ଅପରାଧ

ଭୁବନେଶ୍ୱର, ୨ା୪(ଏସଏସନିଉଜ) ବରଗଡ଼ ଫରେଷ୍ଟ ଡିଭିଜନ ସହାୟତାରେ ଏକ ବଜ୍ରକାପ୍ତାକୁ ଉଦ୍ଧାର କରିବା ସହିତ ଜଣଙ୍କୁ ଗିରଫ କରିଛି ଏସଟିଏଫ୍ ଟିମ୍ । ଗତକାଲି ସନ୍ଧ୍ୟାରେ ବରଗଡ଼ ଜିଲ୍ଲାର ପଦ୍ମପୁର ଥାନା ଅଧୀନରେ ଥିବା ବିଜାଡିହି ଛକରେ ଏସଟିଏଫ୍ ଟିମ୍ ବରଗଡ଼ ବନ ବିଭାଗର ବନ ଅଧିକାରୀଙ୍କ ସହାୟତାରେ ଚଢ଼ାଉ କରି ୧୨କିଲୋଗ୍ରାମ ଓଜନର ଜୀବନ୍ତ ବଜ୍ରକାପ୍ତାକୁ ଜବତ କରି ଅଭିଯୁକ୍ତ ମହାଦେବ ମୁଖଟିଆକୁ ଗିରଫ କରିଥିଲେ ।  

ସୁବର୍ଣ୍ଣପୁର.୨ା୪(ଏସଏସନିଉଜ)ଡୁଙ୍ଗୁରିପାଲି ଚିନାଜୁରୀଗାଁରେ ନିଶାସକ୍ତ ପୁଅ ବିକ୍ରମ ମେହେର ବାପା ଗଙ୍ଗାଜଳ ମେହେରଙ୍କୁ ଗୁଳି କରିଛନ୍ତି । ବାପା ଗୁରୁତର ଅବସ୍ଥାରେ ବୁର୍ଲାକୁ ସ୍ଥାନାନ୍ତର କରାଯାଇଛି। ବିକ୍ରମ ଓ ତାଙ୍କ ପତ୍ନୀଙ୍କ ମଧ୍ୟରେ କଳହ ଆରମ୍ଭ ହୋଇ ବିକ୍ରମ ତାଙ୍କ ପତ୍ନୀଙ୍କୁ ଗୁଳି କରି ଦେବେ ବୋଲି ଧମକ ଦେଇଥିଲେ। ଏହି ସମୟରେ ଗଙ୍ଗାଜଳ ମେହେର ତାଙ୍କୁ ଗୁଳି କରିବା ଲାଗି କହିଥିଲେ। ଏହାପରେ ନିଶାସକ୍ତ ବିକ୍ରମ ଉତ୍ତେଜିତ ହୋଇ ତାଙ୍କ ବାପାଙ୍କୁ ଗୁଳି କରି ଦେଇଥିଲେ।

ଭଦ୍ରକ. ୨ା୪(ଏସଏସନିଉଜ) ଗତକାଲି ରାତିରେ ଟ୍ରକ୍‌କୁ ଏକ ଯାତ୍ରୀବାହୀ ବସ୍ ଧକ୍କା ଦେବାରୁ ୭ ଜଣ ଆହତ ହୋଇଥିବା ଜଣାପଡିଛି। ଆହତମାନଙ୍କୁ ଚିକିତ୍ସା ଲାଗି ଭଦ୍ରକ ମେଡିକାଲରେ ଭର୍ତ୍ତି କରାଯାଇଛି। ବସ୍‌ଟି ଭୁବନେଶ୍ୱରରୁ କୋଲକାତା ଯାଉଥିବା ବେଳେ ଜାତୀୟ ରାଜପଥ-୧୬ର ବୀଣାପେଟ୍ରେଲପମ୍ପ ନିକଟରେ ବସ୍‌ଟି ଭାରସାମ୍ୟ ହରାଇ ଏକ ଟ୍ରକ୍‌କୁ ପଛପଟୁ ଧକ୍କା ଦେଇଥିଲା ।ଦୁର୍ଘଟଣାପରେ ଚାଳକ ଓ ହେଲପର ଘଟଣାସ୍ଥାଳରୁ ଫେରାର ହୋଇଯାଇଛନ୍ତି ।ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ମାଲକାନଗିରି,୧।୪(ଏସଏସ ନିଉଜ)ସ୍ବାମୀର ତୀର ମାଡ଼ରେ ମହିଳା ଗୁରୁତର ଆହତ ହୋଇଛନ୍ତି।ଏହିଭଳି ଅଭାବ ନୀୟ ଘଟଣାମାଲକାନଗିରି ମୋଟୁ କୋମଲ ପୁରମ୍ ଗାଁର ଘଟିଛି।ତୀର ମାଡ଼ରେ ସ୍ତ୍ରୀ ଗୁରୁତର ଆହତ ହୋଇ ଚିକିତ୍ସା ପାଇଁ ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି।ଆକ୍ରମଣ ପରେ ଅଭିଯୁକ୍ତସ୍ବାମୀ ଫେରାର ହୋଇଯାଇଛି।

ଜଳେଶ୍ବର,୧।୪(ଏସଏସ ନିଉଜ) ନଦୀରୁ ଅଖାରେ ଭର୍ତ୍ତି ମହିଳାଙ୍କ ମୃତଦେହ ଉଦ୍ଧାର କରିଛି ପୋଲିସ।ସୁବର୍ଣ୍ଣରେଖା ନଦୀର ରାଜଘାଟ ନିକଟରୁ ଏହି ମୃତଦେହ ଉଦ୍ଧାର ହୋଇଛି।ମୃତକଙ୍କ ପରିଚୟ ଜଣାପଡିନ ଥିବାବେଳେ ବସ୍ତା ପୋଲିସ ଛାନଭିନ ଆରମ୍ଭ କରିଛି।କେହି ଦୁର୍ବୃତ୍ତ ମହିଳାଙ୍କୁ ମାରି ନଦୀକୁ ଫିଙ୍ଗି ଦେଇଥିବା ଅନୁମାନ କରୁଛି ପୋଲିସ।

କୋରାପୁଟ,୩୦।୩(ଏସ ଏସନିଉଜ)କୋରାପୁଟ ସାନକେଲାର ଗାଁରେ ଅଭାବନୀୟ ଘଟଣା ଘଟିଛି।ସାତମାସର ଗର୍ଭବତୀ ମହିଳାଙ୍କ ମୃତଦେହ ଉଦ୍ଧାର ହୋଇଛି।ମୃତକ ସାନକେଲାର ଗାଁର ଦିବାନି ଖୋସଲା।ଆତ୍ମହତ୍ୟା ସନ୍ଦେହ କରାଯାଇ ଥିବାବେଳେ ପୋଲିସ ତଦନ୍ତ ଜାରି ରହିଛି।

ବଣାଇ,୩୦।୩(ଏସଏସନିଉଜ) ବିଦ୍ୟୁତଖୁଣ୍ଟ ପଡ଼ି ୨ନାବାଳକ ଗୁରୁତର ହୋଇଛନ୍ତି।ଲେଞ୍ଜାଡିହି ରେ କ୍ରସରରୁ ମାଲ୍‌ ବୋଝେଇ ଟ୍ରକ ଯିବାବେଳେ ଅଘଟଣ ଘଟିଛି।ଏହାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେବସହ କ୍ଷତିପୂରଣ ଦାବିରେ ଟ୍ରକ ଅଟକ ରଖିଛନ୍ତି।