କଟକ,୨୫।୪(ଏସଏସନିଉଜ)ଏଲପିଜି ଗ୍ୟାସ୍ ସିଲିଣ୍ଡର୍ କଳାବଜାରୀ ରୋକାଯିବା ପାଇଁ ଜିଲ୍ଲାର ବିଭିନ୍ନ ଅଞ୍ଚଳ ମାନଙ୍କରେ ପ୍ରବର୍ତ୍ତନକାରୀ(ସ୍କ୍ୱାର୍ଡ)ଦଳ ସକ୍ରୀୟହୋଇ କାର୍ଯ୍ୟ କରୁଛନ୍ତି। ଜିଲ୍ଲାପାଳ ଓ ଜିଲ୍ଲାମାଜିଷ୍ଟ୍ରେଟ ଶ୍ରୀଦତ୍ତାତ୍ରୟ ଭାଉସାହେବ ଶିନ୍ଦେଙ୍କ ନିର୍ଦେଶକ୍ରମେ ଏହିଦଳ କାର୍ଯ୍ୟ କରୁଥିବା ବେଳେ ସମ୍ପୃକ୍ତ ଅଧିକାରୀମାନଙ୍କୁ ସଜାଗରହି କଳାବଜାରୀ ରୋକାଯିବାପାଇଁ ତତ୍ପରତା ସହ ନିଷ୍ଠାପର ଭାବେ କାର୍ଯୟନିର୍ବାହ ପୂର୍ବକ ବିଭିନ୍ନସମୟରେ ଚଢ଼ାଉ ଜାରିରଖିବା ପାଇଁ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି।ଏଥିସହ ନିଜେମଧ୍ୟ ପ୍ରତ୍ୟହସମୀକ୍ଷା କରୁଛନ୍ତି।ଆଜି ବାରଙ୍ଗବ୍ଲକ ସ୍ଥିତ ବ୍ରାହ୍ମଣଝିରିଲୋ ଅଞ୍ଚଳରେ କଳାବଜାରୀ ହେଉଥିବା ସଂବନ୍ଧରେ ସୂଚନାପାଇ ଏହି ପ୍ରବର୍ତ୍ତନକାରୀ ଦଳ ସମ୍ପୂର୍ଣ୍ଣ ଛାନବିନ କରି ଅସିତ୍ ପାତ୍ର ଏବଂ ଅନିଲପତ୍ର,ଉଭୟଙ୍କପିତା ଅକ୍ଷୟପାତ୍ରଙ୍କ ଘରୁ ସମୁଦାୟ ୧୪୩ଟିଗ୍ୟାସ୍ ସିଲିଣ୍ଡର୍ ଜବତ କରିଛି।ଏଥିସହ ବାଙ୍କୀଉପଖଣ୍ଡ ସୁବର୍ଣ୍ଣପୁରଅଞ୍ଚଳର ରମେଶଚନ୍ଦ୍ରଖଟୁଆ ଘରୁ ସମୁଦାୟ ୧୬ଟି ଗ୍ୟାସ ସିଲିଣ୍ଡର୍ ଜବତକରିଛନ୍ତି ବୋଲି ଜିଲ୍ଲାପ୍ରଶାସନ ପକ୍ଷରୁ ସୂଚନାପ୍ରଦାନ କରାଯାଇଛି।ପ୍ରବର୍ତ୍ତନକାରୀ ଦଳର ଏହି ଚଢ଼ାଉବେଳେ ଜିଲ୍ଲା ଯୋଗାଣକାର୍ଯ୍ୟଳୟର ଅଧିକାରୀ,ନିରୀକ୍ଷକ ତଥା ସ୍ଥାନୀୟ ପୋଲିସଅଧିକାରୀ ଓ ନିରୀକ୍ଷକ ଉପସ୍ଥିତ ଥିଲେ।
- Advertisement -
