ଭୁବନେଶ୍ୱର,୧୮/୫(ଏସଏସନିୟୁଜ)ଅତ୍ୟଧିକ ଭୟଙ୍କର ସାମୁଦ୍ରିକ ଝଡ ତାଉକ୍ତେ ରାତି ପ୍ରାୟ ୯.୩୦ ସମୟରେ ଗୁଜୁରାଟର ଊପକୂଳର ନିକଟରେ ଅବତରଣ ପ୍ରକ୍ରିୟା ଆରମ୍ଭ କରିଥିଲା ବୋଲି କୁହାଯାଇଛି ।ଏହିସମୟରେ ପବନର ବେଗ ୧୩୩ କିଲୋମିଟର ଥିଲା । ଏହାରପ୍ରଭାବରେ ସୋମବାର ରାତିରେ ମୁମ୍ବାଇରେ ପ୍ରବଳ ବର୍ଷା ହୋଇଥିଲା । ଗୁଜୁରାଟ ସରକାର ଆମ୍ରେଲି, ଜୁନାଗଡ, ଗିର୍-ସୋମନାଥ ଏବଂ ଭବନଗର ଉପକୂଳବର୍ତ୍ତୀ ଜିଲ୍ଲାଗୁଡ଼ିକରୁ ୨ ଲକ୍ଷରୁ ଅଧିକ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି । ପ୍ରାୟ ୨୩ ବର୍ଷ ମଧ୍ୟରେ ଗୁଜୁରାଟକୁ ଛୁଇଁଥିବା ତାଉକ୍ତେ ସବୁଠାରୁ ଭୟଙ୍କର ଘୂର୍ଣ୍ଣିବଳୟ ରହିଥିଲା । ଅହମ୍ମଦାବାଦ ଏବଂ ସୁରଟ ସମେତ ଗୁଜୁରାଟର ପ୍ରମୁଖ ବିମାନବନ୍ଦରଗୁଡିକ ସତର୍କତାମୂଳକ ପଦକ୍ଷେପ ଭାବରେ କାର୍ୟ୍ୟ ବନ୍ଦ କରିଦିଆଯାଇଛି । ଏହି ଘୂର୍ଣ୍ଣିବଳୟର ପ୍ରଭାବ ସକାଳ ୧ ଟା ପର୍ୟ୍ୟନ୍ତ ରହିବବୋଲି ଜଣାପଡିଛି ।
