ ଚଢାନ୍ତି ବା ଠାକୁରଙ୍କୁ ଅର୍ପଣକରନ୍ତି ତେବେ କୌଣସି ତନ୍ତ୍ରମନ୍ତ୍ର ଗୃହକୁ ପ୍ରବେଶ କରିବେନାହିଁ ।
୫- ଠାକୁରଘରେ ଥିବା ଘଣ୍ଟିରେ ଗରୁଡଚିତ୍ର ଥାଏ ଓ ସେହି ଘଣ୍ଟା ବାଜୁଥାଏ ସେହିଘରେ ଅଗ୍ନି, ଚୋର, ବଜ୍ରଭୟ ପ୍ରବେଶ କରେ ନାହିଁ ।
୬- ରବିବାର ଦିନ କେବେ ବି ଦୁବ ଛିଡାଇବା ଉଚିତ ନୁହେଁ । ରବିବାର ଓ ବୁଧବାର ଦିନ ବର ଗଛ ମୂଳରେ କେବେ ବି ପାଣି ଢାଳିବା ଉଚିତ ନୁହେଁ ।
୭- ଯଦି ରବିବାରରେ ଯାତ୍ରାକରୁଛନ୍ତି ତେବେ ମୁଣ୍ଡରେ ହାତଦେଇ, ସୋମବାରରେ ମୂହନରେ ହାତଦେଇ, ମଙ୍ଗଳବାରରେ ଗଳାରେ ହାତଦେଇ, ବୁଧବାରରେ ପେଟରେ ହାତଦେଇ, ଗୁରୁବାରରେ ବେନିପାର୍ଶ୍ଵରେ ହାତଦେଇ, ଶୁକ୍ରବାରରେ କାନରେ ହାତଦେଇ, ଶନିବାରରେ ପିଠିରେ ହାତଦେଇ ଯାତ୍ରା ଆରମ୍ଭକରିଲେ ନିଶ୍ଚିନ୍ତ ଶୁଭଫଳ ମିଳିଥାଏ ।
୮- ଛୋଟପିଲାଙ୍କର ସ୍ମରଣଶକ୍ତି ବୃଦ୍ଧି କରିବାପାଇଁ ବର ଓ ଓସ୍ତଗଛ ଏକାଠିଥିବ ସେହିଜାଗାରେ ପ୍ରତେକଦିନ ୨୦ମିନିଟଯାଏଁ ବସିଲେ ଶୁଭଫଳମିଳିଥାଏ ।ଏମିତି ୩ମାସ କରିବାକୁ ହେବ ।
୯- ପିଲାଙ୍କ ଜନ୍ମ ଦିନରେ ଦେହରେ ଖସା ତେଲ ଲଗାଇବା ସହ ଖସା ଲଡୁ ଖାଇବାକୁ ଦେବା ଉଚିତ । ଏହା ଦ୍ଵାରା ଆସନ୍ତା ବର୍ଷ ଜନ୍ମ ଦିନ ଯାଏଁ ପିଲା ଉପରେ ବିପଦ ଆସିବ ନାହିଁ ।
୧୦- ରାତିରେ ଡେରିରେ ଶୋଇବା ଦ୍ଵାରା ସ୍ମରଣ ଶକ୍ତି କମ ହୁଏ ଓ ସହକାରେ କୌଣସି କଥା ମନେ ରୁହେ ନାହିଁ ।
୧୧- ରାତିରେ ଅନିଦ୍ରା ହୋଇ କାମ କରିଲେ ପେଟରେ ଅଲସର ରୋଗ ଦେଖାଯାଇଥାଏ ।
୧୨- ରାତିରେ ଅସମୟରେ ଶୋଇବାଦ୍ଵାରା ନଖ ଦୁର୍ବଳହୋଇ ଭାଙ୍ଗିଯିବାର ସମ୍ଭାବନାଥାଏ ।ରାତିରେ ଡେରିରେ ଶୋଇବାଦ୍ଵାରା ଏବଂ ନିଦ ପୁରା ନହେବାଦ୍ଵାରା ଚୁଟି ଜଲ୍ଦି ପାଚିବାର ସମ୍ଭାବନାଥାଏ!!ଜୟଜଗନ୍ନାଥ, ଜୟସୋମନାଥ, ଜୟମା ଯୋଗମାୟା!!
- Advertisement -
