ଭୁବନେଶ୍ବର:୧୯/୧୧-ପୁଣି ଖାକିରେ କଳଙ୍କ । ଜଣେ ବ୍ୟକ୍ତିଙ୍କ ଠାରୁ ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରାପଡିଛନ୍ତି କାର୍ଯ୍ୟରତ ପୋଲିସ ବାବୁ । ଏଭଳି ଘଟଣା ଘଟିଛି ଖୋର୍ଦ୍ଧା ସଦର ଥାନାରେ । ପ୍ରକାଶ ଯେ , ଗତ କାଲି ରାତିରେ ଉକ୍ତ ଥାନା ଅଞ୍ଚଳର ସୁଶାନ୍ତ କୁମାର ସାହୁ ନାମକ ବ୍ୟକ୍ତି ଙ୍କ ଏକ ଗାଡିକୁ ରିଲିଜ କରିଦେବା ବାବଦରେ ଥାନା ଏ ଏସ୍ ଆଇ କେଦାରସ୍ବର ନନ୍ଦ 2000ଟଙ୍କା ଦାବି କରିଥିଲେ । ସୁଶାନ୍ତ ଏନେଇ ଭିଜିଲାନ୍ସରେ ଅଭିଯୋଗ କରିଥିଲେ । ଅଭିଯୋଗ ପାଇ ଭିଜିଲାନ୍ସର ଏକ ଟିମ୍ ପୂର୍ବ ଯୋଜନା ମୁତାବକ ସବଇନ୍ସପେକ୍ଟର କେଦାରସ୍ୱର ନନ୍ଦ ୨୦୦୦ ଟଙ୍କା ଲାଞ୍ଚ ନେଉଥିବା ବେଳେ ରେଡ ହାଣ୍ଡ ରେ ଭିଜିଲାନ୍ସ ହାତରେ ଗିରଫ ହୋଇଥିଲେ । ଗିରଫ ହେବା ପରେ ତାଙ୍କୁ କୋର୍ଟଚାଲଣ କରାଯାଇଥିବା ଜଣାପଡିଛି ।
