ଜଟଣୀ,୧୯ା୭(ଏସଏସନିଉଜ) ଡକାୟତି କରିବା ନିମନ୍ତେ ଯୋଜନା କରୁଥିବାବେଳେ ସୁଚନାପାଇ ଜଟଣୀଥାନା ପୋଲସି ମଙ୍ଗଳବାରରାତିରେ ଏକ ଡକାୟତିଦଳକୁ ଧରିବାରେ ସକ୍ଷମହୋଇଛି ।ସେମାନଙ୍କଠାରୁ ମୋଟରସାଇକେଲ, ଗୋଟିଏ ସ୍କୁଟି, ୨ଟି ଲୁହା ଛଡ, ୩ଟି ଛୁରୀ, ଗୋଟିଏ ମୋବାଇଲଫୋନ ଏବଂ କିଛି ଲଙ୍କାଗୁଣ୍ଡ ପ୍ୟାକେଟ ଜବତ କରିଛି । ପଚରାଉଚରାବେଳେ ଅଭିଯୁକ୍ତମାନେ କିଷ୍ଟକଲେଜ ନିକଟରେ ଥିବା ଏକ ପରିତ୍ୟକ୍ତଘରେ ଏକାଠିହୋଇ ଜାତୀୟ ରାଜପଥରେ ଯାତାୟାତ କରୁଥିବା ବିଭିନ୍ନଯାତ୍ରୀ ତଥା ପରିବହନଯାନ ଗୁଡିକରୁ ବଡଧରଣର ଡକାୟତି କରିବା ନିମନ୍ତେ ଯୋଜନା କରୁଥିବାକଥା ପୋଲିସ ଆଗରେ ସ୍ଵୀକାର କରିଥିଲେ । ପୋଲିସ ବୁଧବାରଦିନ ୨୬୮/୨୩କେଶନଂରେ ଏକ ମକଦ୍ଦମାରୁଜୁକରି ପଦନପୁରର ରାଜୁ ଓରଫ ରାଜେନ୍ଦ୍ର ମହାପାତ୍ର, ବିଏସନାଲ ଟାୱାର ପାଖ ଗଜପତିନଗରର ଅବଦୁଲ ରେହେମାନ ,ପଦନପୁରର ଗୁଡୁ ଓରଫ ଗଦାଧରନାୟକ , ବଡନୁଆଗାଁ ମହାନ୍ତିସାହିର ଏକା ଓରଫ ପ୍ରତାପବାରିକ ,ପଦନପୁରର ରାଜା ଓରଫ ରଘୁନାଥଦାସଙ୍କୁ କୋର୍ଟଚାଳଣ କରିଛି । ଏମାନଙ୍କ ମଧ୍ୟରୁ ଅଭିଯୁକ୍ତ ରାଜୁ ଓରଫ ରାଜେନ୍ଦ୍ର ମହାପାତ୍ରଙ୍କ ନାମରେ ପୂର୍ବରୁ ବିଭିନ୍ନ ଥାନାରେ ୬ଗୋଟି ମାମଲା ରହିଥିବା ବେଳେ ଏକା ଓରଫ ପ୍ରତାପ ବାରିକଙ୍କ ନାମରେ ୮ ଗୋଟି, ରାଜା ଓରଫ ରଘୁନାଥ ଦାସଙ୍କ ନାମରେ ୮ ଟି, ଗଦା ଓରଫ ଗଦାଧର ନାୟକଙ୍କ ନାମରେ ୫ ଟି, ଓ ଅବଦୁଲ ରହେମାନଙ୍କ ନାମରେ ୩ଟି ମାମଲା ରହିଥିବା ତଦନ୍ତ ବେଳେ ଜଣାପଡିଛି । ଅଭିଯୁକ୍ତ ମାନେ କ୍ରମାଗତ ଭାବେ ବିଭିନ୍ନ ଅପରାଧରେ ଲିପ୍ତ ରହୁଥିବାରୁ ସେମାନଙ୍କ ବିରୋଧରେ CrPC-୧୧୦ ଧାରା ଅନୁଯାଇକାର୍ଯ୍ୟ।ନୁଷ୍ଠାନ ନିଆଯିବା ଲାଗି ପଦକ୍ଷେପ ନିଆଯାଉଥିବାର ଜଣାପଡିଛି ।
