ବାରଙ୍ଗ,୧୭/୧୧ (ଏସଏସନିଉଜ) ଏବେ ନନ୍ଦନକାନନରେ କଲରାପତରିଆ ବାଘୁଣୀ ଅନିତା ଖାଇବା ଛାଡ଼ିଦେଇଛି । ସେ ଦୁଇଦିନ ହେବ କିଛି ଖାଉଛି ନା ଠିକ୍ ସେ ଚଲାବୁଲା କରୁଛି । ସେ ଏବେ ଗୁରୁତର ହୋଇ ତାର ଚିକିତ୍ସା ଚାଲିଛି । କିଛିଦିନ ଖାଦ୍ୟ ଖାଉନଥିବା ବେଳେ ମଳତ୍ୟାଗ କରୁନାହିଁ । ତେବେ ପ୍ରାଣୀ ଚିକିତ୍ସକ ତାର ଅଲଟ୍ରାସାଉଣ୍ଡ କରିବା ପରେ ତାର ପେଟରେ ପାଣି ଜମିବା ସହିତ ଲିଭର୍ ସଂକ୍ରମଣ ହୋଇଥିବା ସୂଚନା ଦେଇଛନ୍ତି ନନ୍ଦନକାନନ କର୍ତ୍ତୃପକ୍ଷ । ତାକୁ ବର୍ତ୍ତମାନ ଆଇସୋଲେସନ ୱାର୍ଡ ରେ ରଖି ଚିକିତ୍ସା କରାଯାଉଛି । ଅନିତାକୁ ୨୫ମାର୍ଚ୍ଚ ୨୦୧୩ ମସିହାରେ ସାକରବାଗ ଜୁନାଗଡ଼ ,ଗୁଜୁରାଟରୁ ଅଣା ଯାଇଥିଲା । ତେବେ ସେ ବାର୍ଦ୍ଧକ୍ୟରେ ପଦାର୍ପଣ କରିଥିଲେ ମଧ୍ୟ ତାକୁ ବଞ୍ଚାଇ ରଖିବା ପାଇଁ ସମସ୍ତ ଉଦ୍ୟମ କରାଯାଉଛି ବୋଲି ନନ୍ଦନ କାନନ ଉପ ନିର୍ଦ୍ଦେଶକ ସଂଜିତ୍ କୁମାର କହିଛନ୍ତି । ତେବେ ବାଘୁଣୀ ଅନିତାର ଚିକିତ୍ସା ବି ଚାଲିଛି । ଏନେଇ ଅନେକ ପଶୁପ୍ରେମୀଙ୍କ ମହଲରେ ଆଶଙ୍କା ରହିଛି ଯେ, ନନ୍ଦନକାନନ ଇତିହାସ ପୃଷ୍ଠାରେ ରହିଛି ଯେଉଁ ଜନ୍ତୁ ରୋଗାଗ୍ରାସ୍ତ ହୋଇ ଅସୁସ୍ଥ ହେଉଛନ୍ତି ସେ ସୁସ୍ଥ ହୋଇ ଫେରନ୍ତିନାହିଁ । କିନ୍ତୁ କର୍ତ୍ତୁପକ୍ଷ କିଛି ନା କିଛି ବାହାନା ବାଜୀକରି କୁହନ୍ତି ଏ ରୋଗରେ ପଡି ମୃତ୍ୟୁ ହେଲା , ବାର୍ଦ୍ଦକ୍ୟରେ ମୃତ୍ୟୁ ହେଲା କହି ନିଜ ଦୋଷକୁ ସ୍ବିକାର ନକରି ଏଡାଇ ଦିଅନ୍ତି । ତେବେ ଅନିତା କେବେ ସୁସ୍ଥ ହେବ ନା ଅନ୍ୟ ଜନ୍ତୁପରି ଆଖିବୁଜିବ ତାହା ପଶୁପ୍ରେମୀଙ୍କ ମହଲରେ ଆଶଙ୍କା ଦେଖାଦେଇଛି ।ନନ୍ଦନକାନ ନରେ ମାଳମାଳ ଡାକ୍ତର ଥିବାବେଳେ ଅନିତାର ସ୍ୱାସ୍ତ୍ୟରେ ଉର୍ଣ୍ଣତି ହେଉଛି ନା ଅବନତି ହେଉଛି ତାହା ସମୟ କହିବ।
