ଜଳେଶ୍ଵର, ୧୮/୬(ଏସଏସନିଉଜ). ଜଳେଶ୍ଵର ବିଡ଼ିଓ ଅଶ୍ବିନୀ କୁମାର ଦାସଙ୍କୁ ଭିଜିଲାନ୍ସ ଜଳେଶ୍ଵର ସ୍ଥିତ ବାସଭବନରୁ ତାଙ୍କୁ ଗିରଫ କରିଛି। କୋଟି କୋଟି ଟଙ୍କାର ସମ୍ପତ୍ତି ଠାବ ହେବା ପରେ ଶେଷରେ ଭିଜିଲାନ୍ସ ଗିରଫ କରିଛି।ସରକାରୀ ବାସଭବନ ସମେତ ୬ଟି ସ୍ଥାନରେ ୬ଟି ଟିମ ଚଢାଉ କରିଥିଲେ। ଚଢାଉ ସମୟରେ ୧.୧୦ କୋଟି ମୁଲ୍ୟର ଝିଙ୍କରିଆରେ ଥିବା ବିଲଡିଂ , ୧.୨୨ କୋଟି ମୁଲ୍ୟର କାଳପଦାରେ ଥିବା ୩ ମହଲା କୋଠା,କଟକ ଓ କେନ୍ଦ୍ରାପଡ଼ାର ବିଭିନ୍ନ ସ୍ଥାନରେ ୨୪ ଟି ପ୍ଲଟ, କାଳପଦା ଠାରେ ଏକ ଇଟା କାରଖାନା, ୪୧ ଲକ୍ଷ ଟଙ୍କା ମୂଲ୍ୟର ୪ ଟି ଦାମୀ ଗାଡ଼ି , ୩ ଟି ଦୁଇ ଚକିଆ ଗାଡ଼ି.ସୁନା ଓ ରୁପାଅଳଙ୍କାର ସହ ନଗଦ ୧ ଲକ୍ଷ ୭୦ ହଜାର ୩୦୦ ଟଙ୍କା ଭିଜିଲାନ୍ସ ଟିମ୍ ଜବତ କରିଥିବାର ଜଣାପଡିଛି ।
