ବାରଙ୍ଗ,୨ା୫(ଏସଏସନିଉଜ)ଏକ୍ସସାଇଜ କମିଶନରଙ୍କ ନିର୍ଦ୍ଦେଶ ମୁତାବକ ସୋମବାରଦିନ ଅବକାରୀ ବିଭାଗର ରାଜ୍ୟ ଫ୍ଲାଇଙ୍ଗସ୍ୱାର୍ଡ ତ୍ରିଶୁଳିଆ ଛକପାଖରେ ଚଢାଉକରି କାରରେ ଆସୁଥିବା ୧୦୦କେଜି ଗଞେଇକୁ ଜବତକରିବା ସହ ଦୁଇ ଜଣଙ୍କୁ ଗିରଫ କରିଛି ।ସେମାନେ ହେଲେ ବାଙ୍କୀଥାନା ଅଧିନସ୍ଥ ପାଥପୁର ଗ୍ରାମର ଦିବାକର ବିଶ୍ୱାଳ ଓ ଶ୍ରିଧରସ୍ୱାଇଁ । ବିଶେଷସୁତ୍ରରୁ ଖବରପାଇ ଅବକାରୀ ବିଭାଗ ରାଜ୍ୟ ଫ୍ଲାଇଙ୍ଗସ୍ୱାର୍ଡ ଇନ୍ସପେକ୍ଟର ରୋସନ୍ ଇସୁ ହାସଦାଙ୍କ ନେତୃତ୍ୱରେ ଏକ ୧୪ ଜଣିଆଟିମ ସୋମବାର ଦିନ ତ୍ରିଶୁଳିଆ ଛକରେ ଜଗିରହିଥିଲା ।ଏହି ସମୟରେ ବାଙ୍କି ପଟରୁ କଟକ ଅଭିମୁଖେ ଦ୍ରୁତଗତିରେ ଆସୁଥିବା ଓଆର ୦୨-ସିଜି-୩୮୯୧ ନମ୍ବର କାରକୁ ଅବକାରିବିଭାଗ ଟିମ ତ୍ରଶୁଳିଆ ଛକ ପାଖରେ ରୋକିଥିଲେ ।ପରେ କାରକୁ ଯାଂଚକରିବାପରେ କାରମଧ୍ୟରୁ ୪ବସ୍ତା ଗଞେଇ ମିଳିଥିଲା । କାରଚାଳକ ଓ ତାର ସହଯୋଗୀ ଦିବାକର ଓ ଶ୍ରିଧରକୁ ଘଟଣାସ୍ଥଳରୁ ଅବକାରୀବିଭାଗ ଗିରଫ କରିଥିଲେ । ଚୋରାରେ ହେଉଥିବା ଗଞେଇ ଚାଲଣ ଫୁଲବାଣିରୁ କଲିକତା ହେଉଥିବାର ପଚରାଉଚରା ବେଳେ ଅବକାରୀ ବିଭାଗ ଜାଣିବାକୁ ପାଇଥିଲା ।କାରରୁ ଜବତ ହୋଇଥିବା ୧୦୦କେଜି ଗଞେଇର ଆନୁମାନିକ ମୁଲ୍ୟ ୧୦ଲକ୍ଷ ଟଙ୍କା ହେବବୋଲି ଅବକାରୀ ଇନ୍ସପେକ୍ଟର ରୋସନ୍ ଇସୁ ହାସଦା କହିଛନ୍ତି ।
