ସାକ୍ଷୀଗୋପାଳ ରୁ ଚିହ୍ନଟ ହେଲା ବଉଳବୃକ୍ଷ

0 39

ସାକ୍ଷୀଗୋପାଳ,୧୮/୬(ଏସଏସନିୟୁଜ) ସାକ୍ଷୀଗୋପାଳ ସାରୁଗାଡିଆ ସ୍ଥିତ ବକୁଳବନରୁ ଚିହ୍ନଟ ହୋଇଛି ବଉଳବୃକ୍ଷ । ଶ୍ରୀ ଜଗନ୍ନାଥ ଓ ବଡଠାକୁର ଙ୍କ ଦେବସ୍ନାନ ପୂର୍ଣ୍ଣମୀ ଓ ରଥଯାତ୍ରା ସମୟରେ ଶ୍ରୀଅଙ୍ଗଲାଗିରେ ସେନାପଟା ଓ ବାହୁଟ ଗୁପ୍ତସେବା ନିମନ୍ତେ ଏହା ଲାଗିବ ।ଏଥିନିମନ୍ତେ ରଥ ନିର୍ମାଣ ସୁପରଭାଇଜର ସୁଦର୍ଶନ ମେକାପ, ସର୍ଦ୍ଦାର ଭୋଇ ସେବକ ରବି ଭୋଇ, ଧୁର୍ବ ଚରଣ ଭୋଇ ବଉଳ ଗଛ ମାପଚୁପ କରିବା ପରେ ଠାକୁରଙ୍କ ସେବା ପାଇଁ ବୃକ୍ଷଟିକୁ ଚୟନ କରିଥିଲେ ।ଆବଶ୍ୟକ ୬ ହାତ ଲମ୍ବ ଓ ଦେଢ ହାତ ଗୋଲେଇର ୩ ଖଣ୍ଡ କାଠ ସଂଗ୍ରହ କରାଯିବ ବୋଲି ରଥ ନିର୍ମାଣ ସୁପରଭାଇଜର ଶ୍ରୀ ମେକାପ କହିଥିଲେ । ୨୧ତାରିଖ ନିର୍ଜଳା ଏକାଦଶୀ ତିଥିରେ ପୂଜାର୍ଚ୍ଚନା କରାଯାଇ ବୃକ୍ଷ ଛେଦନ କରାଯିବାସହ ଆଧ୍ୟାତ୍ମିକ ସମାରୋହରେ ବକୁଳବନରୁ ଶ୍ରୀକ୍ଷେତ୍ର ଅଭିମୁଖେ କାଠ ଶଗଡିକୁ ମେଲାଣି ଦିଆଯିବାର ଯୋଜନା ରହିଥିବାର ଜଣାପଡିଛି ।

Leave A Reply

Your email address will not be published.