ବାରଙ୍ଗ,୨୫ା୬(ଏସଏସନିଉଜ) ବାରଙ୍ଗ ବ୍ଲକ କାନପୁର ସ୍ଥିତ ବାରଙ୍ଗ ପୁରୀ ମୁଖ୍ୟ କେନାଲ ରେ ଏକ ଷଣ୍ଢ କୌଣସି କାରଣରୁ ଗଭୀର ପାଣି ଭିତରକୁ ଗଳି ପଡ଼ିଥିଲା।ଏହା ଦେଖି କାନପୁର ଗ୍ରାମର ଅମର ନାୟକ ନାମକ ଯୁବକ ଘଟଣା ବିଷୟରେ ମହାବୀର ଫାଉଣ୍ଡେସନକୁ ଖବର ଦେଇଥିଲେ।ଫାଉଣ୍ଡେସନ ର ସଭାପତି ରାକେଶ କୁମାର ସାହୁ,କାହୁଁ ଓଝା,ଦେବାଶିଷ ବେହେରାଙ୍କ ସମେତ ପ୍ରାୟ ୩୦ ଜଣ ସଦସ୍ୟ ମିଶି ଷଣ୍ଢଟିକୁ ସୁରକ୍ଷିତ ଭାବେ କେନାଲରୁ ଉଦ୍ଧାର କରିଥିଲେ।ଯାହାକୁ ଅଞ୍ଚଳବାସୀ ସାଧୁବାଦ ଜଣାଇଛନ୍ତି।ସେହିପରି ବାରଙ୍ଗ କଲେଜ ଛକ ନିକଟରେ ରବିବାର ବିଳମ୍ବିତ ରାତିରେ ଏକ ହାଇୱା ଏକ ଦୁଇ ବର୍ଷର ବାଛୁରୀ ଉପରେ ଗାଡ଼ି ଚଢାଇ ଦେଇଥିଲା।ଫଳରେ ବାଛୁରୀର ମୁହଁ ଏବଂ ଗୋଟିଏ ଗୋଡ଼ରେ ଗଭୀର ଆଘାତ ଲାଗିଥିଲା।ଖବର ପାଇ ମହାବୀର ଫାଉଣ୍ଡେସନର ସଦସ୍ୟ କାହୁଁ ଓଝା ଓ ବିଶ୍ଵନାଥ ମହାରଣା ଘଟଣାସ୍ଥଳରେ ପହଞ୍ଚି ଗୁରୁତର ଆହତ ବାଛୁରୀର ଉପଯୁକ୍ତ ଚିକିତ୍ସା କରିଥିଲେ।(ଗୈାତମରାଉତଙ୍କ ରିପୋର୍ଟ)
- Advertisement -
