ମେଣ୍ଢାଶାଳ,୧୩ା୨(ଏସଏସନିଉଜ)ଚନ୍ଦକାଥାନା ଅଧିନସ୍ଥ ଗିରିଙ୍ଗାପୁଟ ଗାଁ ଆଦିବାସୀସାହିର ଟୁନାଦେଇ ନାମକ ମହିଳାଙ୍କୁ ମାରିଦେବାକୁ ଧମକ ଦେବାସହ ରାତିରେ ତାଙ୍କ ଘରେ ନିଆଁ ଲଗାଇଦେବା ଅଭିଯୋଗରେ ପୋଲିସ ଦୁଇଜଣଙ୍କୁ ଗିରଫକରି କୋର୍ଟଚାଳଣ କରିଛି ।ସେମାନେ ହେଲେ ଗିରିଙ୍ଗାପୁଟ ଗାଁର ଭିମା ଓରଫ ଘନିଆପ୍ରଧାନ ଓ ଶଙ୍କରଘଡେଇ ।
ପ୍ରକାସ ଯେ, ଗିରିଙ୍ଗାପୁଟଗାଁ ଆଦିବାସୀସାହିରେ ଟୁନାଦେଇ ଓ ତାଙ୍କ ପୁଅ ବଳରାମରାଉଳ ରୁହନ୍ତି ।ଟୁନାଦେଇ ଚନ୍ଦକାଥାନାରେ କରିଥିବା ଅଭିଯୋଗଅନୁଯାୟୀ ତାଙ୍କ ପୁଅ ବଳରାମ ଦୁଇଟିବିବାହ କରିଛନ୍ତି ।ପ୍ରଥମସ୍ତ୍ରୀ ତାଙ୍କ ବାପଘରକୁ ଚାଲିଯାଇଥିଲେ । ଶଙ୍କରଘଡେଇନାମକ ଯୁବକ ତାଙ୍କ ସ୍ତୀକୁ ବାପଘରକୁ ପଠାଇଦେଇଥିବାର ଅଭିଯୋଗ କରି ବଳାରାମ ଓ ଶଙ୍କର ମଧ୍ୟରେ ପାଟିତୁଣ୍ଡ ହୋଇଥିଲା ।ପୁନର୍ବାର ଶନିବାର ଦିହିପହରରେ ଏହିଘଟଣାକୁ ନେଇ ଉଭୟଙ୍କ ମଧ୍ୟରେ ପାଟିତୁଣ୍ଡ ଲାଗିବାରୁ ଟୁନା ଓ ପୁଅ ବଳରାମକୁ ଜୀବନରେ ମାରିଦେବାକୁ ଘନିଆପ୍ରଧାନ ଓ ଶଙ୍କରଘଡେଇ ଧମକଦେଇଥିଲେ ।ଖବରପାଇ ପିସିଆର ଆସି ଉଭୟଙ୍କୁ ବୁଝାସୁଜାକରି ଫେରିଯାଇଥିଲା ।ଏହାପରେ ନିଜ ଜୀବନ ସୁରକ୍ଷିତ ନଥିବାର ଜାଣି ଉଭୟମାପୁଅ ଘରଛାଡି ପଳାଇଯାଇଥିଲେ ।ସେହିଦିନ ବିଳମ୍ଭିତ ରାତିରେ ଟୁନାଙ୍କ ଏକ ଚାଳଘରେ ନିଆଁ ଲାଗିଯିବାରୁ ଘରଭିତରେ ଥିବା ଆସବାସପତ୍ର.ଧାନଚାଉଳ ପୋଡିପାଉଁଶ ହୋଇଯାଇଛି । ଘନିଆପ୍ରଧାନ ଓ ଶଙ୍କରଘଡେଇ ତାଙ୍କ ଘରେ ନିଆଁ ଲଗାଇଦେଇଥିବାର ଟୁନାକରିଥିବା ଅଭିଯୋଗ ଉପରେ ଚନ୍ଦକାଥାନାପୋଲିସ ୫୧/୨୩କେଶନଂରେ ଏକ ମକଦ୍ଦମାରୁଜୁକରି ତଦନ୍ତ କରିଥିଲେ ।ଏହାପରେ ଘନିଆଓ ଶଙ୍କର ଫେରାର ହୋଇଯାଇଥିବାବେଳେ ସୋମବାରଦିନ ପୋଲିସ ସେମାନଙ୍କୁ ଗିରଫକରି କୋର୍ଟଚାଳଣ କରିଛି ।(ପଦ୍ମଚରଣବଡଜେନାଙ୍କ ରିପୋର୍ଟ)