ବାରଙ୍ଗ,୨୮।୩(ଏସଏସନିଉଜ)ବୁଧବାର ବିଳମ୍ବିତ
ରାତିରେ ଅନୁଗୋଳ ଅଂଚଳରୁ ଜବତ ହୋଇଥିବା ଗୋରୁ ଗାଡ଼ିଟି ପୋଲିସ ଭୁବନେଶ୍ୱର
ଗୋଶାଳା ଅଭିମୁଖେ ନେଉଥିବା ବେଳେ ଗୋଡିସାହି ବଜାର ଉପରେ ପୁଲିସ ଓ ଗାଡି ଚାଳକ ଉପରକୁ ଆକ୍ରମଣ କରାଯାଇଛି ।ପୋଲିସ ଓ ଗାଡି ଚାଳକକୁ ଆକ୍ରମଣ କରି ଗାଡି ଭଙ୍ଗାରୁଜା କରି ଗାଡ଼ିରେ ଥିବା ଗାଈକୁ ଖୋଲି ଦିଆଯାଇଥିବାର ବାରଙ୍ଗ ଥାନାରେ ଅଭିଯୋଗ ହୋଇଛି।ପୋଲିସ ୧୪୩/୨୩କେଶ ନମ୍ବରରେ ଏକ ମକଦମା ରୁଜୁକରି ୫ଜଣଙ୍କୁ ଗିରଫ କରି ଗୁରୁବାର ଦିନ କୋର୍ଟ ଚାଲଣ କରିଛି।
ପ୍ରକାଶ ଯେ, ଗୁରୁବାର ଭୋର ସମୟରେ ପାଲ୍ଲହଡା ଥାନାରେ କାର୍ଯ୍ୟରତ ସୁନୀଲ ପ୍ରଧାନ ନାମକ ଓଏପିଏଫ ଯବାନ ଗୋଡିସାହି ଫାଣ୍ଡିରେ ଅଭିଯୋଗ କଲେଯେ, ଗତ ୨୭ ତାରିଖରେ ପାଲ୍ଲହଡାଥାନା ଅଧିକାରୀଙ୍କ ନିର୍ଦ୍ଦେଶ କ୍ରମେ, ଥାନା କେସନମ୍ବର ୮୨/୨୦୨୪ ରେ ଉଦ୍ଧାର ହୋଇଥିବା ୬୬ ଗୋଟି ଗାଈଙ୍କ ମଧ୍ୟରୁ ୧୪ ଗୋଟି ଗାଈଙ୍କୁ ଡବ୍ଲୁବି ୨୫କେ ୮୯୯୦ ନମ୍ବର ଟ୍ରକ ଯୋଗେ
ପାଲ୍ଲହଡାରୁ ଭୂବନେଶ୍ଵର ଧ୍ୟାନଫାଉଣ୍ଡେସନ ଗୋଶାଳାକୁ ଆଣୁଥିଲେ ।ରାତି ପ୍ରାୟ ୧୨ ଟା ସମୟରେ ଗୋଡିସାହି ଛକରେ ପହଂଚିଥିବାବେଳେ ୧୫/୨୦ଜଣ ଯୁବକ ଆସି ଗାଡିକୁ ଅଟକାଇଲେ। ବିଭିନ୍ନ ଅଶ୍ଳୀଳଭାଷାରେ ଗାଳି କରି ଗୋ ଚାଲାଣ କରୁଥିବା କହି ଧମକାଇବା ସହ ୮୦ହଜାର ଟଙ୍କା ବଟି ମାଗିଲେ।ପୋଲିସ ହେପାଜାତରେ ଏହା ଯାଉଥିବାର କହିବାପରେ ମଧ୍ୟ ସେମାନେ ନଶୁଣି ଡ୍ରାଇଭର ଅନନ୍ତ ମୋରାଲକୁ ଗୋଟିଏ ଇଟାରେ ମୁଣ୍ଡକୁ ମାରି ଫଟାଇ ତଳକୁ ଝିଙ୍କି ନେଇଥିଲେ ।ଅନ୍ୟକିଛି ଯୁବକ ଓଏପିଏଫ ଯବାନ ଓ ହେଲପରଙ୍କୁ ଭିଡି ଆଣି ମାରିଥିଲେ।ଆଉ କେତେକ ଯୁବକ ଗାଡିରୁ ସମସ୍ତ ଗାଈଗୁଡିକୁ ଫିଟାଇ ଦେଇଥିଲେ।ଟ୍ରକର କାଚକୁ ପଥରରେମାରି ମଧ୍ୟ ଭାଙ୍ଗି ଦେଇଥିଲେ। ଗାଡି ହେଲପର ଅଭିଜିତ ମୋରାଲ ଘଟଣାରଦ୍ରୁଶ୍ଯକୁ ନିଜ ମୋବାଇଲରେ ରେକର୍ଡ କରିବାକୁ ଆରମ୍ଭ କରିଥିବା ବେଳେ ମୋହନ ସାହୁ ନାମକ ଯୁବକ ଛଡାଇ ନେଇଯାଇଥିଲେ।ଖବରପାଇ ଗୋଡିସାହି ଫାଣ୍ଡି ଅଧିକାରୀ ବିଚିତ୍ରାନନ୍ଦ ପ୍ରଧାନ ଘଟଣାସ୍ଥଳ ରେ ପହଞ୍ଚି ଓଏପିଏଫ ଯବାନ ଓ ଅନ୍ୟମାନଙ୍କୁ ଉଦ୍ଧାରକରି ଡାକ୍ତରଖାନାକୁ ଚିକିତ୍ସା ପାଇଁ ପଠାଇଥିଲେ।ବାରଙ୍ଗପୋଲିସ ଘଟଣାକୁ ଅତି ଗୁରୁତର ସହିତ ନେଇ ତୁରନ୍ତ କାର୍ଯ୍ୟନୁଷ୍ଠାନ ଗ୍ରହଣ କରି ଗୋଡ଼ିସାହି ଅଞ୍ଚଳର ପୁପୁନସାହୁ, ସିଲୁ ଓରଫ ମୋହନସାହୁ ,ଶୋନୁଚରଣବେଜ ,ରଣଜୀତବେହେରା ଓ ସୁଶୀଲ କୁମାର ସାହୁଙ୍କୁ ଗିରଫକରି ଗୁରୁବାରଦିନ କୋର୍ଟ ଚାଲଣ କରିବାସହ ଲୂଟମୋବାଇଲ ଜବତ କରିଥିଲେ।ଅନ୍ୟପଟେ ପୋଲିସ ଖୋଜାଖୋଜି କରି ୯ଗୋଟି ଗାଈଙ୍କୁ ଉଦ୍ଧାରକରି ଗୋଶାଳାକୁ ପଠାଇଛି।
