ଭଦ୍ରକ, ୧୧/୧୧(ଏସଏସନିୟୁଜ) ଫାଙ୍କାରେ ଗୁଳି ଫୁଟାଇ ଔଷଧ ଦୋକାନରୁ ୩ଟି ମୋବାଇଲ, ୧୫ ହଜାର ଟଙ୍କା ଲୁଟି ନେଇଛନ୍ତି ଦୁର୍ବୃତ୍ତ । ବୁଧବାର ସାଢ଼େ ୧୦ଟା ରାତିରେ ଭଦ୍ରକ ଗ୍ରାମାଞ୍ଚଳ ଥାନା ଅଧୀନସ୍ଥ ଆରଡ଼ିଛକ ନିକଟରେଥିବା ମାନବଜ୍ୟୋତି ଔଷଧ ଦୋକାନରେ ଘଟିଛି । ୩ଟି ବାଇକରେ ୯ଜଣ ଦୁର୍ବୃତ୍ତ ଆସି ଅଚାନକ ଗୁଳି ଚାଳନା କରିଥିଲେ।ଏହାପରେ ଔଷଧ ଦୋକାନରେ ପଶି କର୍ମଚାରୀମାନେ ଭୟଭୀତ କରାଇ ୩ଟି ମୋବାଇଲ, ୧୫ ହଜାର ଟଙ୍କା ନେଇ ଫେରାର ହୋଇଯାଇଥିଲେ । ଖବର ପାଇ ଗ୍ରାମାଞ୍ଚଳ ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିବାସହ ଦୋକାନରୁ ଖୋକା ଜବତ କରିଛି।
- Advertisement -
