ବାରଙ୍ଗ:୧୨/୬(ଏସ ଏସ ନିୟୁଜ) ଦେଶୀମଦ ଚୋରା ଚାଲାଣ କରିବା ଅଭିଯୋଗରେ ବାରଙ୍ଗ ଥାନା ପୋଲିସ ଜଣକୁ ଗିରଫ କରିଛି।ସୂଚନାନୁସାରେ ଶନିବାର ଅପରାହ୍ନରେ ଢେଙ୍କାନାଳ ରୁ ଭୁବନେଶ୍ୱରକୁ ଦେଶୀମଦ ଚୋରା ଚାଲାଣ ହେଉଥିବା ପୋଲିସକୁ ବିଶେଷ ସୂତ୍ରରୁ ଖବର ମିଳିଥିଲା।ଖବର ପାଇ ବାରଙ୍ଗ ଥାନା ପୋଲିସ ପୁରୀ ମୂଖ୍ୟ କେନାଲ ନିକଟରେ ଚଢ଼ାଉ କରି ଜଣକୁ ଗିରଫ କରିଛି।ଗିରଫ ଅଭିଯୁକ୍ତ ଜଣକ ହେଉଛନ୍ତି ଢେଙ୍କାନାଳ ଜିଲ୍ଲା ସଙ୍କରପୁର ଗ୍ରାମର ଜୟାନନ୍ଦ ବେହେରା।ପୋଲିସ ତା ନିକଟରୁ ୮ ଟି ବ୍ଲାଡରରେ ଥିବା ୧୬୦ ଲିଟର ଦେଶୀମଦ ଜବତ କରିବା ସହ ଚାଲାଣ ରେ ବ୍ୟବହୃତ ଓଡି ୦୫ ଏଏନ ୨୬୭୮ ନମ୍ୱରର ଏକ ପସେଞ୍ଜର ଅଟୋ କୁ ମଧ୍ୟ ଜବତ କରିଛି।ଏ ନେଇ ବାରଙ୍ଗ ଥାନାରେ କେସ ନଂ ୧୨୩/୨୧ ରେ ଏକ ମାମଲା ରୁଜୁ କରାଯାଇଥିବା ବାରଙ୍ଗ ଥାନା ଅଧିକାରୀ ଶଶିକାନ୍ତ ରାଉତ ସୂଚନା ଦେଇଛନ୍ତି।
