ଭୁବନେଶ୍ୱର,୫/୬(ଏସଏସନିୟୁଜ) ରାଜଧାନୀ ଦିଲ୍ଲୀରେ ଲାଗିଥିବା ଲକଡାଉନ ସୋମବାର ଠାରୁ ସାମାନ୍ୟ କୋହଳ ହେବ। ଲକଡାଉନକୁ ସଂପୂର୍ଣ୍ଣ ହଟାଇ ନଥିଲେ ହେଁ କିଛି କୋହଳ ନୀତି ଆପଣାଇଛନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ସୋମବାର ଠାରୁ ଦିଲ୍ଲୀରେ ମଲ ଓ ମାର୍କେଟ ଖୋଲିବ। କିନ୍ତୁ ଅଡ-ଇଭିନ ଫର୍ମୁଲା ଲାଗୁ କରାଯିବ । କେଜ୍ରିୱାଲ କହିଛନ୍ତି, ବିଭିନ କ୍ଷେତ୍ରରେ କୋହଳ ନୀତି ଆପଣା ଯାଇ ଲକଡାଉନକୁ କାର୍ଯ୍ୟକାରୀ କରାଯିବ। ସୋମବାର ଲକଡାଉନ ଶେଷ ହେଉଛି। କିନ୍ତୁ ଏହା ସଂପୂର୍ଣ୍ଣ ହଟିବ ନାହିଁ। ମାର୍କେଟ ଓ ମଲ ଅଡ-ଇଭିନ ଫର୍ମୁଲା ଅନୁଯାୟୀ ସକାଳ ୧୦ଟାରୁ ରାତି ୮ଟା ଯାଏ ଖୋଲିବ!.ମେଟ୍ରୋ ସେବା କ୍ଷମତାର ୫୦% ଲୋକଙ୍କୁ ନେଇ କାର୍ଯ୍ୟ କ୍ଷମ ହେବ। ସମସ୍ତ ଏ’ ଗ୍ରୁପ୍ ସରକାରୀ ଅଫିସ ୧୦୦% କର୍ମଚାରୀଙ୍କୁ ନେଇ କାମ କରିବେ। ଅନ୍ୟ ଗ୍ରୁପ୍ର ସରକାରୀ ଅଫିସ ଗୁଡ଼ିକ ୫୦% କର୍ମଚାରୀଙ୍କୁ ନେଇ ଚାଲିବ। ଜରୁରୀ ସାମଗ୍ରୀ ବିକ୍ରି କରୁଥିବା ଦୋକାନଗୁଡ଼ିକ ସବୁଦିନ ଖୋଲା ରହିବ। ଗଳି ଓ ଏକାକୀ ଥିବା ଦୋକାନଗୁଡ଼ିକ ମଧ୍ୟ ସବୁଦିନ ଖୋଲିବ!.ସପ୍ତାହକ ପାଇଁ ପରୀକ୍ଷା ମୂଳକ ଭାବେ ଏହି ନିୟମ ଲାଗୁ କରାଯାଇଛି। ଯଦି ସଂକ୍ରମଣ ନିୟନ୍ତ୍ରଣ ମଧ୍ୟରେ ରହିବ, ତା’ହେଲେ ପରବର୍ତ୍ତୀ ସପ୍ତାହରେ ଆହୁରି କୋହଳ ନୀତି ପ୍ରଚଳନ କରାଯିବ ବୋଲି ସେ କହିଛନ୍ତି।
